§3.6.1Cum meum factum cum tuo comparo, etsi non magis mihi faveo in nostra amicitia tuenda quam tibi, tamen multo magis meo facto delector quam tuo.
私の行いとあなたの行いを比較するとき、私たちの友情を守ることにおいて、あなたに対するよりも私自身に対してより好意的であるわけではないが、それでも私はあなたが行ったことよりも、自分のしたことにずっと満足しています。
ego enim Brundisi quaesivi ex Phania, cuius mihi videbar et fidelitatem erga te perspexisse et nosse locum, quem apud te is teneret, quam in partem provinciae maxime putaret te velle ut in succedendo primum venirem.
というのも、私はブルンディシウムでファニアスに尋ねたからです。 私は彼のあなたに対する忠実さを見極め、彼があなたのところで占めている立場を理解しているように思われましたので、私が後任として赴任するにあたって、まず属州のどの地域に来ることをあなたが最も望んでいると彼が思っているか、尋ねたのです。
Cum ille mihi respondisset nihil me tibi gratius facere posse quam si ad Sidam navigassem, etsi minus dignitatis habebat ille adventus et ad multas res mihi minus erat aptus, tamen ita me dixi esse facturum.
もし私がシダへと航海したなら、それ以上にあなたが喜ぶことは私は何もできないと彼が私に答えたとき、その到着は品格に欠け、多くの事柄において私にはあまり適していなかったにもかかわらず、それでも私はそのようにするつもりだと答えました。
§3.6.2idem ego cum L. Clodium Corcyrae convenissem, hominem ita tibi coniunctum, ut mihi, cum illo cum loquerer, tecum loqui viderer, dixi ei me ita facturum esse, ut in eam partem, quam Phania rogasset, primum venirem.
同じ私が、コルキュラでルキウス・クロディウス（彼と話していると、あなたと話しているように思えるほどあなたに親しい人物）に会ったとき、ファニアスが求めたその地域にまず到着するようにするつもりだと彼に言いました。
tunc ille, mihi cum gratias egisset, magno opere a me petivit ut Laudiceam protinus irem;
そのとき彼は、私に感謝を述べたのち、私が直ちにラオディケアへ行くことを強く求めました。
te in prima provincia velle esse, ut quam primum decederes;
あなたが属州の入り口にいて、できるだけ早く退去したいのだと。
quin, nisi ego successor essem, quem tu cuperes videre, te antea, quam tibi successum esset, decessurum fuisse;
いやそれどころか、もし私（あなたが会いたいと切望している人）が後任でなかったなら、あなたは後任が到着する前に退去していただろう、と。
quod quidem erat consentaneum cum iis litteris, quas ego Romae acceperam, ex quibus perspexisse mihi videbar, quam festinares decedere.
このことは確かに私がローマで受け取った手紙と一致しており、その手紙から私は、あなたがどれほど退去を急いでいるかを見極めたように思われました。
respondi Clodio me ita esse facturum ac multo quidem libentius quam si illud esset faciendum, quod promiseram Phaniae.
私はクロディウスに、そのようにするつもりであり、ファニアスに約束したあのことをなすべきであった場合よりも、はるかに喜んでそうすると答えました。
itaque et consilium mutavi et ad te statim mea manu scriptas litteras misi;
したがって、私は計画を変更し、あなたに直ちに私の直筆の手紙を送りました。
quas quidem ex tuis litteris intellexi satis mature ad te esse perlatas.
その手紙は、あなたの手紙から判断するに、十分に早い時期にあなたのもとに届けられたと私は理解しました。
§3.6.3hoc ego meo facto valde delector;
私はこの自分の行いに大いに満足しています。
nihil enim potuit fieri amantius.
これ以上親愛に満ちたことはなされ得なかったからです。
considera nunc vicissim tuum.
今度は逆にあなたの行いを考えてみてください。
non modo ibi non fuisti, ubi me quam primum videre posses, sed eo discessisti, quo ego te ne persequi quidem possem triginta diebus, qui tibi ad decedendum lege, ut opinor, Cornelia constituti essent, ut tuum factum, qui quo animo inter nos simus ignorent, alieni hominis, ut levissime dicam, et fugientis congressum, meum vero coniunctissimi et amicissimi esse videatur.
あなたは私ができるだけ早くあなたに会えるような場所にいなかったばかりか、コルネリウス法によってあなたが退去するために定められていると私は思うのですが、その三十日間のうちに、私があなたを追いかけることさえ到底できないような場所へと去ってしまいました。 その結果、私たちの間の心境を知らない人々にとって、あなたの行いは、最も控えめに言っても、他人のものであり、会うのを避けて逃げている人のものであるかのように見え、他方、私の行いは、極めて親密で友友好な人のものであるかのように見えるのです。
§3.6.4ac mihi tamen, ante quam in provinciam veni, redditae sunt a te litterae, quibus etsi te Tarsum proficisci demonstrabas, tamen mihi non dubiam spem mei conveniendi adferebas, cum interea, credo equidem, malevoli homines (late enim patet hoc vitium et est in multis), sed tamen probabilem materiem nacti sermonis ignari meae constantiae conabantur alienare a te voluntatem meam;
しかしそれでも、私が属州に到着する前に、あなたからの手紙が届けられました。 その中であなたはタルススへ出発することを示していたものの、私に会えるという確実な希望を私に抱かせていました。 ところがその間に、私自身はそう信じるのですが、悪意ある人々（この悪徳は広くはびこっており、多くの人々の中に存在します）が、とはいえ、もっともらしい話の種を見つけ、私の意志の堅さを知らないまま、あなたに対する私の好意を引き離そうと試みていました。
qui te forum Tarsi agere, statuere multa, decernere, iudicare dicerent, cum posses iam suspicari tibi esse successum, quae ne ab iis quidem fieri solerent, qui brevi tempore sibi succedi putarent.
彼らは、後任が到着したことをすでに予期しえたはずのときに、あなたがタルススで法廷を開き、多くのことを決定し、判決を下し、裁判を行っていると言っていました。 そのようなことは、近いうちに後任が来ると考えている人々によってさえ普通は行われないことなのです。
§3.6.5Horum ego sermone non movebar, quin etiam, credas mi velim, si quid tu ageres, levari me putabam molestia et ex annua provincia, quae mihi longa videretur, prope iam undecim mensuum provinciam factam esse gaudebam, si absenti mihi unius mensis labor detractus esset;
私は彼らの噂話に動揺しませんでした。 それどころか、信じていただきたいのですが、あなたが何かを行っているのであれば、私は面倒から解放されているのだと考え、私にとって長く思われた一年間の属州勤務が、不在の私から一ヶ月分の労苦が差し引かれるのであれば、すでにほぼ十一ヶ月の属州勤務になったのだと喜んでいました。
illud, vere dicam, me movet, in tanta militum paucitate abesse tris cohortis, quae sint plenissimae, nec me scire ubi sint;
ありのままに言えば、私を動揺させているのは、これほど兵士が不足している中で、人員が完全に満たされている三つのコホルスが不在であり、それらがどこにいるのか私が知らないということです。
molestissime autem fero, quod te ubi visurus sim nescio;
そして、あなたがどこで会えるのかわからないことを、最も心苦しく思っています。
coque ad te tardius scripsi, quod cotidie te ipsum exspectabam, cum interea ne litteras quidem ullas accepi, quae me docerent, quid ageres aut ubi te visurus essem.
そして、あなたへの手紙を書くのがこれほど遅れたのは、私が毎日あなた自身を待ち望んでいたからであり、その間に、あなたが何をしているのか、あるいは私がどこであなたに会うことになるのかを知らせてくれる手紙さえ、全く受け取らなかったからです。
itaque virum fortem mihique in primis probatum, D. Antonium, praefectum evocatorum, misi ad te, cui, si tibi videretur, cohortis traderes, ut, dum tempus anni esset idoneum, aliquid negoti gerere possem;
それゆえ、私は、勇敢で私にとってとりわけ信頼できる人物であるエウォカトゥスの指揮官デキムス・アントニウスをあなたのもとに派遣しました。 あなたがそう望むなら、彼にコホルスを引き渡していただきたく、そうすれば季節が適している間に、私が何らかの任務を遂行することができます。
in quo, tuo consilio ut me sperarem esse usurum, et amicitia nostra et litterae tuae fecerant, quod ne nunc quidem despero.
そのことにおいて、私があなたの助言を利用することを期待するようにさせたのは、私たちの友情とあなたからの手紙であり、私は今でもそれを諦めていません。
sed plane, quando aut ubi te visurus sim, nisi ad me scripseris, ne suspicari quidem possum.
しかし、明らかに、いつどこであなたに会うことになるのか、あなたが私に書いてくれない限り、推測することさえできません。
§3.6.6ego, ut me tibi amicissimum esse et aequi et iniqui intellegant, curabo;
私は、公平な人々も不公平な人々も、私があなたにとって極めて親しい友であることを理解するように取り計らうつもりです。
de tuo in me animo iniquis secus existimandi videris non nihil loci dedisse.
私に対するあなたの気持ちについては、不公平な人々がそれとは異なって考える余地を、あなたが少なからず与えてしまったように思われます。
id si correxeris, mihi valde gratum erit.
もしあなたがこれを正してくださるなら、私は大変嬉しく思います。
et ut habere rationem possis, quo loco me salva lege Cornelia convenias, ego in provinciam veni pridie K. Sextilis, iter in Ciliciam facio per Cappadociam, castra movi ab Iconio pridie K. Septembris.
そして、コルネリウス法に違反することなく、どの場所で私に会うことができるか、あなたが計算できるように、私は七月三十一日に属州に到着し、カッパドキア経由でキリキアへの旅を続けており、八月三十一日にイコニウムから陣営を移動させました。
nunc tu et ex diebus et ex ratione itineris, si putabis me esse conveniendum, constitues, quo loco id commodissime fieri possit et quo die.
今やあなたは、日数と旅の計画から、私に会うべきだとお考えなら、どの場所で、そして何日にそれが最も都合よく行われうるかを決定されることでしょう。