§44Postquam castra attigit, ut se acrem ac seuerum ducem ostenderet, legatos, qui auxilia serius ex diuersis locis adduxerant, cum ignominia dimisit;
彼は宿営地に到着すると、自らが鋭敏で厳格な指揮官であることを示すために、各地から補助軍を遅れて連れてきた使節たちを不名誉とともに罷免した。
at in exercitu recensendo plerisque centurionum maturis iam et nonnullis ante paucissimos quam consummaturi essent dies, primos pilos ademit, causatus senium cuiusque et imbecillitatem;
しかし、軍隊の査閲においては、すでに高齢の多くの百人隊長たちから、また一部は兵役を満了するわずか数日前であった者たちからさえも、それぞれの老年と虚弱を口実にして、筆頭百人隊長の地位を剥奪した。
ceterorum increpita cupiditate commoda emeritae militiae ad †sescentorum milium summam recidit.
その他の者たちの貪欲さを非難した上で、退役時の恩給の額を60万セステルティウスに引き下げた。
nihil autem amplius quam Adminio Cynobellini Britannorum regis filio, qui pulsus a patre cum exigua manu transfugerat, in deditionem recepto, quasi uniuersa tradita insula, magnificas Romam litteras misit, monitis speculatoribus, ut uehiculo ad forum usque et curiam pertenderent nec nisi in aede Martis ac frequente senatu consulibus traderent.
だが、父親から追放されて僅かな手下とともに亡命してきた、ブリタンニア人の王キノベリヌスの息子アドミニウスを降伏者として受け入れたこと以外には何一つなさなかったにもかかわらず、まるで島全体が引き渡されたかのように、ローマへ誇らしげな書簡を送った。 そして偵察兵たちには、車両でフォーラムや元老院議事堂まで直接乗り進み、マールス神殿で多くの元老院議員が参集する中で執政官たちに直接手渡すのでなければ、書簡を引き渡してはならないと命じた。
§45Mox deficiente belli materia paucos de custodia Germanos traici occulique trans Rhenum iussit ac sibi post prandium quam tumultuosissime adesse hostem nuntiari.
やがて戦争のネタが不足すると、彼は拘留されている数人のゲルマニア人をライン川の向こう側へと渡らせて隠しておくように命じ、昼食の後に、極めて騒々しく敵が接近していると自分に告げさせるようにした。
quo facto proripuit se cum amicis et parte equitum praetorianorum in proximam siluam, truncatisque arboribus et in modum tropaeorum adornatis ad lumina reuersus, eorum quidem qui secuti non essent timiditatem et ignauiam corripuit, comites autem et participes uictoriae nouo genere ac nomine coronarum donauit, quas distinctas solis ac lunae siderumque specie exploratorias appellauit.
これがなされると、彼は友人たちや親衛隊の騎兵の一部を伴って近くの森へと駆け込み、木々を切り倒してトロフィーのように飾り立てて、松明の光とともに戻ってきた。 そして追従しなかった者たちの臆病さと卑怯さを非難し、一方で勝利の同行者や参加者たちには、太陽と月と星の姿があしらわれ「偵察冠」と呼ばれる、新しい種類と名称の冠を与えた。
rursus obsides quosdam abductos e litterario ludo clamque praemissos, deserto repente conuiuio, cum equitatu insecutus ueluti profugos ac reprehensos in catenis reduxit;
さらに今度は、学校から拉致して密かに先に行かせておいた何人かの人質たちを、突然宴席を離れて、騎兵とともに追跡し、まるで逃亡者であるかのように捕らえて鎖につないで連れ戻した。
in hoc quoque mimo praeter modum intemperans.
この茶番劇においても彼は度を越して法外であった。
repetita cena renuntiantis coactum agmen sic ut erant loricatos ad discumbendum adhortatus est.
宴会が再開されると、軍列が整ったと報告する者たちに、彼らが身につけていた通りに甲冑をつけたまま横たわって食事をするよう促した。
monuit etiam notissimo Vergili uersu 'durarent secundisque se rebus seruarent.
さらにウェルギリウスの極めて有名な詩行「耐え忍べ、そして良き日々のために自らを保て」を引いて諭した。
'
Atque inter haec absentem senatum populumque grauissimo obiurgauit edicto, quod Caesare proeliante et tantis discriminibus obiecto tempestiua conuiuia, circum et theatra et amoenos secessus celebrarent.
そしてこの間に、ローマにいない元老院と民衆を非常に厳しい布告によって叱責した。 カエサルが戦闘に身を投じ、これほどの危機に直面しているというのに、彼らは時宜を得た宴会や、円形闘技場や劇場、快適な保養地で楽しんでいるという理由からであった。
§46postremo quasi perpetraturus bellum, derecta acie in litore Oceani ac ballistis machinisque dispositis, nemine gnaro aut opinante quidnam coepturus esset, repente ut conchas legerent galeasque et sinus replerent imperauit, 'spolia Oceani' uocans 'Capitolio Palatioque debita,' et in indicium uictoriae altissimam turrem excitauit, ex qua ut Pharo noctibus ad regendos nauium cursus ignes emicarent;
最後に、まるで戦争を完了しようとするかのように、オケアノスの海岸に陣形を整え、バリスタや各種の攻城兵器を配置したのち、彼が何を始めようとしているのか誰も知らず予想もしない中で、突然、貝殻を拾い集め、兜や衣服の懐を満たすよう命じた。 それらを「カピトリウムとパラティウムに捧げられるべき大洋の戦利品」と呼び、勝利の記念として、夜間に船の航路を導くために灯台のように光を放つような極めて高い塔を建設した。
pronuntiatoque militi donatiuo centenis uiritim denariis, quasi omne exemplum liberalitatis supergressus: 'abite,' inquit, 'laeti, abite locupletes. '
そして兵士たちに一人当たり100デナリウスの恩賞を宣言し、あらゆる気前の良さの先例を超えたかのようにこう言った。 「去るがよい、喜んで。 去るがよい、富んで。
§47Conuersus hinc ad curam triumphi praeter captiuos ac transfugas barbaros Galliarum quoque procerissimum quemque et, ut ipse dicebat, ἀξιοθριάμβευτον, ac nonnullos ex principibus legit ac seposuit ad pompam coegitque non tantum rutilare et summittere comam, sed et sermonem Germanicum addiscere et nomina barbarica ferre.
」ここから彼は凱旋式の準備へと目を向け、捕虜や亡命してきた蛮族に加えて、ガリアで最も背が高く、彼自身が言うところの「凱旋式にふさわしい」者たち、さらに首長たちのうち何人かを選び出してパレードのために別に取り分けておき、彼らに髪を赤く染めて伸ばすだけでなく、ゲルマニアの言葉を学び、蛮族の名を名乗るよう強いた。
praecepit etiam triremis, quibus introierat Oceanum, magna ex parte itinere terrestri Romam deuehi.
彼はまた、自分が大洋へ入るのに用いた三段櫂船の大部分を、陸路でローマへ運ぶよう命じた。
scripsit et procuratoribus, triumphum appararent quam minima summa, sed quantus numquam alius fuisset, quando in omnium hominum bona ius haberent.
さらに代理人たちにも、これまでにないほど壮大でありながら、できる限り最小限の費用で凱旋式の準備をするよう手紙を書いた。 彼らは全人類の財産に対して権利を持っているのだからと。
§48Prius quam prouincia decederet, consilium iniit nefandae atrocitatis legiones, quae post excessum Augusti seditionem olim mouerant, contrucidandi, quod et patrem suum Germanicum ducem et se infantem tunc obsedissent, uixque a tam praecipiti cogitatione reuocatus, inhiberi nullo modo potuit quin decimare uelle perseueraret.
彼は属州を去る前に、アウグストゥスの逝去ののちにかつて反乱を起こした軍団を虐殺するという、恐るべき残虐な計画を立てた。 その理由は、彼らが自分の父であるゲルマニクス将軍と、当時幼子であった自分を包囲したからであった。 このような無謀な考えから辛うじて引き戻されたものの、10分の1刑を望んで譲らないことを抑えることは決してできなかった。
uocatas itaque ad contionem inermes, atque etiam gladiis depositis, equitatu armato circumdedit.
そこで彼は、武器を持たないよう命じ、また剣さえも置かせた状態で彼らを集会に呼び集め、武装した騎兵で包囲させた。
sed cum uideret suspecta re plerosque dilabi ad resumenda si qua uis fieret arma, profugit contionem confestimque urbem †omnem petit, deflexa omni acerbitate in senatum, cui ad auertendos tantorum dedecorum rumores palam minabatur, querens inter cetera fraudatum se iusto triumpho, cum ipse paulo ante, ne quid de honoribus suis ageretur, etiam sub mortis poena denuntiasset.
しかし、不審に思った多くの者たちが、何か武力行使があれば武器を再び手にするために立ち去り始めるのを見ると、彼は集会から逃げ出し、直ちにローマ市へと向かった。 そして怒りの矛先をすべて元老院へと向け、これほど不名誉な噂を打ち消すために公然と脅迫した。 とりわけ、正当な凱旋式を奪われたと不満を述べた。 彼自身が少し前に、自分の栄誉に関してはいかなる議事も行わないよう、死刑の罰をもって布告していたにもかかわらず。