§7.16.6οὗτος μὲν δὴ ἀγαθὴν δόξαν Ἀθηναίοις καὶ αὑτῷ κτώμενος περιεποίησέ τε ὧν ἦρχε καὶ ἐτελεύτησεν αὐτὸς ἑκουσίως·
彼（カリストラトス）はこのようにして、アテナイ人と自分自身に良き名声をもたらし、自分が率いていた者たちの命を救い、自らは自発的に世を去った。
Δίαιος δὲ Ἀχαιοὺς ἀπολωλεκὼς Μεγαλοπολίταις κακῶν τῶν ἐφεστηκότων ἧκεν ἄγγελος, ἀποκτείνας δὲ αὐτοχειρὶ τὴν γυναῖκα, ἵνα δὴ μὴ γένοιτο αἰχμάλωτος, τελευτᾷ πιὼν φάρμακον, ἐοικυῖαν μὲν παρασχόμενος Μεναλκίδᾳ τὴν ἐς χρήματα πλεονεξίαν, ἐοικυῖαν δὲ καὶ τὴν ἐς τὸν θάνατον δειλίαν.
一方ディアイオスは、アカイア人を破滅に導いた挙句、メガロポリスの人々のもとに差し迫る災厄の使者として現れ、妻が捕虜にならないように自らの手で殺害した後に毒を飲んで死んだ。 彼は、富に対する強欲さにおいてもメナルキダスに似た姿を見せ、また死に対する臆病さにおいても彼に似た姿を見せたのであった。
§7.16.7Ἀχαιῶν δὲ οἱ ἐς Κόρινθον ἀποσωθέντες μετὰ τὴν μάχην ἀπεδίδρασκον ὑπὸ νύκτα εὐθύς· ἀπεδίδρασκον δὲ καὶ αὐτῶν Κορινθίων οἱ πολλοί.
戦闘の後にコリントスへと逃げ延びたアカイア人たちは、夜になるとすぐに逃げ去り、コリントス人自身の多くもまた逃げ去った。
Μόμμιος δὲ τὸ μὲν παραυτίκα, ἀναπεπταμένων ὅμως τῶν πυλῶν, ἐπεῖχεν ἐς τὴν Κόρινθον παρελθεῖν, ὑποκαθῆσθαί τινα ἐντὸς τοῦ τείχους ὑποπτεύων ἐνέδραν· τρίτῃ δὲ ἡμέρᾳ μετὰ τὴν μάχην ᾕρει τε κατὰ κράτος καὶ ἔκαιε Κόρινθον.
モッミウスは、門が開け放たれていたにもかかわらず、城壁の内部に待ち伏せが潜んでいるのではないかと疑い、すぐにはコリントスに入るのを控えていたが、戦闘から三日目、力づくでコリントスを占領し、焼き払った。
§7.16.8τῶν δὲ ἐγκαταληφθέντων τὸ μὲν πολὺ οἱ Ῥωμαῖοι φονεύουσι, γυναῖκας δὲ καὶ παῖδας ἀπέδοτο Μόμμιος·
取り残された人々のうち大半をローマ兵は虐殺し、女性や子供たちをモッミウスは売り払った。
ἀπέδοτο δὲ καὶ οἰκέτας, ὅσοι τῶν ἐς ἐλευθερίαν ἀφεθέντων καὶ μαχεσαμένων μετὰ Ἀχαιῶν μὴ εὐθὺς ὑπὸ τοῦ πολέμου τὸ ἔργον ἐτεθνήκεσαν.
さらに、自由身分を与えられてアカイア人とともに戦い、戦闘によって直ちに死亡しなかった奴隷たちをも売り払った。
ἀναθημάτων δὲ καὶ τοῦ ἄλλου κόσμου τὰ μὲν μάλιστα ἀνήκοντα ἐς θαῦμα ἀνήγετο, τὰ δὲ ἐκείνοις οὐχ ὁμοίου λόγου Φιλοποίμενι ὁ Μόμμιος τῷ παρʼ Ἀττάλου στρατηγῷ δίδωσι·
奉納品やその他の装飾品のうち、とりわけ驚嘆に値するものは（ローマへ）運ばれ、それらほど価値のないものは、モッミウスからアッタロスのもとから来た将軍フィロポイメンに与えられた。
καὶ ἦν Περγαμηνοῖς καὶ ἐς ἐμὲ ἔτι λάφυρα Κορίνθια.
こうして、私の時代にいたるまでペルガモン人にはコリントスからの戦利品が残されていた。
§7.16.9πόλεων δέ, ὅσαι Ῥωμαίων ἐναντία ἐπολέμησαν, τείχη μὲν ὁ Μόμμιος κατέλυε καὶ ὅπλα ἀφῃρεῖτο πρὶν ἢ καὶ συμβούλους ἀποσταλῆναι παρὰ Ῥωμαίων·
ローマに敵対して戦った都市のうち、モッミウスは、ローマから使節が派遣される前であっても、その城壁を取り壊し、武器を没収した。
ὡς δὲ ἀφίκοντο οἱ σὺν αὐτῷ βουλευσόμενοι, ἐνταῦθα δημοκρατίας μὲν κατέπαυε, καθίστα δὲ ἀπὸ τιμημάτων τὰς ἀρχάς·
彼とともに合議すべき者たちが到着すると、そこで彼は民主政を廃止し、財産評価額に基づいて官職を定めた。
καὶ φόρος τε ἐτάχθη τῇ Ἑλλάδι καὶ οἱ τὰ χρήματα ἔχοντες ἐκωλύοντο ἐν τῇ ὑπερορίᾳ κτᾶσθαι·
また、ギリシアには租税が課され、資産のある者は国外で土地を所有することを禁じられた。
συνέδριά τε κατὰ ἔθνος τὰ ἑκάστων, Ἀχαιῶν καὶ τὸ ἐν Φωκεῦσιν ἢ Βοιωτοῖς ἢ ἑτέρωθί που τῆς Ἑλλάδος, κατελέλυτο ὁμοίως πάντα.
そして、アカイア人のもの、フォキスやボイオティア、その他ギリシアの至る所にある各民族の議会も、同様にすべて解散させられた。
§7.16.10ἔτεσι δὲ οὐ πολλοῖς ὕστερον ἐτράποντο ἐς ἔλεον Ῥωμαῖοι τῆς Ἑλλάδος, καὶ συνέδριά τε κατὰ ἔθνος ἀποδιδόασιν ἑκάστοις τὰ ἀρχαῖα καὶ τὸ ἐν τῇ ὑπερορίᾳ κτᾶσθαι, ἀφῆκαν δὲ καὶ ὅσοις ἐπιβεβλήκει Μόμμιος ζημίαν·
しかし数年後、ローマ人はギリシアに同情を寄せるようになり、各民族に古来の議会を復活させ、国外での土地所有権も返還し、モッミウスが科した罰金をも免除した。
Βοιωτούς τε γὰρ Ἡρακλεώταις καὶ Εὐβοεῦσι τάλαντα ἑκατὸν καὶ Ἀχαιοὺς Λακεδαιμονίοις διακόσια ἐκέλευσεν ἐκτῖσαι.
モッミウスはボイオティア人にヘラクレア人とエウボイア人に対して百タラントンを、アカイア人にラケダイモン人に対して二百タラントンを支払うよう命じていたのである。
τούτων μὲν δὴ ἄφεσιν παρὰ Ῥωμαίων εὕροντο Ἕλληνες, ἡγεμὼν δὲ ἔτι καὶ ἐς ἐμὲ ἀπεστέλλετο·
ギリシア人はローマ人からこれらの免除を勝ち取ったが、総督は私の時代になってもなお派遣され続けている。
καλοῦσι δὲ οὐχ Ἑλλάδος, ἀλλὰ Ἀχαΐας ἡγεμόνα οἱ Ῥωμαῖοι, διότι ἐχειρώσαντο Ἕλληνας διʼ Ἀχαιῶν τότε τοῦ Ἑλληνικοῦ προεστηκότων.
もっとも、ローマ人は彼をギリシア総督とは呼ばず、アカイア総督と呼ぶ。 なぜなら、当時ギリシアの代表であったアカイア人を倒すことによってギリシア人を服従させたからである。
ὁ δὲ πόλεμος ἔσχεν οὗτος τέλος Ἀντιθέου μὲν Ἀθήνῃσιν ἄρχοντος, Ὀλυμπιάδι δὲ ἑξηκοστῇ πρὸς ταῖς ἑκατόν, ἣν ἐνίκα Διόδωρος Σικυώνιος.
この戦争は、アンティテオスがアテナイのアルコンであった時、すなわちシキュオンのディオドロスが優勝した第160回オリンピア期に終結した。