§4.1292bἄλλο δέ, ὅταν ἀπὸ τιμημάτων μακρῶν ὦσιν αἱ ἀρχαὶ καὶ αἱρῶνται αὐτοὶ τοὺς ἐλλείποντας (ἂν μὲν οὖν ἐκ πάντων τούτων τοῦτο ποιῶσι, δοκεῖ τοῦτʼ εἶναι μᾶλλον ἀριστοκρατικόν, ἐὰν δὲ ἐκ τινῶν ἀφωρισμένων, ὀλιγαρχικόν)·
別の形態は、官職への就任が、多額の資産査定によるものであり、官職に欠員が生じた際には自分たち自身で補填する者を選出することである（もっとも、もし彼ら全員の中からこれを行うのであれば、これはどちらかといえば貴族政的であると思われ、もし特定の限定された人々の中からであれば、寡頭政的であると思われる）。
ἕτερον δʼ εἶδος ὀλιγαρχίας, ὅταν παῖς ἀντὶ πατρὸς εἰσίῃ, τέταρτον δʼ, ὅταν ὑπάρχῃ τε τὸ νῦν λεχθὲν καὶ ἄρχῃ μὴ ὁ νόμος ἀλλʼ οἱ ἄρχοντες.
さらに別の寡頭政の形態は、子が父の代わりに官職に就くことである。 そして第四の形態は、今述べた状態が存在し、かつ法律ではなく支配者たちが支配することである。
καὶ ἔστιν ἀντίστροφος αὕτη ἐν ταῖς ὀλιγαρχίαις ὥσπερ ἡ τυραννὶς ἐν ταῖς μοναρχίαις, καὶ περὶ ἧς τελευταίας εἴπαμεν δημοκρατίας ἐν ταῖς δημοκρατίαις·
そして、この形態は、君主政における僭主政、および我々が民主政の中で最後に述べたあの民主政に、寡頭政において対応するものである。
καὶ καλοῦσι δὴ τὴν τοιαύτην ὀλιγαρχίαν δυναστείαν.
そして、人々はこのような寡頭政を「王朝政」と呼んでいる。
ὀλιγαρχίας μὲν οὖν εἴδη τοσαῦτα καὶ δημοκρατίας·
さて、寡頭政および民主政の形態はこれだけある。
οὐ δεῖ δὲ λανθάνειν ὅτι πολλαχοῦ συμβέβηκεν ὥστε τὴν μὲν πολιτείαν τὴν κατὰ τοὺς νόμους μὴ δημοτικὴν εἶναι, διὰ δὲ τὸ ἔθος καὶ τὴν ἀγωγὴν πολιτεύεσθαι δημοτικῶς, ὁμοίως δὲ πάλιν παρʼ ἄλλοις τὴν μὲν κατὰ τοὺς νόμους εἶναι πολιτείαν δημοτικωτέραν, τῇ δʼ ἀγωγῇ καὶ τοῖς ἔθεσιν ὀλιγαρχεῖσθαι μᾶλλον.
しかし、多くの場所において、法律に規定された国制は民主的ではないにもかかわらず、慣習や教育のゆえに民主的に国務が運営され、同様にまた、他の国々では法律に規定された国制はどちらかといえば民主的であるのに、教育や慣習によってむしろ寡頭政的に支配されている、ということが生じていることを見落としてはならない。
συμβαίνει δὲ τοῦτο μάλιστα μετὰ τὰς μεταβολὰς τῶν πολιτειῶν·
そして、このことは国制の変革の後に最も生じやすい。
οὐ γὰρ εὐθὺς μεταβαίνουσιν, ἀλλὰ ἀγαπῶσι τὰ πρῶτα μικρὰ πλεονεκτοῦντες παρʼ ἀλλήλων, ὥσθʼ οἱ μὲν νόμοι διαμένουσιν οἱ προϋπάρχοντες, κρατοῦσι δʼ οἱ μεταβαλόντες τὴν πολιτείαν.
なぜなら、彼らはすぐには移行せず、最初は互いからわずかな利益を得るだけで満足しているからであり、その結果、以前から存在していた法律は存続する一方で、国制を変革した人々が権力を握るのである。
ὅτι δʼ ἔστι τοσαῦτα εἴδη δημοκρατίας καὶ ὀλιγαρχίας, ἐξ αὐτῶν τῶν εἰρημένων φανερόν ἐστιν.
民主政と寡頭政にこれだけの形態があることは、すでに述べられたことから明らかである。
ἀνάγκη γὰρ ἢ πάντα τὰ εἰρημένα μέρη τοῦ δήμου κοινωνεῖν τῆς πολιτείας, ἢ τὰ μὲν τὰ δὲ μή.
なぜなら、すでに述べられた民衆のすべての構成部分が国制に参加するか、あるいは一部が参加して他は参加しないかのいずれかでなければならないからである。
ὅταν μὲν οὖν τὸ γεωργικὸν καὶ τὸ κεκτημένον μετρίαν οὐσίαν κύριον ᾖ τῆς πολιτείας, πολιτεύονται κατὰ νόμους (ἔχουσι γὰρ ἐργαζόμενοι ζῆν, οὐ δύνανται δὲ σχολάζειν, ὥστε τὸν νόμον ἐπιστήσαντες ἐκκλησιάζουσι τὰς ἀναγκαίας ἐκκλησίας), τοῖς δὲ ἄλλοις μετέχειν ἔξεστιν ὅταν κτήσωνται τὸ τίμημα τὸ διωρισμένον ὑπὸ τῶν νόμων·
それゆえ、農民や適度な財産を所有している者が国制の主権を持つときには、彼らは法律に従って政治を行う（なぜなら、彼らは働きながら生活しなければならず、閑暇を得ることができないため、法律を最高権威として立て、必要不可欠な民会だけを開くからである）。 しかし、他の人々には、法律によって規定された資産査定額を獲得したときに参加することが許される。
διὸ πᾶσι τοῖς κτησαμένοις ἔξεστι μετέχειν·
それゆえ、それを獲得したすべての者に参政権が認められる。
ὅλως μὲν γὰρ τὸ μὲν μὴ ἐξεῖναι πᾶσιν ὀλιγαρχικόν, τὸ δὲ δὴ ἐξεῖναι σχολάζειν ἀδύνατον μὴ προσόδων οὐσῶν.
というのも、一般的に言って、全員に認められないことは寡頭政的であり、一方で、閑暇を得ることが可能であることは、歳入がない限りは不可能だからである。
τοῦτο μὲν οὖν εἶδος ἓν δημοκρατίας διὰ ταύτας τὰς αἰτίας·
したがって、これがこれらの原因による民主政の第一の形態である。
ἕτερον δὲ εἶδος διὰ τὴν ἐχομένην διαίρεσιν·
そして第二の形態は、次に続く区分によるものである。
ἔστι γὰρ καὶ πᾶσιν ἐξεῖναι τοῖς ἀνυπευθύνοις κατὰ τὸ γένος, μετέχειν μέντοι δυναμένους σχολάζειν·
すなわち、出自について異議の申し立てられていないすべての者に参政権が認められているが、ただし閑暇を得る能力がある者だけが実際に参加するという形態である。
διόπερ ἐν τῇ τοιαύτῃ δημοκρατίᾳ οἱ νόμοι ἄρχουσι, διὰ τὸ μὴ εἶναι πρόσοδον.
それゆえ、このような民主政においては、歳入がないために、法律が支配するのである。
τρίτον δʼ εἶδος τὸ πᾶσιν ἐξεῖναι, ὅσοι ἂν ἐλεύθεροι ὦσι, μετέχειν τῆς πολιτείας, μὴ μέντοι μετέχειν διὰ τὴν προειρημένην αἰτίαν, ὥστʼ ἀναγκαῖον καὶ ἐν ταύτῃ ἄρχειν τὸν νόμον.
第三の形態は、自由人である限り、すべての者に国制に参加することが許されるが、ただし先ほど述べた原因のために実際には参加しないというものであり、したがってこの形態においても法律が支配することが必然となる。