§30.1.1ὅτι κατὰ τὸν καιρὸν τοῦτον ἦλθε παρὰ τοῦ βασιλέως Εὐμένους ἀδελφὸς Ἄτταλος,
この時期に、エウメネス王の弟アッタロスが（ローマに）やって来た。
§30.1.2ἔχων μὲν πρόφασιν, εἰ καὶ μὴ τὸ κατὰ τοὺς Γαλάτας ἐγεγόνει σύμπτωμα περὶ τὴν βασιλείαν, ὅμως ἐλθεῖν εἰς τὴν Ῥώμην ἕνεκεν τοῦ συγχαρῆναι τῇ συγκλήτῳ καὶ τυχεῖν τινος ἐπισημασίας διὰ τὸ συμπεπολεμηκέναι καὶ πάντων εὐμενῶς σφίσι μετεσχηκέναι τῶν κινδύνων· §30.1.3τότε δὲ καὶ διὰ τὴν Γαλατικὴν περίστασιν ἠναγκασμένος ἧκεν εἰς τὴν Ῥώμην.
彼は、たとえガラティア人に関する王国への災難が起こっていなかったとしても、元老院を祝賀し、共に戦い彼らのすべての危険を好意的に分かち合ったことへの何らかの表彰を得るために、いずれにせよローマに行くという名分を持ってはいたが、この時はガラティアの危機のためにも、ローマに来ることを余儀なくされていた。
§30.1.4πάντων δὲ φιλοφρόνως αὐτὸν ἀποδεχομένων διά τε τὴν ἐν τῇ στρατείᾳ γεγενημένην συνήθειαν καὶ διὰ τὸ δοκεῖν εὔνουν αὐτοῖς ὑπάρχειν, καὶ γινομένης τῆς ἀπαντήσεως ὑπὲρ τὴν προσδοκίαν, μετέωρος ἐγενήθη ταῖς ἐλπίσιν, οὐκ εἰδὼς τὴν ἀληθινὴν αἰτίαν τῆς ἀποδοχῆς.
軍事行動中に生じた親交のため、また彼らに好意的であると見なされていたために、すべての者が彼を好意的に迎え、また出迎えが予想を超えたものであったため、彼はその歓迎の真の理由を知らず、期待で胸を膨らませた。
§30.1.5διὸ καὶ παρʼ ὀλίγον ἦλθε τοῦ λυμήνασθαι τὰ σφέτερα πράγματα καὶ τὴν ὅλην βασιλείαν.
それゆえ彼は、自分自身の立場と王国全体を損なう一歩手前まで行った。
§30.1.6τῶν γὰρ πλείστων Ῥωμαίων ἀπηλλοτριωμένων τῆς τοῦ βασιλέως Εὐμένους εὐνοίας καὶ πεπεισμένων αὐτὸν πλάγιον ἐν τῷ πολέμῳ γεγονέναι, λαλοῦντα τῷ Περσεῖ καὶ τοῖς καιροῖς ἐφεδρεύοντα τοῖς κατʼ αὐτῶν,
というのも、ローマ人の大部分がエウメネス王への好意を失っており、彼が戦争において不誠実であり、ペルセウスと交渉し、彼らに不利な好機をうかがっていたと確信していたからである。
§30.1.7ἔνιοι τῶν ἐπιφανῶν ἀνδρῶν λαμβάνοντες εἰς τὰς χεῖρας τὸν Ἄτταλον παρεκάλουν τὴν μὲν ὑπὲρ τἀδελφοῦ πρεσβείαν ἀποθέσθαι, περὶ δʼ ἑαυτοῦ ποιεῖσθαι τοὺς λόγους·
著名な人々の一部は、アッタロスを個人的に抱き込み、兄のための使節としての任務を脇に置き、自分自身について申し立てを行うよう促した。
§30.1.8βούλεσθαι γὰρ αὐτῷ τὴν σύγκλητον συγκατασκευάζειν ἰδίαν ἀρχὴν καὶ δυναστείαν διὰ τὴν ἀλλοτριότητα τὴν πρὸς τὸν ἀδελφόν.
元老院は、彼の兄に対する反感から、彼自身のために独自の支配権と王権を確立してやりたいと望んでいる、というのであった。
§30.1.9ἐφʼ οἷς συνέβαινε τὸν Ἄτταλον ἐπὶ πολὺ μετεωρίζεσθαι καὶ συγκατανεύειν ἐν ταῖς κατʼ ἰδίαν ὁμιλίαις τοῖς εἰς τοῦτο τὸ μέρος αὐτὸν παρορμῶσι.
これらの提案によって、アッタロスは大いに心を動かされ、非公式の会談において、この方向へと彼を促す者たちに同意するに至った。
§30.1.10τέλος δὲ πρὸς ἐνίους τῶν ἀξιολόγων ἀνδρῶν συνέθετο καὶ παρελθὼν εἰς τὴν σύγκλητον ποιήσεσθαι τοὺς περὶ τούτων λόγους.
そしてついに、彼は一部の有力者たちと合意に達し、元老院に出頭してこれらの件について発言することを約束した。