§1.91.1οἱ δὲ ἀκούοντες τῷ μὲν Θεμιστοκλεῖ ἐπείθοντο διὰ φιλίαν αὐτοῦ, τῶν δὲ ἄλλων ἀφικνουμένων καὶ σαφῶς κατηγορούντων ὅτι τειχίζεταί τε καὶ ἤδη ὕψος λαμβάνει, οὐκ εἶχον ὅπως χρὴ ἀπιστῆσαι.
斯巴达人听了这话，起初因与地米斯托克利的交情而相信他；但随着其他人陆续抵达并明确指控雅典人正在筑墙且城墙已具规模，他们便不知如何才能不予置信。
§1.91.2γνοὺς δὲ ἐκεῖνος κελεύει αὐτοὺς μὴ λόγοις μᾶλλον παράγεσθαι ἢ πέμψαι σφῶν αὐτῶν ἄνδρας οἵτινες χρηστοὶ καὶ πιστῶς ἀναγγελοῦσι σκεψάμενοι.
地米斯托克利察觉到这一点，便督促他们不要被言辞所迷惑，而应从他们自己人中派遣几位诚实可靠的人，在实地考察后带回真实的报告。
§1.91.3ἀποστέλλουσιν οὖν, καὶ περὶ αὐτῶν ὁ Θεμιστοκλῆς τοῖς Ἀθηναίοις κρύφα πέμπει κελεύων ὡς ἥκιστα ἐπιφανῶς κατασχεῖν καὶ μὴ ἀφεῖναι πρὶν ἂν αὐτοὶ πάλιν κομισθῶσιν (ἤδη γὰρ καὶ ἧκον αὐτῷ οἱ ξυμπρέσβεις, Ἁβρώνιχός τε ὁ Λυσικλέους καὶ Ἀριστείδης ὁ Λυσιμάχου, ἀγγέλλοντες ἔχειν ἱκανῶς τὸ τεῖχος) ἐφοβεῖτο γὰρ μὴ οἱ Λακεδαιμόνιοι σφᾶς, ὁπότε σαφῶς ἀκούσειαν, οὐκέτι ἀφῶσιν.
于是斯巴达人派遣了使者，而地米斯托克利则暗中向雅典人送信，要求他们尽可能不露痕迹地扣留这些使者，在他们自己安全返回之前切勿放行（因为此时，他的同僚使者——吕西克勒斯之子哈布罗尼科斯和吕西马科斯之子阿里斯提德已经到达，并向他报告城墙已达到了足够的高度）。 因为他担心斯巴达人一旦确切得知真相，就不会再放他们离开。
§1.91.4οἵ τε οὖν Ἀθηναῖοι τοὺς πρέσβεις, ὥσπερ ἐπεστάλη, κατεῖχον, καὶ ὁ Θεμιστοκλῆς ἐπελθὼν τοῖς Λακεδαιμονίοις ἐνταῦθα δὴ φανερῶς εἶπεν ὅτι ἡ μὲν πόλις σφῶν τετείχισται ἤδη ὥστε ἱκανὴ εἶναι σῴζειν τοὺς ἐνοικοῦντας, εἰ δέ τι βούλονται Λακεδαιμόνιοι ἢ οἱ ξύμμαχοι πρεσβεύεσθαι παρὰ σφᾶς, ὡς πρὸς διαγιγνώσκοντας τὸ λοιπὸν ἰέναι τά τε σφίσιν αὐτοῖς ξύμφορα καὶ τὰ κοινά.
于是雅典人按照指示扣留了使者，而地米斯托克利则来到斯巴达人面前，此时才公开宣称：他们的城邦已经修筑好了城墙，足以保护其中的居民；如果斯巴达人或其盟友今后想要向雅典派使团，就应当明白他们是在与能够分辨自身利益与共同利益的人打交道。
§1.91.5τήν τε γὰρ πόλιν ὅτε ἐδόκει ἐκλιπεῖν ἄμεινον εἶναι καὶ ἐς τὰς ναῦς ἐσβῆναι, ἄνευ ἐκείνων ἔφασαν γνόντες τολμῆσαι, καὶ ὅσα αὖ μετ’ ἐκείνων βουλεύεσθαι, οὐδενὸς ὕστεροι γνώμῃ φανῆναι.
因为他说，当年在看来最好是抛弃家园、登上战船的时候，雅典人也是在没有他们参与的情况下作出了这一英勇决断并付诸行动的；而在其他与他们共同商议的所有事情中，雅典人在判断力上也从未逊色于任何人。
§1.91.6δοκεῖν οὖν σφίσι καὶ νῦν ἄμεινον εἶναι τὴν ἑαυτῶν πόλιν τεῖχος ἔχειν, καὶ ἰδίᾳ τοῖς πολίταις καὶ ἐς τοὺς πάντας ξυμμάχους ὠφελιμώτερον ἔσεσθαι·
因此，现在他们认为自己的城邦拥有城墙是更好的选择，而且无论是对公民个人还是对全体盟友来说，这都将更为有利。
§1.91.7οὐ γὰρ οἷόν τ’ εἶναι μὴ ἀπὸ ἀντιπάλου παρασκευῆς ὁμοῖόν τι ἢ ἴσον ἐς τὸ κοινὸν βουλεύεσθαι.
因为，除非从对等的防务准备出发，否则便不可能在平等和公正的基础上共同协商联合事务。
ἢ πάντας οὖν ἀτειχίστους ἔφη χρῆναι ξυμμαχεῖν ἢ καὶ τάδε νομίζειν ὀρθῶς ἔχειν.
因此，他说，要么所有盟友都不设防地进行结盟，要么也必须承认目前的这种做法是正确的。