§4.87.1ὁ δʼ Ἀπελλῆς οὐδαμῶς ἀφίστατο τῆς προθέσεως, ἀλλʼ ἅμα μὲν τὸν Ταυρίωνα τὸν ἐπὶ τῶν ἐν Πελοποννήσῳ τεταγμένον διέβαλλεν,
アペレスは自分の企てを決してあきらめず、一方ではペロポネソスに配されていたタウリオンを中傷した。
§4.87.2οὐ ψέγων, ἀλλʼ ἐπαινῶν καὶ φάσκων ἐπιτήδειον αὐτὸν εἶναι μετὰ τοῦ βασιλέως ἐν τοῖς ὑπαίθροις συνδιατρίβειν, βουλόμενος ἕτερον ἐπισταθῆναι διʼ αὑτοῦ τοῖς ἐν Πελοποννήσῳ πράγμασι.
けなすのではなく、褒めて、彼が王とともに戦場で過ごすのに適していると言い、自らの手で別の者をペロポネソスの諸事に任命させることを望んだ。
§4.87.3καινὸς γὰρ δή τις οὗτος εὕρηται τρόπος διαβολῆς τὸ μὴ ψέγοντας, ἀλλʼ ἐπαινοῦντας λυμαίνεσθαι τοὺς πέλας·
というのも、けなすのではなく、褒めることによって他者を害するという、新しい中傷の方法が見出されたからである。
§4.87.4εὕρηται δὲ μάλιστα καὶ πρῶτον τοιαύτη κακεντρέχεια καὶ βασκανία καὶ δόλος ἐκ τῶν περὶ τὰς αὐλὰς διατριβόντων καὶ τῆς τούτων πρὸς ἀλλήλους ζηλοτυπίας καὶ πλεονεξίας.
このような悪意と嫉妬と欺瞞は、とりわけ、そして最初に宮廷に仕える者たちの間から、また彼らの互いに対する羨望と貪欲さから生じたものである。
§4.87.5ὁμοίως δὲ καὶ τὸν ἐπὶ τῆς θεραπείας τεταγμένον Ἀλέξανδρον, ὅτε λάβοι καιρόν, διέδακνε, βουλόμενος καὶ τὴν περὶ τὸ σῶμα φυλακὴν τοῦ βασιλέως διʼ αὑτοῦ γενέσθαι καὶ καθόλου κινῆσαι τὴν ὑπʼ Ἀντιγόνου καταλειφθεῖσαν διάταξιν.
同様に、護衛に配されていたアレクサンドロスをも、機会を得るたびに少しずつ中傷し、王の身辺警護を自分を通じて行わせること、そして全体としてアンティゴノスによって遺された体制を変更することを望んだ。
§4.87.6Ἀντίγονος γὰρ καλῶς μὲν ζῶν προέστη τῆς τε βασιλείας καὶ τοῦ παιδὸς αὑτοῦ, καλῶς δὲ τὸν βίον μεταλλάττων προενοήθη πρὸς τὸ μέλλον περὶ πάντων τῶν πραγμάτων.
なぜならアンティゴノスは、生前は王国と自らの子を見事に統治し、死に臨んでも将来に向けてすべての事柄に立派に配慮したからである。
§4.87.7ἀπολιπὼν γὰρ διαθήκην ἔγραφε Μακεδόσιν ὑπὲρ τῶν διῳκημένων· ὁμοίως δὲ καὶ περὶ τοῦ μέλλοντος διέταξε πῶς καὶ διὰ τίνων ἕκαστα δεήσει χειρίζεσθαι, βουλόμενος μηδεμίαν ἀφορμὴν καταλιπεῖν τοῖς περὶ τὴν αὐλὴν πρὸς ἀλλήλους φιλοτιμίας καὶ στάσεως.
彼は遺言を残して、これまでの統治についてマケドニア人たちに書き記し、同様に将来についても、どのように、誰を通じて個々の事柄を処理すべきかを定め、宮廷の者たちに互いに対する野心や不和のいかなるきっかけも残さないことを望んだ。
§4.87.8ἐν οἷς τῶν τότε συστρατευομένων αὐτὸς μὲν Ἀπελλῆς ἐν τοῖς ἐπιτρόποις ἀπελέλειπτο, Λεόντιος δʼ ἐπὶ τῶν πελταστῶν, Μεγαλέας δʼ ἐπὶ τοῦ γραμματείου, Ταυρίων δʼ ἐπὶ τῶν κατὰ Πελοπόννησον, Ἀλέξανδρος δʼ ἐπὶ τῆς θεραπείας.
その中で、当時ともに従軍していた者のうち、アペレス自身は後見人に残され、レオンティオスは軽装盾兵に、メガレアスは書記室に、タウリオンはペロポネソスの諸事に、アレクサンドロスは護衛に任じられていた。
§4.87.9τὸν μὲν οὖν Λεόντιον καὶ Μεγαλέαν ὑφʼ αὑτὸν εἶχεν ὁλοσχερῶς, τὸν δʼ Ἀλέξανδρον καὶ Ταυρίωνα μεταστησάμενος ἀπὸ τῆς χρείας ἔσπευδε καὶ ταῦτα καὶ τἄλλα πάντα διʼ αὑτοῦ καὶ διὰ τῶν ἰδίων φίλων χειρίζειν.
さて、レオンティオスとメガレアスは完全に配下に置いていたが、アレクサンドロスとタウリオンをその職務から退かせ、これらや他のすべての事柄を自分自身と自分の友人たちを通じて処理しようと急いだ。
§4.87.10ὃ δὴ καὶ ῥᾳδίως ἂν ἐπετέλεσε μὴ παρασκευάσας ἀνταγωνιστὴν Ἄρατον αὑτῷ· νῦν δὲ ταχέως πεῖραν ἔλαβε τῆς σφετέρας ἀφροσύνης καὶ πλεονεξίας.
彼はアラトスというライバルを自分に作り出していなかったなら、これを容易に成し遂げただろうが、現実には、自らの愚行と貪欲さの報いを速やかに受けることになった。
§4.87.11ὃ γὰρ αὐτὸς ἐπεβάλετο πρᾶξαι κατὰ τῶν πέλας, τοῦτʼ ἔπαθε καὶ λίαν ἐν πάνυ βραχεῖ χρόνῳ.
というのも、彼自身が他者に対して行おうと企てたことを、極めて短い時間のうちに自ら被ることになったからである。
§4.87.12πῶς δὲ καὶ τίνι τρόπῳ τοῦτο συνέβη γενέσθαι κατὰ μὲν τὸ παρὸν ὑπερθησόμεθα καὶ καταστρέψομεν τὴν βύβλον ταύτην, ἐν δὲ τοῖς ἑξῆς πειρασόμεθα σαφῶς ὑπὲρ ἑκάστων ἐξαγγέλλειν.
これがどのように、いかなる方法で起こったかについては、現在は延期してこの巻を閉じることとし、続く巻において個々の事柄について明確に記述することに努めたい。
§4.87.13Φίλιππος δὲ τὰ προειρημένα διαταξάμενος ἐπανῆλθεν εἰς Ἄργος, κἀνταῦθα τὴν παραχειμασίαν ἐποίει μετὰ τῶν φίλων, τὰς δὲ δυνάμεις ἀπέλυσεν εἰς Μακεδονίαν.
フィリッポスは前述の事柄を整えると、アルゴスに戻り、そこで友人たちと冬を過ごし、軍隊をマケドニアへと解散した。