§21.14.1ὁ δʼ Ἡρακλείδης, μετά τινας ἡμέρας παραγενομένου τοῦ Ποπλίου, κληθεὶς πρὸς τὸ συνέδριον εἰς ἔντευξιν διελέγετο περὶ ὧν εἶχε τὰς ἐντολάς,
ヘラクレイドスは、数日後にプブリウスが到着すると、交渉のために評議会に召喚され、自らが携えていた指令について話し始めた。
§21.14.2φάσκων τῆς τε τῶν Λαμψακηνῶν καὶ Σμυρναίων, ἔτι δὲ τῆς τῶν Ἀλεξανδρέων πόλεως ἐκχωρεῖν τὸν Ἀντίοχον, ὁμοίως δὲ καὶ τῶν κατὰ τὴν Αἰολίδα καὶ τὴν Ἰωνίαν, ὅσαι τυγχάνουσιν ᾑρημέναι τὰ Ῥωμαίων· §21.14.3πρὸς δὲ τούτοις τὴν ἡμίσειαν ἀναδέχεσθαι τῆς γεγενημένης αὐτοῖς δαπάνης εἰς τὸν ἐνεστῶτα πόλεμον.
すなわち、アンティオコスがランプサコス、スミュルナ、さらにはアレクサンドレイアの都市、同様にまた、アイオリスやイオニアにあってローマ側を支持しているすべての都市から撤退すること、これらに加えて、現在の戦争においてローマ側に生じた費用の半分を彼が引き受けること、を告げた。
§21.14.4πολλὰ δὲ καὶ ἕτερα πρὸς ταύτην τὴν ὑπόθεσιν διελέχθη, παρακαλῶν τοὺς Ῥωμαίους μήτε τὴν τύχην λίαν ἐξελέγχειν ἀνθρώπους ὑπάρχοντας, μήτε τὸ μέγεθος τῆς αὑτῶν ἐξουσίας ἀόριστον ποιεῖν, ἀλλὰ περιγράφειν, μάλιστα μὲν τοῖς τῆς Εὐρώπης ὅροις·
彼はまた、この提案に関連して他の多くのことを語り、ローマ人たちに、人間であるのだから運命を過度に試すべきではなく、また自らの支配の大きさを無限にするのではなく、特にヨーロッパの境界によって、それを制限すべきであると勧告した。
§21.14.5καὶ γὰρ ταύτην μεγάλην ὑπάρχειν καὶ παράδοξον διὰ τὸ μηδένα καθῖχθαι τῶν προγεγονότων αὐτῆς·
なぜなら、ヨーロッパだけでも、かつての先祖たちの誰もその全体の支配に達したことがないほど、十分に大きく素晴らしいものであるからである。
§21.14.6εἰ δὲ πάντως καὶ τῆς Ἀσίας βούλονταί τινα προσεπιδράττεσθαι, διορίσαι ταῦτα·
しかし、どうしてもアジアの一部をも手に入れようと望むなら、それらを明確に画定すべきである。
πρὸς πᾶν γὰρ τὸ δυνατὸν προσελεύσεσθαι τὸν βασιλέα.
なぜなら、王は可能な限りの譲歩に応じるつもりであるからである。
§21.14.7ῥηθέντων δὲ τούτων, ἔδοξε τῷ συνεδρίῳ τὸν στρατηγὸν ἀποκριθῆναι διότι τῆς μὲν δαπάνης οὐ τὴν ἡμίσειαν, ἀλλὰ πᾶσαν δίκαιόν ἐστιν Ἀντίοχον ἀποδοῦναι·
これらが語られた後、評議会は、将軍が以下のように答えることを決定した。 すなわち、費用に関しては半分ではなくすべてをアンティオコスが支払うのが正当である。
φῦναι γὰρ τὸν πόλεμον ἐξ ἀρχῆς οὐ διʼ αὑτούς, ἀλλὰ διʼ ἐκεῖνον·
なぜなら、戦争は最初からローマ人のせいではなく、彼のせいで発生したからである。
§21.14.8τῶν δὲ πόλεων μὴ τὰς κατὰ τὴν Αἰολίδα καὶ τὴν Ἰωνίαν μόνον ἐλευθεροῦν, ἀλλὰ πάσης τῆς ἐπὶ τάδε τοῦ Ταύρου δυναστείας ἐκχωρεῖν.
また都市については、アイオリスやイオニアのものだけでなく、タウロス山脈のこちら側の全領土から撤退すべきである。
§21.14.9ὁ μὲν οὖν πρεσβευτὴς ταῦτʼ ἀκούσας παρὰ τοῦ συνεδρίου, διὰ τὸ πολὺ τῶν ἀξιουμένων τὰς ἐπιταγὰς ὑπεραίρειν οὐδένα λόγον ποιησάμενος, τῆς μὲν κοινῆς ἐντεύξεως ἀπέστη, τὸν δὲ Πόπλιον ἐθεράπευσε φιλοτίμως.
使節は評議会からこれを聞くと、要求された条件が自らの指令をはるかに超えているため、それらを相手にせず、共同の交渉からは身を引き、個人的にプブリウスに対して熱心に働きかけた。