§21.31.1οὗτοι μὲν οὖν παραλαβόντες τούς τε Ῥοδίους καὶ τοὺς Ἀθηναίους ἔπλεον ἐπὶ τὸ προκείμενον·
彼らは、ロドス人とアテネ人を伴って、予定の目的地へと船出した。
§21.31.2παραπλησίως δὲ καὶ Μάρκος ἐξαπέστειλε Γάιον τὸν Οὐαλέριον καί τινας ἑτέρους τῶν φίλων πράξοντας τὰ περὶ τῆς εἰρήνης.
同様にマルクスも、ガイウス・ウァレリウスと、他の何人かの友人を、和平に関する交渉を行わせるために派遣した。
§21.31.3ἀφικομένων δʼ εἰς τὴν Ῥώμην, πάλιν ἐκαινοποιήθη τὰ τῆς ὀργῆς πρὸς Αἰτωλοὺς διὰ Φιλίππου τοῦ βασιλέως·
彼らがローマに到着すると、フィリッポス王のせいで、アイトリア人に対する元老院の怒りが再び燃え上がった。
§21.31.4ἐκεῖνος γὰρ δοκῶν ἀδίκως ὑπὸ τῶν Αἰτωλῶν ἀφῃρῆσθαι τὴν Ἀθαμανίαν καὶ τὴν Δολοπίαν διεπέμψατο πρὸς τοὺς φίλους, ἀξιῶν αὐτοὺς συνοργισθῆναι καὶ μὴ προσδέξασθαι τὰς διαλύσεις.
というのも、王はアイトリア人によってアタマニアとドロピアを不当に奪われたと考えていたので、自分の友人たちに使者送り、自分とともに憤慨し、和平協定を受け入れないよう求めたからである。
§21.31.5διὸ καὶ τῶν μὲν Αἰτωλῶν εἰσπορευθέντων παρήκουεν ἡ σύγκλητος, τῶν δὲ Ῥοδίων καὶ τῶν Ἀθηναίων ἀξιούντων ἐνετράπη καὶ προσέσχε τὸν νοῦν.
そのため、元老院はアイトリア人が入廷したときには耳を貸さなかったが、ロドス人とアテネ人が懇願すると、心を動かされて注意を向けた。
§21.31.6καὶ γὰρ ἐδόκει μετὰ Δάμωνʼ ὁ Κιχησίου λέων ἄλλα τε καλῶς εἰπεῖν καὶ παραδείγματι πρὸς τὸ παρὸν οἰκείῳ χρήσασθαι κατὰ τὸν λόγον.
というのも、ダモンの後に、キケシアスの息子レオンが、他の点でも見事に語り、その演説において現在の状況に適切な譬えを用いたと思われたからである。
§21.31.7ἔφη γὰρ ὀργίζεσθαι μὲν εἰκότως τοῖς Αἰτωλοῖς·
彼は、元老院がアイトリア人に対して怒るのは当然であると言った。
πολλὰ γὰρ εὖ πεπονθότας τοὺς Αἰτωλοὺς ὑπὸ Ῥωμαίων οὐ χάριν ἀποδεδωκέναι τούτων, ἀλλʼ εἰς μέγαν ἐνηνοχέναι κίνδυνον τὴν Ῥωμαίων ἡγεμονίαν ἐκκαύσαντας τὸν πρὸς Ἀντίοχον πόλεμον·
なぜなら、アイトリア人はローマ人から多くの恩恵を受けながらも、これらに対する感謝を報いることなく、アンティオコスとの戦争に火をつけてローマの覇権を大きな危険に晒したからである。
ἐν τούτῳ δὲ διαμαρτάνειν τὴν σύγκλητον,
しかし、元老院は次の点において誤っている、と。
§21.31.8ἐν ᾧ τὴν ὀργὴν φέρειν ἐπὶ τοὺς πολλούς.
すなわち、その怒りを大衆に向けるという点において。
§21.31.9εἶναι γὰρ τὸ συμβαῖνον ἐν ταῖς πολιτείαις περὶ τὰ πλήθη παραπλήσιον τῷ γινομένῳ περὶ τὴν θάλατταν.
なぜなら、国制において民衆に起こることは、海において起こることに酷似しているからである。
§21.31.10καὶ γὰρ ἐκείνην κατὰ μὲν τὴν αὑτῆς φύσιν ἀεί ποτʼ εἶναι γαληνὴν καὶ καθεστηκυῖαν καὶ συλλήβδην τοιαύτην ὥστε μηδέποτʼ ἂν ἐνοχλῆσαι μηδένα τῶν προσπελαζόντων αὐτῇ καὶ χρωμένων·
実際、海というものは、それ自体の本性によれば、常に穏やかで落ち着いており、総じて、それに近づきこれを利用する者を誰一人として決して悩ませることのないようなものである。
§21.31.11ἐπειδὰν δʼ ἐμπεσόντες εἰς αὐτὴν ἄνεμοι βίαιοι ταράξωσι καὶ παρὰ φύσιν ἀναγκάσωσι κινεῖσθαι, τότε μηθὲν ἔτι δεινότερον εἶναι μηδὲ φοβερώτερον θαλάττης·
しかし、激しい風が海に吹き込んでこれをかき乱し、その本性に反して動くことを強いるとき、そのときには海ほど恐ろしく、また怯えさせるものはほかにない。
ὃ καὶ νῦν τοῖς κατὰ τὴν Αἰτωλίαν συμπεσεῖν.
これと同じことが、今やアイトリアの人々にも起こったのである。
§21.31.12"ἕως μὲν γὰρ ἦσαν ἀκέραιοι, πάντων τῶν Ἑλλήνων ὑπῆρχον ὑμῖν εὐνούστατοι καὶ βεβαιότατοι συνεργοὶ πρὸς τὰς πράξεις·
「というのも、彼らが他人の悪影響を受けず純真であった間は、彼らは全ギリシア人の中で最もあなた方に好意的であり、あなた方の事業において最も頼もしい協力者であった。
§21.31.13ἐπεὶ δʼ ἀπὸ μὲν τῆς Ἀσίας πνεύσαντες Θόας καὶ Δικαίαρχος, ἀπὸ δὲ τῆς Εὐρώπης Μενεστᾶς καὶ Δαμόκριτος συνετάραξαν τοὺς ὄχλους καὶ παρὰ φύσιν ἠνάγκασαν πᾶν καὶ λέγειν καὶ πράττειν,
しかし、アジアからはトアスとディカイアルコスが、ヨーロッパからはメネスタスとダモクリトスが吹き荒れて群衆をかき乱し、彼らの本性に反して、あらゆることを語り、行うよう強いたとき、そのときになって初めて、彼らは邪な考えを抱いてあなた方に敵対することを望んだものの、結局は自分自身に災厄をもたらすことになった。
§21.31.14τότε δὴ κακῶς φρονοῦντες ἐβουλήθησαν μὲν ὑμῖν, ἐγένοντο δʼ αὑτοῖς αἴτιοι κακῶν.
それゆえ、あなた方は彼らに対しては容赦なく接するべきであるが、大衆に対しては憐れみをかけ、彼らと和解すべきである。
§21.31.15ἀνθʼ ὧν ὑμᾶς δεῖ πρὸς ἐκείνους ἔχειν ἀπαραιτήτως, ἐλεεῖν δὲ τοὺς πολλοὺς καὶ διαλύεσθαι πρὸς αὐτούς, εἰδότας ὅτι γενόμενοι πάλιν ἀκέραιοι, καὶ πρὸς τοῖς ἄλλοις ἔτι νῦν ὑφʼ ὑμῶν σωθέντες, εὐνούστατοι πάλιν ἔσονται πάντων Ἑλλήνων.
なぜなら、彼らが再び純真に戻り、さらに今回のことであなた方によって救われたなら、再びすべてのギリシア人の中で最も好意的な存在になるということを、あなた方は知っているからである。
§21.31.16"ὁ μὲν οὖν Ἀθηναῖος ταῦτʼ εἰπὼν ἔπεισε τὴν σύγκλητον διαλύεσθαι πρὸς τοὺς Αἰτωλούς.
」このアテネ人はこのように語って、元老院を説得し、アイトリア人と和解させた。