§4.87.1ὁ δʼ Ἀπελλῆς οὐδαμῶς ἀφίστατο τῆς προθέσεως, ἀλλʼ ἅμα μὲν τὸν Ταυρίωνα τὸν ἐπὶ τῶν ἐν Πελοποννήσῳ τεταγμένον διέβαλλεν,
아펠레스는 자신의 기도를 결코 포기하지 않고, 한편으로는 펠로폰네소스의 업무를 맡고 있던 타우리온을 모함했다.
§4.87.2οὐ ψέγων, ἀλλʼ ἐπαινῶν καὶ φάσκων ἐπιτήδειον αὐτὸν εἶναι μετὰ τοῦ βασιλέως ἐν τοῖς ὑπαίθροις συνδιατρίβειν, βουλόμενος ἕτερον ἐπισταθῆναι διʼ αὑτοῦ τοῖς ἐν Πελοποννήσῳ πράγμασι.
비난하는 것이 아니라 칭찬하며 그가 왕과 함께 야영지에서 시간을 보내기에 적합하다고 주장했는데, 이는 자신의 손을 통해 다른 인물이 펠로폰네소스의 업무에 임명되기를 원했기 때문이다.
§4.87.3καινὸς γὰρ δή τις οὗτος εὕρηται τρόπος διαβολῆς τὸ μὴ ψέγοντας, ἀλλʼ ἐπαινοῦντας λυμαίνεσθαι τοὺς πέλας·
비난하는 대신 칭찬함으로써 이웃을 해치는 이러한 방식은 실로 새로운 유형의 모함이다.
§4.87.4εὕρηται δὲ μάλιστα καὶ πρῶτον τοιαύτη κακεντρέχεια καὶ βασκανία καὶ δόλος ἐκ τῶν περὶ τὰς αὐλὰς διατριβόντων καὶ τῆς τούτων πρὸς ἀλλήλους ζηλοτυπίας καὶ πλεονεξίας.
이와 같은 악의와 시기 및 기만은 무엇보다도 먼저 궁정 주변에서 시간을 보내는 자들과 그들 상호 간의 질투 및 탐욕에서 비롯되었다.
§4.87.5ὁμοίως δὲ καὶ τὸν ἐπὶ τῆς θεραπείας τεταγμένον Ἀλέξανδρον, ὅτε λάβοι καιρόν, διέδακνε, βουλόμενος καὶ τὴν περὶ τὸ σῶμα φυλακὴν τοῦ βασιλέως διʼ αὑτοῦ γενέσθαι καὶ καθόλου κινῆσαι τὴν ὑπʼ Ἀντιγόνου καταλειφθεῖσαν διάταξιν.
마찬가지로 그는 경호를 맡고 있던 알렉산드로스 역시 기회가 있을 때마다 헐뜯었으니, 이는 왕의 신변 경호 또한 자신의 영향력 하에 두며, 나아가 안티고노스가 남긴 체제를 전반적으로 뒤흔들기를 원했기 때문이다.
§4.87.6Ἀντίγονος γὰρ καλῶς μὲν ζῶν προέστη τῆς τε βασιλείας καὶ τοῦ παιδὸς αὑτοῦ, καλῶς δὲ τὸν βίον μεταλλάττων προενοήθη πρὸς τὸ μέλλον περὶ πάντων τῶν πραγμάτων.
왜냐하면 안티고노스는 살아생전에 왕국과 자신의 아들을 훌륭하게 이끌었고, 생을 마감할 때도 장래를 대비하여 모든 일에 대해 세심하게 배려했기 때문이다.
§4.87.7ἀπολιπὼν γὰρ διαθήκην ἔγραφε Μακεδόσιν ὑπὲρ τῶν διῳκημένων· ὁμοίως δὲ καὶ περὶ τοῦ μέλλοντος διέταξε πῶς καὶ διὰ τίνων ἕκαστα δεήσει χειρίζεσθαι, βουλόμενος μηδεμίαν ἀφορμὴν καταλιπεῖν τοῖς περὶ τὴν αὐλὴν πρὸς ἀλλήλους φιλοτιμίας καὶ στάσεως.
그는 유언장을 남겨 마케도니아인들에게 자신의 통치 행위에 관해 기록했으며, 마찬가지로 장래에 대해서도 각 업무를 어떻게 그리고 누구를 통해 처리해야 할지 규정했으니, 이는 궁정 내 사람들에게 상호 경쟁과 불화의 어떠한 빌미도 남겨두지 않기를 바랐기 때문이다.
§4.87.8ἐν οἷς τῶν τότε συστρατευομένων αὐτὸς μὲν Ἀπελλῆς ἐν τοῖς ἐπιτρόποις ἀπελέλειπτο, Λεόντιος δʼ ἐπὶ τῶν πελταστῶν, Μεγαλέας δʼ ἐπὶ τοῦ γραμματείου, Ταυρίων δʼ ἐπὶ τῶν κατὰ Πελοπόννησον, Ἀλέξανδρος δʼ ἐπὶ τῆς θεραπείας.
그 규정 중 당시 함께 군대에 참여했던 이들 가운데 아펠레스 자신은 후견인 중 한 명으로 남겨졌고, 레온티오스는 펠타스타이 지휘관으로, 메갈레아스는 서기장으로, 타우리온은 펠로폰네소스 업무 담당자로, 알렉산드로스는 경호 담당자로 지정되어 있었다.
§4.87.9τὸν μὲν οὖν Λεόντιον καὶ Μεγαλέαν ὑφʼ αὑτὸν εἶχεν ὁλοσχερῶς, τὸν δʼ Ἀλέξανδρον καὶ Ταυρίωνα μεταστησάμενος ἀπὸ τῆς χρείας ἔσπευδε καὶ ταῦτα καὶ τἄλλα πάντα διʼ αὑτοῦ καὶ διὰ τῶν ἰδίων φίλων χειρίζειν.
그리하여 그는 레온티오스와 메갈레아스는 완전히 자신의 통제 하에 두었으나, 알렉산드로스와 타우리온은 그 직무에서 배제시킨 후, 이 일들과 다른 모든 일들을 자신과 자기 측근들을 통해 처리하려고 서둘렀다.
§4.87.10ὃ δὴ καὶ ῥᾳδίως ἂν ἐπετέλεσε μὴ παρασκευάσας ἀνταγωνιστὴν Ἄρατον αὑτῷ· νῦν δὲ ταχέως πεῖραν ἔλαβε τῆς σφετέρας ἀφροσύνης καὶ πλεονεξίας.
만약 그가 아라토스라는 경쟁자를 자신에게 만들어내지 않았더라면 이 일을 쉽게 완수했겠지만, 실제로는 자신의 어리석음과 탐욕의 결과를 빠르게 경험하게 되었다.
§4.87.11ὃ γὰρ αὐτὸς ἐπεβάλετο πρᾶξαι κατὰ τῶν πέλας, τοῦτʼ ἔπαθε καὶ λίαν ἐν πάνυ βραχεῖ χρόνῳ.
왜냐하면 그가 스스로 타인에게 행하려고 기도했던 일을, 매우 짧을 시간 안에 자신이 고스란히 겪게 되었기 때문이다.
§4.87.12πῶς δὲ καὶ τίνι τρόπῳ τοῦτο συνέβη γενέσθαι κατὰ μὲν τὸ παρὸν ὑπερθησόμεθα καὶ καταστρέψομεν τὴν βύβλον ταύτην, ἐν δὲ τοῖς ἑξῆς πειρασόμεθα σαφῶς ὑπὲρ ἑκάστων ἐξαγγέλλειν.
이것이 어떻게 그리고 어떤 방식으로 일어나게 되었는가는 현재로서는 미루어 두고 이 책을 마치고자 하며, 이어지는 권들에서 각 사건에 대해 명확하게 서술하도록 노력하겠다.
§4.87.13Φίλιππος δὲ τὰ προειρημένα διαταξάμενος ἐπανῆλθεν εἰς Ἄργος, κἀνταῦθα τὴν παραχειμασίαν ἐποίει μετὰ τῶν φίλων, τὰς δὲ δυνάμεις ἀπέλυσεν εἰς Μακεδονίαν.
필리포스는 앞서 언급한 일들을 정돈한 후 아르고스로 돌아와 그곳에서 친구들과 함께 겨울을 보냈고, 군대는 마케도니아로 해산시켰다.