§8.49.1φέρε, ἀλλὰ δόξαν αἰσχρὰν οἴσεσθαι δέδοικας, ἐὰν ἃ παρακαλῶ σε πράττῃς, ὡς ἀχάριστος εἰς τοὺς εὐεργέτας ἐξελεγχθησόμενος, οἵ σε πολέμιον ὄντα ὑποδεξάμενοι πάντων μετέδωκαν ὧν τοῖς φύσει πολίταις μέτεστιν ἀγαθῶν·
さあ、しかし、もし私があなたに勧めることを行うなら、恩人たちに対して恩知らずであると証明されることになるのを恐れて、不名誉な評判を被るのではないかと心配しているのですか。 彼らは、敵であったあなたを受け入れ、生まれながらの市民に分け与えられているあらゆる善きものを分かち合ってくれたのです。
ταῦτα γάρ ἐστιν, ἃ μεγάλα ποιεῖς τοῖς λόγοις ἀεί.
これらこそが、あなたが言葉でいつも大裟裟に言っていることだからです。
§8.49.2οὐκ ἀποδέδωκας οὖν αὐτοῖς πολλὰς καὶ καλὰς ἀμοιβὰς καὶ νενίκηκας ἀπείρῳ δή τινι μεγέθει καὶ πλήθει χαρίτων τὰς ἐξ ἐκείνων εὐεργεσίας;
それでは、あなたは彼らに多くの素晴らしいお返しをして、彼らからの恩恵を、限りなく大きな規模と無数の好意によって凌駕したのではないのですか。
οὓς ἀγαπητὸν ἡγουμένους καὶ πάντων μέγιστον ἀγαθῶν, ἐὰν ἐλευθέρας οἰκῶσι τὰς πατρίδας, οὐ μόνον ἑαυτῶν κυρίους εἶναι βεβαίως παρεσκεύακας, ἀλλὰ καὶ πεποίηκας ἤδη σκοπεῖν, πότερα καταλῦσαι τὴν Ῥωμαίων ἀρχὴν αὐτοῖς ἄμεινον, ἢ μετέχειν αὐτῆς §8.49.3ἐξ ἴσου κοινὴν καταστησαμένους πολιτείαν.
彼らは、自分たちの祖国が自由である状態でそこに住むことさえできれば、好ましく、すべてのうちで最大の幸福であると考えていたにもかかわらず、あなたは彼らを、ただ自分たちの主権者として確固たるものにさせただけでなく、ローマの支配を滅ぼすのが彼らににとってより良いのか、それともそれに平等の共同の国制を樹立することによって参与するのが良いのかを、いまや検討させるまでに至らせたのです。
ἐῶ γὰρ λέγειν, ὅσοις κεκόσμηκας ἐκ τοῦ πολέμου λαφύροις τὰς πόλεις αὐτῶν, καὶ πηλίκους κεχάρισαι τοῖς συστρατευσαμένοις πλούτους.
というのも、あなたが戦争による戦利品で彼らの都市をどれほど飾り立てたか、また、ともに戦った者たちにどれほど莫大な富を分け与えたかは、言うのを省くからです。
τοὺς δὴ τοσούτους διὰ σὲ γενομένους καὶ ἐπὶ τηλικαύτης βεβηκότας εὐτυχίας οὐ δοκεῖς ἀγαπήσειν οἷς ἔχουσιν ἀγαθοῖς, ἀλλʼ ὀργιεῖσθαί σοι καὶ ἀγανακτήσειν, ἐὰν μὴ καὶ τὸ τῆς πατρίδος αἷμα ταῖς χερσὶν αὐτῶν ἐπισπείσῃς;
あなたのおかげでこれほど偉大になり、これほど大きな幸運の上に立っている彼らが、自分たちが手にしている良いもので満足せず、もし彼らの手であなたの祖国の血をも注ぎかけさせないならば、あなたに対して怒り、憤慨すると思うのですか。
ἐγὼ μὲν οὐκ οἴομαι.
私にはそうは思えません。
§8.49.4εἷς ἔτι μοι καταλείπεται λόγος ἰσχυρὸς μέν, ἐὰν λογισμῷ κρίνῃς αὐτόν, ἀσθενὴς δʼ, ἐὰν μετʼ ὀργῆς, ὁ περὶ τῆς οὐ δικαίως μισουμένης ὑπὸ σοῦ πατρίδος.
私にはもう一つの議論が残されています。 それは、もしあなたがそれを理性によって判断するならば強力ですが、怒りをもってするならば弱いものであり、あなたによって不当に憎まれている祖国に関するものです。
οὔτε γὰρ ὑγιαίνουσα καὶ τῷ πατρίῳ κόσμῳ πολιτευομένη τὴν οὐ δικαίαν κατὰ σοῦ κρίσιν ἐξήνεγκεν, ἀλλὰ νοσοῦσα καὶ ἐν πολλῷ κλύδωνι σαλευομένη, οὔτε πᾶσα τὴν αὐτὴν γνώμην τότʼ ἔσχεν, ἀλλὰ τὸ κάκιον ἐν αὐτῇ μέρος πονηροῖς προστάταις χρησάμενον.
というのも、彼女は健全であり祖伝の秩序に従って国政を行っている時にあなたに対する不当な判決を下したのではなく、病んでおり、大きな荒波に揺さぶられている時にそうしたのであり、また、当時市民の全員が同じ意見を持っていたわけでもなく、邪悪な指導者たちに操られた、その中のより劣った部分がそうしたのだからです。
§8.49.5εἰ δὲ δὴ μὴ τοῖς κακίστοις μόνον, ἀλλὰ καὶ τοῖς ἄλλοις ἅπασιν ἐδόκει ταῦτα, καὶ ὡς οὐ τὰ κράτιστα πολιτευόμενος ἀπηλάθης ὑπʼ αὐτῶν, οὐδʼ οὕτω σοι προσῆκε μνησικακεῖν πρὸς τὴν σεαυτοῦ πατρίδα.
しかし、もし最悪の者たちだけでなく、他のすべての人々にとってもそのように思われ、あなたが最善のやり方で国政を行わなかった者として彼らによって追放されたのだとしても、それでもあなたが自分の祖国に対して恨みを抱くのはふさわしくありません。
πολλοῖς γὰρ δὴ καὶ ἄλλοις τῶν ἀπὸ τοῦ βελτίστου πολιτευομένων τὰ παραπλήσια συνέβη παθεῖν·
というのも、最も優れた意図から国政に携わった他の多くの人々にとっても、同様のことを被るのが常だったからです。
καὶ σπάνιοι δή τινές εἰσιν, οἷς οὐκ ἀντέπνευσε πρὸς τὴν δοκοῦσαν ἀρετὴν §8.49.6φθόνος ἐκ τῶν συμπολιτευομένων ἄδικος.
そして、彼らの優れたと思われる徳に対して、同僚の市民たちからの不当な嫉妬という逆風が吹かなかった者は極めて稀です。
ἀλλʼ ἀνθρωπίνως, ὦ Μάρκιε, φέρουσι καὶ μετρίως ἅπαντες οἱ γενναῖοι τὰς συμφοράς, καὶ πόλεις μεταλαμβάνουσιν, ἐν αἷς οἰκήσαντες οὐθὲν λυπήσουσι τὰς πατρίδας·
しかし、マルキウスよ、高潔な人々は皆、災難を人間らしく控えめに耐え忍ぶものであり、他の都市へと住処を変えて、そこに居住して自らの祖国を何ら苦しめないものです。
ὥσπερ καὶ Ταρκύνιος ἐποίησεν ὁ Κολλατῖνος ἐπικαλούμενος·
それは、コッラティヌスと呼ばれるタルクィニウスがした通りです。
ὃς συνελευθερώσας ἀπὸ τῶν τυράννων τοὺς πολίτας, ἔπειτα διαβληθεὶς πρὸς αὐτοὺς ὡς συμπράττων πάλιν τοῖς τυράννοις τὴν κάθοδον, καὶ διὰ τοῦτο ἐξελασθεὶς αὐτὸς ἐκ τῆς πατρίδος, οὐκ ἐμνησικάκει πρὸς τοὺς ἐκβαλόντας αὐτόν, οὐδʼ ἐπεστράτευε τῇ πόλει τοὺς τυράννους ἐπαγόμενος, οὐδʼ ἐποίει τεκμήρια τῶν διαβολῶν τὰ ἔργα, ἀλλʼ εἰς τὴν μητρόπολιν ἡμῶν Λαουΐνιον ἀπελθὼν ἐκεῖ πάντα τὸν λοιπὸν ἐβίω χρόνον εὔνους ὢν τῇ πατρίδι καὶ φίλος.
彼は市民たちを僭主たちから共同して解放したものの、その後、僭主たちを再び帰国させるために協力しているとして市民に対して中傷され、このために彼自身が祖国から追放された際、自分を追放した人々に対して恨みを抱くこともなく、僭主たちを引き連れて都市に対して軍を進めることもなく、自らの行動によってあの中傷が真実であるという証拠を作ることもせず、むしろ我々の母都市ラウィニウムへと退いて、そこで残りのすべての時間を、祖国に対して好意を持ち友好であり続けながら生きたのです。