§1.87.1οἱ δὲ Καρχηδόνιοι παραδόξου τῆς περιπετείας αὐτοῖς φανείσης δυσθύμως καὶ δυσελπίστως εἶχον πάλιν·
一方、カルタゴ人たちは予期せぬ不運の急転が身に降りかかったため、再び落胆し、希望を失っていた。
ἄρτι γὰρ ἀναθαρροῦντες ταῖς ψυχαῖς παρὰ πόδας ἔπιπτον αὖθις ταῖς ἐλπίσιν.
なぜなら、彼らはたった今心に勇気を取り戻したばかりであったのに、すぐさま再びその希望において打ち砕かれたからである。
§1.87.2οὐ μὴν ἀφίσταντο τοῦ ποιεῖν τὰ πρὸς τὴν σωτηρίαν.
しかしながら、彼らは自己の救済に向けた手段を講じることを諦めなかった。
§1.87.3διὸ καὶ τριάκοντα μὲν τῆς γερουσίας προχειρισάμενοι καὶ μετὰ τούτων τὸν πρότερον μὲν ἀπελθόντα στρατηγὸν Ἄννωνα, τότε δʼ ἐπαναγαγόντα, σὺν δὲ τούτοις τοὺς ὑπολοίπους τῶν ἐν ταῖς ἡλικίαις καθοπλίσαντες, οἷον ἐσχάτην τρέχοντες ταύτην, ἐξαπέστελλον πρὸς τὸν Βάρκαν,
それゆえ彼らは、一方では元老院から三十人を選出し、彼らとともに以前は将軍職を解職されていたが今は復帰したハンノンを伴わせ、他方では彼らとともに兵役年齢にある残りの者たちを武装させ、いわばこれが最後の競走であるかのように、バルカスのもとへ送り出した。
§1.87.4ἐντειλάμενοι πολλὰ τοῖς τῆς γερουσίας κατὰ πάντα τρόπον διαλῦσαι τοὺς στρατηγοὺς ἐκ τῆς προγεγενημένης διαφορᾶς καὶ συμφρονεῖν σφᾶς ἀναγκάσαι, βλέψαντας εἰς τὰ παρόντα τῶν πραγμάτων.
その際、元老院の者たちに対し、あらゆる手段を尽くして将軍たちをかつての不和から和解させ、現下の情勢を見据えて一致協力させるようにと、多くのことを命じた。
§1.87.5ὧν πολλοὺς καὶ ποικίλους διαθεμένων λόγους, ἐπειδὴ συνήγαγον ὁμόσε τοὺς στρατηγούς, ἠναγκάσθησαν συγχωρεῖν καὶ πείθεσθαι τοῖς λεγομένοις οἱ περὶ τὸν Ἄννωνα καὶ τὸν Βάρκαν,
彼らが多くの様々な議論を尽くし、将軍たちを一同に会させたとき、ハンノンとバルカスの一行は、語られた言葉に同意し従わざるを得なくなった。
§1.87.6καὶ τὸ λοιπὸν ἤδη συμφρονήσαντες μιᾷ γνώμῃ πάντα κατὰ νοῦν ἔπραττον τοῖς Καρχηδονίοις,
そしてその後は、すでに一つの意志のもとに一致協力し、すべてのことをカルタゴ人たちの望み通りに運んだ。
§1.87.7ὥστε τοὺς περὶ τὸν Μάθω δυσχρηστουμένους ἐν τοῖς κατὰ μέρος κινδύνοις — πολλοὺς γὰρ ἐποιήσαντο περί τε τὴν Λέπτιν προσαγορευομένην καί τινας τῶν ἄλλων πόλεων — τέλος ἐπὶ τὸ διὰ μάχης κρίνειν ὁρμῆσαι τὰ πράγματα, προθύμως ἐχόντων πρὸς τοῦτο τὸ μέρος καὶ τῶν Καρχηδονίων.
その結果、個々の戦闘において苦境に陥っていたマトースとその配下たちは――なぜなら、彼らはレプティスと呼ばれる都市や、他のいくつかの都市の周辺で多くの戦闘を行ったからである――、ついに戦闘によって事態を決することへと突き進み、カルタゴ人たちもまた、この方針に対して熱心であった。
§1.87.8διόπερ ἀμφότεροι τοῦτο προθέμενοι παρεκάλουν μὲν πάντας τοὺς συμμάχους πρὸς τὸν κίνδυνον, συνῆγον δὲ τὰς φρουρὰς ἐκ τῶν πόλεων, ὡς ἂν μέλλοντες ἐκκυβεύειν ὑπὲρ τῶν ὅλων.
それゆえ双方はこれを目標に掲げ、一方ではすべての同盟者に戦いに加わるよう促し、他方では諸都市から守備隊を集め、まるで国家の全運命を賭けて勝負に出ようとするかのようであった。
§1.87.9ἐπειδὴ δʼ ἑκατέροις ἦν τὰ πρὸς τὴν ἐπιβολὴν ἕτοιμα, παραταξάμενοι συνέβαλλον ἀλλήλοις ἐξ ὁμολόγου.
そして、双方にとってその企てのための準備が整うと、互いに布陣して、真っ向から衝突した。
§1.87.10γενομένου δὲ τοῦ νικήματος κατὰ τοὺς Καρχηδονίους, οἱ μὲν πλεῖστοι τῶν Λιβύων ἐν αὐτῷ τῷ κινδύνῳ διεφθάρησαν, οἱ δὲ πρός τινα πόλιν συμφυγόντες μετʼ οὐ πολὺ παρέδοσαν ἑαυτούς, ὁ δὲ Μάθως ὑποχείριος ἐγένετο τοῖς ἐχθροῖς ζωγρίᾳ.
勝利がカルタゴ人の側にもたらされると、リビア人の大部分はその戦闘において討ち死にし、ある都市へと一斉に逃げ込んだ者たちも間もなく降伏し、マトースは生け捕りにされて敵の手中に落ちた。