§1.87.1οἱ δὲ Καρχηδόνιοι παραδόξου τῆς περιπετείας αὐτοῖς φανείσης δυσθύμως καὶ δυσελπίστως εἶχον πάλιν·
카르타고인들은 예기치 못한 역경이 자신들에게 닥치자 다시금 낙담하고 절망에 빠졌다.
ἄρτι γὰρ ἀναθαρροῦντες ταῖς ψυχαῖς παρὰ πόδας ἔπιπτον αὖθις ταῖς ἐλπίσιν.
방금 전 영혼의 용기를 되찾았던 그들이었으나, 곧바로 다시금 그 희망에서 꺾였기 때문이다.
§1.87.2οὐ μὴν ἀφίσταντο τοῦ ποιεῖν τὰ πρὸς τὴν σωτηρίαν.
그럼에도 불구하고 그들은 구원을 위한 대책을 세우는 일을 그만두지 않았다.
§1.87.3διὸ καὶ τριάκοντα μὲν τῆς γερουσίας προχειρισάμενοι καὶ μετὰ τούτων τὸν πρότερον μὲν ἀπελθόντα στρατηγὸν Ἄννωνα, τότε δʼ ἐπαναγαγόντα, σὺν δὲ τούτοις τοὺς ὑπολοίπους τῶν ἐν ταῖς ἡλικίαις καθοπλίσαντες, οἷον ἐσχάτην τρέχοντες ταύτην, ἐξαπέστελλον πρὸς τὸν Βάρκαν,
그리하여 그들은 한편으로는 원로원 의원 서른 명을 선발하고, 그들과 함께 이전에는 장군직에서 해임되었다가 지금 다시 복귀한 한논을 동반시켰으며, 다른 한편으로는 병역 연령에 있는 나머지 사람들을 무장시켜, 마치 이것이 마지막 경주인 양 그들을 바르카에게 파견했다.
§1.87.4ἐντειλάμενοι πολλὰ τοῖς τῆς γερουσίας κατὰ πάντα τρόπον διαλῦσαι τοὺς στρατηγοὺς ἐκ τῆς προγεγενημένης διαφορᾶς καὶ συμφρονεῖν σφᾶς ἀναγκάσαι, βλέψαντας εἰς τὰ παρόντα τῶν πραγμάτων.
이때 원로원 의원들에게 온갖 방법을 동원하여 장군들을 이전의 불화로부터 화해시키고, 현 시국의 사태를 주시하여 그들이 일치단결하도록 강제하라는 많은 지시를 내렸다.
§1.87.5ὧν πολλοὺς καὶ ποικίλους διαθεμένων λόγους, ἐπειδὴ συνήγαγον ὁμόσε τοὺς στρατηγούς, ἠναγκάσθησαν συγχωρεῖν καὶ πείθεσθαι τοῖς λεγομένοις οἱ περὶ τὸν Ἄννωνα καὶ τὸν Βάρκαν,
이들이 많고도 다양한 논의를 전개하여 장군들을 한자리에 모았을 때, 한논과 바르카 일행은 그들의 말에 동의하고 따를 수밖에 없었다.
§1.87.6καὶ τὸ λοιπὸν ἤδη συμφρονήσαντες μιᾷ γνώμῃ πάντα κατὰ νοῦν ἔπραττον τοῖς Καρχηδονίοις,
그 후로는 이미 한마음 한뜻이 되어 모든 일을 카르타고인들의 뜻대로 성사시켰다.
§1.87.7ὥστε τοὺς περὶ τὸν Μάθω δυσχρηστουμένους ἐν τοῖς κατὰ μέρος κινδύνοις — πολλοὺς γὰρ ἐποιήσαντο περί τε τὴν Λέπτιν προσαγορευομένην καί τινας τῶν ἄλλων πόλεων — τέλος ἐπὶ τὸ διὰ μάχης κρίνειν ὁρμῆσαι τὰ πράγματα, προθύμως ἐχόντων πρὸς τοῦτο τὸ μέρος καὶ τῶν Καρχηδονίων.
그 결과 국지적인 전투에서 곤경에 처해 있던 마토스와 그의 무리는—그들은 렙티스라 불리는 도시 주변과 다른 몇몇 도시들 부근에서 많은 전투를 치렀기 때문이다—결국 전투를 통해 사태를 가리기로 결심하기에 이르렀고, 카르타고인들 역시 이 방향에 대해 매우 적극적이었다.
§1.87.8διόπερ ἀμφότεροι τοῦτο προθέμενοι παρεκάλουν μὲν πάντας τοὺς συμμάχους πρὸς τὸν κίνδυνον, συνῆγον δὲ τὰς φρουρὰς ἐκ τῶν πόλεων, ὡς ἂν μέλλοντες ἐκκυβεύειν ὑπὲρ τῶν ὅλων.
이에 따라 양측 모두 이를 목표로 삼아, 한편으로는 모든 동맹국에게 전투에 참가할 것을 요청하고, 다른 한편으로는 여러 도시에서 수비대를 모아 마치 국가의 명운을 걸고 마지막 도박을 벌이려는 듯했다.
§1.87.9ἐπειδὴ δʼ ἑκατέροις ἦν τὰ πρὸς τὴν ἐπιβολὴν ἕτοιμα, παραταξάμενοι συνέβαλλον ἀλλήλοις ἐξ ὁμολόγου.
그리고 양측 모두 전투를 치를 준비가 갖춰지자, 진형을 갖추고 합의 하에 정면으로 충돌했다.
§1.87.10γενομένου δὲ τοῦ νικήματος κατὰ τοὺς Καρχηδονίους, οἱ μὲν πλεῖστοι τῶν Λιβύων ἐν αὐτῷ τῷ κινδύνῳ διεφθάρησαν, οἱ δὲ πρός τινα πόλιν συμφυγόντες μετʼ οὐ πολὺ παρέδοσαν ἑαυτούς, ὁ δὲ Μάθως ὑποχείριος ἐγένετο τοῖς ἐχθροῖς ζωγρίᾳ.
카르타고인들의 승리로 끝나자, 리비아인들의 대부분은 그 전투 자체에서 전사했고, 어떤 도시로 도망쳤던 자들도 얼마 지나지 않아 항복했으며, 마토스는 적들에게 생포되어 수중으로 떨어졌다.