§3.3.1μετὰ δὲ ταῦτα συγκεφαλαιωσάμενοι τὰς ἐν Ἰβηρίᾳ καὶ Λιβύῃ καὶ Σικελίᾳ πράξεις Ῥωμαίων καὶ Καρχηδονίων μεταβιβάσομεν τὴν διήγησιν ὁλοσχερῶς εἰς τοὺς κατὰ τὴν Ἑλλάδα τόπους ἅμα ταῖς τῶν πραγμάτων μεταβολαῖς.
この後に、イベリア、リビア、シケリアにおけるローマ人とカルタゴ人の事績を要約した上で、私たちは、情勢の推移とともに、叙述の舞台をギリシア地方へと全面的に移す。
§3.3.2ἐξηγησάμενοι δὲ τὰς Ἀττάλου καὶ Ῥοδίων ναυμαχίας πρὸς Φίλιππον, ἔτι δὲ τὸν Ῥωμαίων καὶ Φιλίππου πόλεμον, ὡς ἐπράχθη καὶ διὰ τίνων καὶ τί τὸ τέλος ἔσχεν, §3.3.3τούτῳ συνάπτοντες τὸ συνεχὲς μνησθησόμεθα τῆς Αἰτωλῶν ὀργῆς, καθʼ ἣν Ἀντίοχον ἐπισπασάμενοι τὸν ἀπὸ τῆς Ἀσίας Ἀχαιοῖς καὶ Ῥωμαίοις ἐξέκαυσαν πόλεμον.
そして、アッタロスおよびロドス人のフィリッポスに対する海戦、さらにローマ人とフィリッポスの戦争が、いかに行われ、誰を通じてなされ、どのような結末を迎えたかを説明し、これに連続するものとして、アイトリア人の怒りについて言及する。 彼らはこの怒りに駆られて、アジアからアンティオコスを引き入れ、アカイア人とローマ人に対する戦争に火をつけたのである。
§3.3.4οὗ δηλώσαντες τὰς αἰτίας καὶ τὴν Ἀντιόχου διάβασιν εἰς τὴν Εὐρώπην διασαφήσομεν πρῶτον μὲν τίνα τρόπον ἐκ τῆς Ἑλλάδος ἔφυγεν, δεύτερον δὲ πῶς ἡττηθεὶς τῆς ἐπὶ τάδε τοῦ Ταύρου πάσης ἐξεχώρησε, §3.3.5τὸ δὲ τρίτον τίνα τρόπον Ῥωμαῖοι καταλύσαντες τὴν Γαλατῶν ὕβριν ἀδήριτον μὲν σφίσι παρεσκεύασαν τὴν τῆς Ἀσίας ἀρχήν, ἀπέλυσαν δὲ τοὺς ἐπὶ τάδε τοῦ Ταύρου κατοικοῦντας βαρβαρικῶν φόβων καὶ τῆς Γαλατῶν παρανομίας.
この戦争の原因とアンティオコスのヨーロッパへの渡航を明らかにした上で、私たちは、第一にいかにして彼がギリシアから逃亡したか、第二にいかにして敗北してタウロス山脈のこちら側の全地域から撤退したか、そして第三にいかにしてローマ人がガラティア人の不遜を鎮めて、自分たちにとってアジアの支配権を揺るぎないものとし、タウロス山脈のこちら側に住む人々を、蛮族への恐怖やガラティア人の無法から解放したかを詳しく説明する。
§3.3.6μετὰ δὲ ταῦτα θέντες ὑπὸ τὴν ὄψιν τὰς Αἰτωλῶν καὶ Κεφαλλήνων ἀτυχίας ἐπιβαλοῦμεν τοὺς Εὐμένει συστάντας πρός τε Προυσίαν καὶ Γαλάτας πολέμους, ὁμοίως δὲ καὶ τὸν μετʼ Ἀριαράθου πρὸς Φαρνάκην.
この後に、アイトリア人とケファレニア人の不運を目の前に提示した上で、私たちは、エウメネスに味方してプルシアスおよびガラティア人に対して起こった戦争、同様にまたアリアラテスとともにファルナケスに対して戦われた戦争に筆を進める。
§3.3.7οἷς ἑξῆς ἐπιμνησθέντες τῆς παρὰ Πελοποννησίων ὁμονοίας καὶ καταστάσεως, ἔτι δὲ τῆς αὐξήσεως τοῦ Ῥοδίων πολιτεύματος, συγκεφαλαιωσόμεθα τὴν ὅλην διήγησιν ἅμα καὶ τὰς πράξεις, §3.3.8ἐπὶ πᾶσιν ἐξηγησάμενοι τὴν Ἀντιόχου στρατείαν εἰς Αἴγυπτον τοῦ κληθέντος Ἐπιφανοῦς καὶ τὸν Περσικὸν πόλεμον καὶ τὴν κατάλυσιν τῆς ἐν Μακεδονίᾳ βασιλείας.
これらに続いて、ペロポネソス人たちの間の協調と体制、さらにはロドス人の国制の発展について言及し、私たちは、全体の叙述をその事績とともに要約し、そのすべての締めくくりとして、エピファネスと呼ばれたアンティオコスのエジプト遠征、ペルセウス戦争、そしてマケドニアにおける王政の崩壊を詳しく説明する。
§3.3.9διʼ ὧν ἅμα θεωρηθήσεται πῶς ἕκαστα χειρίσαντες Ῥωμαῖοι πᾶσαν ἐποιήσαντο τὴν οἰκουμένην ὑπήκοον αὑτοῖς.
これらを通じて、ローマ人がそれぞれの事柄をいかに処理して、居住世界全体を自分たちに従属させたかが、同時に明らかになるであろう。