§2.47.1τοὺς καιρούς.
［その］時期に。
οἱ δʼ Ἀχαιοὶ τὸ μὲν πρῶτον διὰ τῆς ἰδίας δυνάμεως ὥρμησαν ἀντοφθαλμεῖν τοῖς Λακεδαιμονίοις, ἅμα μὲν ὑπολαμβάνοντες κάλλιστον εἶναι τὸ μὴ διʼ ἑτέρων σφίσι πορίζεσθαι τὴν σωτηρίαν, ἀλλʼ αὐτοὺς διʼ αὑτῶν σῴζειν τὰς πόλεις καὶ τὴν χώραν,
さて、アカイア人は最初、自らの力によってラケダイモン人に立ち向かおうと努めた。
§2.47.2ἅμα δὲ βουλόμενοι καὶ τὴν πρὸς Πτολεμαῖον τηρεῖν φιλίαν διὰ τὰς προγεγενημένας εὐεργεσίας καὶ μὴ φαίνεσθαι πρὸς ἑτέρους ἐκτείνοντες τὰς χεῖρας,
これは、他者によって自らの安全を確保するのではなく、自らの手で都市や領土を守ることが最も名誉なことであると考えたためであり、また他方では、過去に受けた恩恵のためにプトレマイオスとの友好関係を維持し、他者に手を差し伸べて助けを求めているように見えないようにすることを望んだためでもあった。
§2.47.3ἤδη δʼ ἐπὶ ποσὸν τοῦ πολέμου προβαίνοντος, καὶ τοῦ Κλεομένους τό τε πάτριον πολίτευμα καταλύσαντος καὶ τὴν ἔννομον βασιλείαν εἰς τυραννίδα μεταστήσαντος, χρωμένου δὲ καὶ τῷ πολέμῳ πρακτικῶς καὶ παραβόλως, §2.47.4προορώμενος Ἄρατος τὸ μέλλον καὶ δεδιὼς τήν τε τῶν Αἰτωλῶν ἀπόνοιαν καὶ τόλμαν ἔκρινε πρὸ πολλοῦ λυμαίνεσθαι τὴν ἐπιβολὴν αὐτῶν.
しかし、戦争がすでにいくらか進行し、クレオメネスが祖国伝来の国制を覆して合法的王政を僭主政治へと変え、さらに戦争を迅速かつ大胆に遂行するに及んで、アラトスは将来を見越し、アイトリア人の無謀さと大胆さを恐れて、前もって彼らの企てを挫いておくべきだと判断した。
§2.47.5κατανοῶν δὲ τὸν Ἀντίγονον καὶ πρᾶξιν ἔχοντα καὶ σύνεσιν καὶ πίστεως ἀντιποιούμενον, τοὺς δὲ βασιλεῖς σαφῶς εἰδὼς φύσει μὲν οὐδένα νομίζοντας οὔτε συνεργὸν οὔτε πολέμιον, ταῖς δὲ τοῦ συμφέροντος ψήφοις αἰεὶ μετροῦντας τὰς ἔχθρας καὶ τὰς φιλίας, §2.47.6ἐπεβάλετο λαλεῖν πρὸς τὸν εἰρημένον βασιλέα καὶ συμπλέκειν τὰς χεῖρας, ὑποδεικνύων αὐτῷ τὸ συμβησόμενον ἐκ τῶν πραγμάτων.
彼はアンティゴノスが実行力と知性を持ち、信義を重んじる人物であることを見抜き、また君主たちというものは本性上、誰も味方とも敵とも見なさず、常に利害の計算によって敵意と友好を推し量るものであることをよく知っていたので、前述の王に働きかけて交渉を行い、手を結ぶことを企て、事態の推移からどのような結果が生じるかを彼に示そうとした。
§2.47.7προδήλως μὲν οὖν αὐτὸ πράττειν ἀσύμφορον ἡγεῖτο διὰ πλείους αἰτίας.
しかし、これを公然と行うことは、いくつかの理由から不利益であると彼は考えた。
τόν τε γὰρ Κλεομένη καὶ τοὺς Αἰτωλοὺς ἀνταγωνιστὰς παρασκευάζειν ἤμελλε πρὸς τὴν ἐπιβολήν, §2.47.8τούς τε πολλοὺς τῶν Ἀχαιῶν διατρέψειν, καταφεύγων ἐπὶ τοὺς ἐχθροὺς καὶ δοκῶν ὁλοσχερῶς ἀπεγνωκέναι τὰς ἐν αὐτοῖς ἐλπίδας·
なぜなら、そうすればクレオメネスとアイトリア人をその企てに対する対抗者として備えさせることになり、かつて敵であった者たちに救いを求め、アカイア人自身への希望を完全に捨て去ったかのように見えることで、アカイア人の多くの人々を失望させることになるからである。
ὅπερ ἥκιστα φαίνεσθαι πράττων ἐβούλετο.
そして、彼はそのような行動をとっているとは最も見られたくなかった。
§2.47.9διόπερ ἔχων τοιαύτην πρόθεσιν ἀδήλως αὐτὰ διενοεῖτο χειρίζειν.
それゆえ、彼はこのような意図を抱きながら、これらの事柄を秘密裏に処理しようと考えていた。
§2.47.10ἐξ οὗ πολλὰ παρὰ τὴν ἑαυτοῦ γνώμην ἠναγκάζετο καὶ λέγειν καὶ ποιεῖν πρὸς τοὺς ἐκτός, διʼ ὧν ἤμελλε τὴν ἐναντίαν ἔμφασιν ὑποδεικνύων ταύτην ἐπικρύψεσθαι τὴν οἰκονομίαν.
このため、彼は外部の人々に対して、自らの本意に反する多くのことを言ったり行ったりせざるを得ず、それらを通じて反対の印象を与えることで、この計画を覆い隠そうとしたのである。
§2.47.11ὧν χάριν ἔνια τούτων οὐδʼ ἐν τοῖς ὑπομνήμασι κατέταξεν.
このため、彼はこれら［の措置］のいくつかを、自らの回想録にすら書き記さなかった。