§3.5Τὰ δὲ νεῦρα τοῖς ζῴοις ἔχει τόνδε τὸν τρόπον.
動物における腱は次のような状態にある。
Ἡ μὲν ἀρχὴ καὶ τούτων ἐστὶν ἐκ τῆς καρδίας·
これら［腱］の起始もまた心臓からである。
καὶ γὰρ ἐν αὑτῇ ἡ καρδία ἔχει νεῦρα ἐν τῇ μεγίστῃ κοιλίᾳ, καὶ ἡ καλουμένη ἀορτὴ νευρώδης ἐστὶ φλέψ, τὰ μὲν τελευταῖα καὶ παντελῶς αὐτῆς·
なぜなら、心臓はそれ自体の中に、最大の心室の中に腱を持っており、またいわゆる大動脈は腱のような血管であり、特にその末端においては完全にそうである。
ἄκοιλα γάρ ἐστι, καὶ τάσιν ἔχει τοιαύτην οἵαν περ τὰ νεῦρα, ᾗ τελευτᾷ πρὸς τὰς καμπὰς τῶν ὀστῶν.
なぜなら、それらは空洞がなく、骨の関節に向かって終わる部分では、腱が持つのと同様の張力を持っているからである。
Οὐ μὴν ἀλλ’ οὐκ ἔστι συνεχὴς ἡ τῶν νεύρων φύσις ἀπὸ μιᾶς ἀρχῆς, ὥσπερ αἱ φλέβες.
しかしながら、腱の組織は、血管のように単一の起始から連続しているわけではない。
Αἱ μὲν γὰρ φλέβες, ὥσπερ ἐν τοῖς γραφομένοις κανάβοις, τὸ τοῦ σώματος ἔχουσι σχῆμα παντὸς οὕτως ὥστ’ ἐν τοῖς σφόδρα λελεπτυσμένοις πάντα τὸν ὄγκον φαίνεσθαι πλήρη φλεβίων (γίνεται γὰρ ὁ αὐτὸς τόπος λεπτῶν μὲν ὄντων φλέβια, παχυνθέντων δὲ σάρκες), τὰ δὲ νεῦρα διεσπασμένα περὶ τὰ ἄρθρα καὶ τὰς τῶν ὀστῶν ἐστὶ κάμψεις.
というのも、血管は、描かれた骨組みにおけるように、体全体の形を形づくっており、そのため、ひどく痩せ細った者においては、体全体の容積が細血管で満ちているように見える（なぜなら、それらが細いときには同じ場所が細血管となり、太くなると肉となるからである）が、腱は関節や骨の屈曲部のまわりで散在している。
Εἰ δ’ ἦν συνεχὴς ἡ φύσις αὐτῶν, ἐν τοῖς λελεπτυσμένοις ἂν καταφανὴς ἐγίνετο ἡ συνέχεια πάντων.
もしそれらの組織が連続的であったなら、痩せ細った者においてすべての連続性がはっきりと見えたであろう。
Μέγιστα δὲ μέρη τῶν νεύρων τό τε περὶ τὸ μόριον τὸ τῆς ἅλσεως κύριον (καλεῖται δὲ τοῦτο ἰγνύα), καὶ ἕτερον νεῦρον διπτυχές, ὁ τένων, καὶ τὰ πρὸς τὴν ἰσχὺν βοηθητικά, ἐπίτονός τε καὶ ὠμιαία.
腱の最も大きな部分は、跳躍を司る部位のまわりの部分（これは膝窩と呼ばれる）と、そしてもう一つの二重になった腱、および筋力を助けるもの、すなわち緊張腱と肩の腱である。
Τὰ δ’ ἀνώνυμα περὶ τὴν τῶν ὀστῶν ἐστὶ κάμψιν·
名前のないものは、骨の屈曲部のまわりにある。
πάντα γὰρ τὰ ὀστᾶ, ὅσα ἁπτόμενα πρὸς ἄλληλα σύγκεινται, συνδέδενται νεύροις, καὶ περὶ πάντα ἐστὶ τὰ ὀστᾶ πλῆθος νεύρων.
なぜなら、互いに接触して合わさっているすべての骨は、腱によって結合されており、またすべての骨のまわりには多数の腱があるからである。
Πλὴν ἐν τῇ κεφαλῇ οὐκ ἔστιν οὐδέν, ἀλλ’ αἱ ῥαφαὶ αὐταὶ τῶν ὀστῶν συνέχουσιν αὐτήν.
ただし、頭部にはまったく腱がなく、骨の縫合線そのものが頭部を維持している。
Ἔστι δ’ ἡ τοῦ νεύρου φύσις σχιστὴ κατὰ μῆκος, κατὰ δὲ πλάτος ἄσχιστος καὶ τάσιν ἔχουσα πολλήν.
腱の性質は縦方向には裂けやすいが、横方向には裂けず、強い張力を持っている。
Ὑγρότης δὲ περὶ ταῦτα μυξώδης γίνεται, λευκὴ καὶ κολλώδης, ᾗ τρέφεται καὶ ἐξ ἧς γιγνόμενα φαίνεται.
それらのまわりには粘液質の、白くて粘り気のある液体が生じ、それによって腱は養われ、またそれから生じるように見える。
Ἡ μὲν οὖν φλὲψ δύναται πυροῦσθαι, νεῦρον δὲ πᾶν φθείρεται πυρωθέν·
さて、血管は焼灼されうるが、腱はすべて、焼かれると破壊される。
κἂν διακοπῇ, οὐ συμφύεται πάλιν.
また、もし切断されると、再び結合することはない。
Οὐ λαμβάνει δ’ οὐδὲ νάρκη, ὅπου μὴ νεῦρόν ἐστι τοῦ σώματος.
また、体に腱がないところには、麻痺が生じることもない。
Πλεῖστα δ’ ἐστὶ νεῦρα περὶ τοὺς πόδας καὶ τὰς χεῖρας καὶ πλευρὰς καὶ ὠμοπλάτας καὶ περὶ τὸν αὐχένα καὶ τοὺς βραχίονας.
腱が最も多いのは、足、手、肋骨、肩甲骨、そして首と上腕のまわりである。
Ἔχει δὲ νεῦρα πάντα ὅσα ἔχει αἷμα·
また、血を持つ動物はすべて腱を持っている。
ἀλλ’ ἐν οἷς μή εἰσι καμπαὶ ἀλλ’ ἄποδα καὶ ἄχειρά ἐστι, λεπτὰ καὶ ἄδηλα·
しかし、関節がなく、足も手もない動物においては、それらは細くて目立たない。
διὸ τῶν ἰχθύων μάλιστά ἐστι δῆλα πρὸς τοῖς πτερυγίοις.
それゆえ、魚類においては、鰭の近くで最もよくそれが見える。
§3.6Αἱ δὲ ἶνές εἰσι μεταξὺ νεύρου καὶ φλεβός.
繊維は、腱と血管の中間のものである。
Ἔνιαι δ’ αὐτῶν ἔχουσιν ὑγρότητα τὴν τοῦ ἰχῶρος, καὶ διέχουσιν ἀπό τε τῶν νεύρων πρὸς τὰς φλέβας καὶ ἀπ’ ἐκείνων πρὸς τὰ νεῦρα.
そして、それらの一部は漿液の水分を含んでおり、腱から血管へ、また血管から腱へと差し渡されている。
Εστι δὲ καὶ ἄλλο γένος ἰνῶν, ὃ γίνεται μὲν ἐν αἵματι, οὐκ ἐν ἅπαντος δὲ ζῴου αἵματι·
また、繊維にはもう一つの種類があり、それは血液の中に生じるが、すべての動物の血液中に生じるわけではない。
ὧν ἐξαιρουμένων ἐκ τοῦ αἵματος οὐ πήγνυται τὸ αἷμα, ἐὰν δὲ μὴ ἐξαιρεθῶσι, πήγνυται.
これが血液から取り除かれると血液は凝固せず、取り除かれないと凝固する。
Ἐν μὲν οὖν τῷ τῶν πλείστων αἵματι ζῴων ἔνεισιν, ἐν δὲ τῷ τῆς ἐλάφου καὶ προκὸς καὶ βουβαλίδος καὶ ἄλλων τινῶν οὐκ ἔνεισιν ἶνες·
さて、大半の動物の血液にはこれが含まれているが、アカシカ、ノロジカ、ブバリス、その他いくつかの動物の血液中には繊維が含まれていない。
διὸ καὶ οὐ πήγνυται αὐτῶν τὸ αἷμα ὁμοίως τοῖς ἄλλοις, ἀλλὰ τὸ μὲν τῶν ἐλάφων παραπλησίως τῷ τῶν δασυπόδων (ἔστι δ’ ἀμφοτέρων αὐτῶν ἡ πῆξις οὐ στιφρά, καθάπερ ἡ τῶν ἄλλων, ἀλλὰ πλαδῶσα, καθάπερ ἡ τοῦ γάλακτος, ἄν τις εἰς αὐτὸ τὸ πῆγμα μὴ ἐμβάλλῃ), τὸ δὲ τῆς βουβαλίδος πήγνυται μᾶλλον·
それゆえ、それらの血液は他の動物のようには凝固せず、アカシカの血液は野ウサギの血液に非常に似ており（これら両方の凝固は、他の動物のように固くはなく、凝固剤を入れないときの牛乳のように、水っぽくて緩いものである）、ブバリスの血液はよりしっかりと凝固する。
παραπλησίως γὰρ συνίσταται ἢ μικρῷ ἧττον τοῦ τῶν προβάτων.
なぜなら、それは羊の血液とほぼ同様に、あるいはそれよりわずかに劣る程度に固まるからである。
Περὶ μὲν οὖν φλεβὸς καὶ νεύρου καὶ ἰνὸς τοῦτον ἔχει τὸν τρόπον.
さて、血管、腱、繊維については、このようになっている。