§4.87.1ὁ δʼ Ἀπελλῆς οὐδαμῶς ἀφίστατο τῆς προθέσεως, ἀλλʼ ἅμα μὲν τὸν Ταυρίωνα τὸν ἐπὶ τῶν ἐν Πελοποννήσῳ τεταγμένον διέβαλλεν, §4.87.2οὐ ψέγων, ἀλλʼ ἐπαινῶν καὶ φάσκων ἐπιτήδειον αὐτὸν εἶναι μετὰ τοῦ βασιλέως ἐν τοῖς ὑπαίθροις συνδιατρίβειν, βουλόμενος ἕτερον ἐπισταθῆναι διʼ αὑτοῦ τοῖς ἐν Πελοποννήσῳ πράγμασι.
阿佩莱斯绝不放弃他的企图，而是一方面中伤被委任管理伯罗奔尼撒事务的陶里翁，不是通过指责，而是通过赞美并声称他适合在野外与国王共同相处，以此希望通过自己让另一个人被任命掌管伯罗奔尼撒的事务。
§4.87.3καινὸς γὰρ δή τις οὗτος εὕρηται τρόπος διαβολῆς τὸ μὴ ψέγοντας, ἀλλʼ ἐπαινοῦντας λυμαίνεσθαι τοὺς πέλας·
因为这确实是一种新发明的中伤方式：不是通过指责，而是通过赞美来加害近邻。
§4.87.4εὕρηται δὲ μάλιστα καὶ πρῶτον τοιαύτη κακεντρέχεια καὶ βασκανία καὶ δόλος ἐκ τῶν περὶ τὰς αὐλὰς διατριβόντων καὶ τῆς τούτων πρὸς ἀλλήλους ζηλοτυπίας καὶ πλεονεξίας.
这种恶意、嫉妒和欺瞒，尤其且首先是在那些出入宫廷之人和他们彼此间的嫉妒与贪婪中被发现的。
§4.87.5ὁμοίως δὲ καὶ τὸν ἐπὶ τῆς θεραπείας τεταγμένον Ἀλέξανδρον, ὅτε λάβοι καιρόν, διέδακνε, βουλόμενος καὶ τὴν περὶ τὸ σῶμα φυλακὴν τοῦ βασιλέως διʼ αὑτοῦ γενέσθαι καὶ καθόλου κινῆσαι τὴν ὑπʼ Ἀντιγόνου καταλειφθεῖσαν διάταξιν.
同样，每当有机会，他也暗中攻击被任命负责近卫的亚历山大，希望国王的贴身侍卫也由自己掌控，并彻底动摇安提柯所遗留下来的体制。
§4.87.6Ἀντίγονος γὰρ καλῶς μὲν ζῶν προέστη τῆς τε βασιλείας καὶ τοῦ παιδὸς αὑτοῦ, καλῶς δὲ τὸν βίον μεταλλάττων προενοήθη πρὸς τὸ μέλλον περὶ πάντων τῶν πραγμάτων.
因为安提柯在世时，妥善地治理了王国并保护了自己的孩子，而在离世之际，他也为将来的所有事务作出了极佳的防备。
§4.87.7ἀπολιπὼν γὰρ διαθήκην ἔγραφε Μακεδόσιν ὑπὲρ τῶν διῳκημένων· ὁμοίως δὲ καὶ περὶ τοῦ μέλλοντος διέταξε πῶς καὶ διὰ τίνων ἕκαστα δεήσει χειρίζεσθαι, βουλόμενος μηδεμίαν ἀφορμὴν καταλιπεῖν τοῖς περὶ τὴν αὐλὴν πρὸς ἀλλήλους φιλοτιμίας καὶ στάσεως.
他留下了遗嘱，向马其顿人写明了自己的治理情况；同样，对于未来，他也规定了各项事务应如何以及通过何人来处理，希望不给宫廷中人留下任何彼此竞争和内讧的借口。
§4.87.8ἐν οἷς τῶν τότε συστρατευομένων αὐτὸς μὲν Ἀπελλῆς ἐν τοῖς ἐπιτρόποις ἀπελέλειπτο, Λεόντιος δʼ ἐπὶ τῶν πελταστῶν, Μεγαλέας δʼ ἐπὶ τοῦ γραμματείου, Ταυρίων δʼ ἐπὶ τῶν κατὰ Πελοπόννησον, Ἀλέξανδρος δʼ ἐπὶ τῆς θεραπείας.
在这些人中，当时共同从军的部属里，阿佩莱斯本人被留任为监护人之一，雷翁提乌斯负责轻盾兵，梅加莱阿斯负责秘书处，陶里翁负责伯罗奔尼撒事务，亚历山大负责近卫。
§4.87.9τὸν μὲν οὖν Λεόντιον καὶ Μεγαλέαν ὑφʼ αὑτὸν εἶχεν ὁλοσχερῶς, τὸν δʼ Ἀλέξανδρον καὶ Ταυρίωνα μεταστησάμενος ἀπὸ τῆς χρείας ἔσπευδε καὶ ταῦτα καὶ τἄλλα πάντα διʼ αὑτοῦ καὶ διὰ τῶν ἰδίων φίλων χειρίζειν.
于是，他完全将雷翁提乌斯和梅加莱阿斯置于自己的控制之下，而对于亚历山大和陶里翁，他则极力解除他们的职务，并急于通过自己和自己的亲信来处理这些以及所有其他事务。
§4.87.10ὃ δὴ καὶ ῥᾳδίως ἂν ἐπετέλεσε μὴ παρασκευάσας ἀνταγωνιστὴν Ἄρατον αὑτῷ· νῦν δὲ ταχέως πεῖραν ἔλαβε τῆς σφετέρας ἀφροσύνης καὶ πλεονεξίας.
如果他没有为自己树立阿拉图斯这样一个对手，他本可以轻易完成这件事；但现在，他很快就尝到了自己愚蠢和贪婪的后果。
§4.87.11ὃ γὰρ αὐτὸς ἐπεβάλετο πρᾶξαι κατὰ τῶν πέλας, τοῦτʼ ἔπαθε καὶ λίαν ἐν πάνυ βραχεῖ χρόνῳ.
因为他自己企图对他人施加的手段，他自己也遭受了，而且是在极短的时间内。
§4.87.12πῶς δὲ καὶ τίνι τρόπῳ τοῦτο συνέβη γενέσθαι κατὰ μὲν τὸ παρὸν ὑπερθησόμεθα καὶ καταστρέψομεν τὴν βύβλον ταύτην, ἐν δὲ τοῖς ἑξῆς πειρασόμεθα σαφῶς ὑπὲρ ἑκάστων ἐξαγγέλλειν.
至于这是如何以及通过何种方式发生的，我们目前将予以搁置并结束本卷，但在接下来的各卷中，我们将努力对每件事进行清晰的阐述。
§4.87.13Φίλιππος δὲ τὰ προειρημένα διαταξάμενος ἐπανῆλθεν εἰς Ἄργος, κἀνταῦθα τὴν παραχειμασίαν ἐποίει μετὰ τῶν φίλων, τὰς δὲ δυνάμεις ἀπέλυσεν εἰς Μακεδονίαν.
腓力在安排好上述事务后，回到了阿尔戈斯，并在那里与朋友们一起度过冬天，同时将军队解散回马其顿。