§10.2Καὶ πρῶτον ταῦτα σκεπτέον, εἰ καλῶς ἔχει, μετὰ δὲ ταῦτα πῶς ἔχει τὸ στόμα τῶν ὑστερῶν.
そして第一に、これら［排出物］が良好な状態にあるかを考察せねばならず、その後に、子宮の口がどのような状態にあるかを考察せねばならない。
Δεῖ γὰρ εἰς ὀρθὸν ἔχειν·
なぜなら、それはまっすぐな方向を向いていなければならないからである。
εἰ δὲ μή, οὐχ ἕλξουσιν εἰς αὑτὰς τὸ σπέρμα.
そうでなければ、子宮は精液を自らの中に引き込まないであろう。
Εἰς τὸ πρόσθεν γὰρ αὐτῶν καὶ ἡ γυνὴ προΐεται, ὡς δῆλον, ὅταν ἐξονειρώττωσιν αὗται τελέως·
なぜなら、女性も子宮の前方に［分泌物を］排出するのであり、このことは、彼女たちが完全に夢精するときに明らかだからである。
τότε γὰρ οὗτος ὁ τόπος θεραπείας δεῖται αὐταῖς ὑγρανθείς, ὥσπερ εἰ ἀνδρὶ συνεγίνετο, ὡς προϊεμένων ἐνταῦθα καὶ τὸ παρὰ τοῦ ἀνδρός, εἰς τὸν αὐτὸν τόπον καὶ οὐχὶ εἰς τὰς ὑστέρας εἴσω.
そのとき、この場所が湿ることで、まるで男性と交わったかのように彼女たちにとって配慮を要するものとなる。 それは、彼女たちがそこ［前方］に排出し、また男性からのものも同じ場所に排出され、子宮の内部へと直接入るわけではないからである。
Ἀλλ’ ὅταν ἐνταῦθα προϊῶνται, ἐντεῦθεν σπῶσι τῷ πνεύματι, οἷον αἱ ῥῖνες, καὶ αἱ ὑστέραι τὸ σπέρμα.
しかし、そこに排出されるとき、そこから子宮は、鼻が［空気を］吸い込むように、息によって精液を吸い込むのである。
Διὸ καὶ παντὶ σχήματι συνοῦσαι κυΐσκονται, ὅτι εἰς τὸ πρόσθεν παντελῶς ἐχούσης γίγνεται καὶ αὐταῖς καὶ τοῖς ἀνδράσιν ἡ πρόεσις τοῦ σπέρματος·
それゆえ、いかなる体位で交わっても彼女たちは妊娠するのであり、それは、子宮が完全に前方を向いている状態において、彼女たちにとっても男性にとっても精液の排出が行われるからである。
εἰ δ’ εἰς αὐτήν, οὐκ ἂν πάντως συγγινόμεναι συνελάμβανον.
もし子宮自体の中に直接なされるのであれば、いかなる体位で交わっても妊娠するということにはならなかったであろう。
Ἐὰν δὲ μὴ εἰς ὀρθὸν βλέπωσιν αἱ ὑστέραι ἀλλ’ ἢ πρὸς τὰ ἰσχία ἢ πρὸς τὴν ὀσφὺν ἢ πρὸς τὸ ὑπογάστριον, ἀδύνατον συλλαβεῖν διὰ τὴν προειρημένην αἰτίαν, ὅτι ἀνελέσθαι οὐκ ἂν δύναιντο τὸ σπέρμα.
しかし、もし子宮がまっすぐな方向を向いておらず、腰骨のほうか、腰のほうか、あるいは下腹のほうを向いているなら、前述の理由により、妊娠することは不可能である。 なぜなら、精液を取り上げることができないからである。
Ἐὰν μὲν οὖν ἰσχυρῶς τῇ φύσει οὕτως ἔχωσιν ἢ ὑπὸ νόσου, ἀνίατον τὸ πάθος·
したがって、もし生まれつき、あるいは病気によって、その状態が著しいなら、その病態は不治である。
ἐὰν δ’ ᾖ ῥῆγμα ἢ φύσει ἢ ὑπὸ τῆς νόσου διὰ φλεγμασίαν συσπασάσης, ἐπὶ θάτερα αὐτῇ τὸ πάθος.
しかし、もし生まれつきにせよ、あるいは病気のために炎症が引きつりを起こしたことによるものにせよ、断裂があるなら、病態は彼女にとって片側に偏っている。
Ταῖς δὲ μελλούσαις ἐγκύοις ἔσεσθαι δεῖ, καθάπερ εἴρηται, τὸ στόμα εἰς ὀρθὸν εἶναι, καὶ πρὸς τούτοις ἀνοίγεσθαι καλῶς.
妊娠するはずの女性たちにおいては、言われたように、子宮口がまっすぐであり、さらに、それが良好に開くことが必要である。
Λέγω δὲ τὸ καλῶς τοιοῦτον, ὅπως ὅταν ἄρχηται τὰ γυναικεῖα, θιγγανόμενον ἔσται τὸ στόμα μαλακώτερον ἢ πρότερον, καὶ μὴ διεστομωμένον φανερῶς.
そして私が「良好に」と言うのは次のようなことである。 すなわち、月経が始まるとき、触れてみると口が以前よりも柔らかくなっており、かつ、明らかに口を開けている状態ではないことである。
Ἀλλ’ εἰ οὕτως ἔχοντος, τὰ πρῶτα σημεῖα τὰ λευκὰ φοιτάτω.
しかし、このような状態であるときに、最初の白い兆候が出てくるように。
Ὅταν δὲ σαρκικώτερα ᾖ τὴν χρόαν τὰ σημεῖα, φανερῶς ἔσται ἀνεστομωμένη ἄνευ ἀλγήματος, κἂν θιγγάνῃ κἂν μὴ θιγγάνῃ, καὶ μήτε κωφότητα μήτε στόμα ἀλλοιότερον αὐτὸ αὑτοῦ.
そして、排出物の色がより肉色になるとき、触れようと触れまいと、痛みなしに明らかに子宮口が開いているであろう。 そして閉塞感もなく、口自体が通常と異なった状態になっていないこと。
Ληξάντων δὲ τῶν γυναικείων διεστομωμένον ἔστω σφόδρα καὶ ξηρόν, ἀλλὰ μὴ σκληρόν, ἡμέραν ὅλην καὶ ἡμίσειαν ἢ καὶ δύο ἡμέρας.
月経が終わったときには、丸一日半、あるいは二日間にわたって、子宮口は非常に大きく開いて乾燥しており、しかし硬くはない状態であるように。
Ταῦτα γὰρ σημαίνει οὕτω γιγνόμενα ὅτι καλῶς ἔχουσιν αἱ ὑστέραι καὶ ποιοῦσι τὸ αὑτῶν ἔργον, τῷ μὲν μὴ εὐθὺς ἀνεστομῶσθαι ἀλλὰ μαλακὸν τὸ στόμα γίνεσθαι, ὅτι ἅμα τῷ ἄλλῳ σώματι λυομένῳ λύονται, καὶ οὐκ ἐμποδίζουσι, καὶ ἀφιᾶσι πρῶτον τὰ ἀπ’ αὐτοῦ τοῦ στόματος, ὅταν δὲ πλείω τὸ σῶμα προΐηται, ἀναστομοῦνται·
というのも、これらがこのように起こることは、子宮が良好な状態にあり、自らの機能を果たしていることを示すからである。 すなわち、すぐに口を開くのではなく、口が柔らかくなることによって、身体の他の部分が弛緩するのと同時に子宮も弛緩し、妨げとならず、まず口自体からの分泌物を排出し、身体がより多くのものを放出するときに口を開くことによってである。
ὅπερ ἐστὶ στόματος ὑγιεινῶς ἔχοντος.
これこそが、健康な状態にある子宮口の特徴である。
Παυσαμένων δὲ τῶν σημείων τοῦ μὴ εὐθὺς συμπίπτειν, σημαίνουσιν ὅτι, ἂν ἀπορήσῃ, κεναὶ καὶ ξηραὶ γίνονται καὶ διψηραί, καὶ οὐκ ἔχουσι λείψανα περὶ τὴν δίοδον.
そして、分泌物が止んだときにすぐに閉じないことによって、子宮は、もし［水分が］欠乏すれば、空で乾燥し、渇いた状態になり、通路の周りに残渣を持たないことを示している。
Προσσπαστικαὶ οὖν οὖσαι σημαίνουσι καλῶς ἔχειν πρὸς τὸ συλλαβεῖν πλησιάσαντος, ὅταν οὕτως ἔχωσιν ἄνευ ἄλγους καὶ μετὰ ἀναισθησίας.
したがって、吸引力があることで、［男性が］交わったときに、痛みなく感覚がない状態でそのような状態にあるとき、受胎に対して良好な状態にあることを示す。
Τό τε μὴ ἀλλοιότερον ἔχειν τὸ σῶμα ἀγαθόν·
また、［子宮の］体が通常と異なった状態にないことも良い。
καὶ γὰρ τοῦτο σημαίνει ὅτι οὐδέν ἐστιν ὃ κωλύει μὴ συμμύειν αὐτὰς ὅταν δέῃ.
なぜなら、このこともまた、必要なときに子宮が閉じるのを妨げるものが何もないことを示しているからである。