§6.15.1τοῖς δὲ σωφρονεστάτοις οὐκ ἀσφαλὲς τὸ κινδύνευμα εἶναι ἐφαίνετο, ἀνδράσιν ἀγαθοῖς τὰ πολέμιά τε καὶ νεωστὶ τὴν Λατίνων τοσαύτην δύναμιν ἀραμένοις ἄνευ συμμάχων ὁμόσε χωρεῖν μέλλοντας τὸν ὑπὲρ τῶν μεγίστων κίνδυνον ἐν ἀλλοτρίᾳ ποιεῖσθαι γῇ, ἔνθα εἴ τι συμβαίη πταῖμα οὐδεμίαν ἕξουσι καταφυγὴν ἀσφαλῆ·
しかし、最も思慮深い者たちにとっては、その試みは安全ではないと思われた。 すなわち、戦いに秀で、最近ラティウム人のあれほどの大軍を打ち破ったばかりの優れた男たちを相手に、同盟者もなしに立ち向かおうとしながら、最大のものを賭けた危険な戦いを他国の地で行うことは、そこでもし何らかの敗北が生じた場合、いかなる安全な退路も得られないからである。
τῆς δʼ οἴκαδε σωτηρίας προνοεῖσθαι μᾶλλον ἠξίουν οὗτοι διὰ ταχέων καὶ μέγα κέρδος ὑπολαμβάνειν, εἰ μηδὲν ἀπολαύσουσιν ἐκ τῆς στρατείας κακόν.
これら（思慮深い者たち）は、むしろ速やかに故郷への安全な帰還をあらかじめ配慮すべきであり、もしこの遠征から何の害も受けずに済むならば、それを大きな利得とみなすべきだと主張した。
§6.15.2ἑτέροις δὲ τούτων μὲν οὐδέτερον ἐδόκει χρῆναι ποιεῖν, νεανικὸν μὲν ἀποφαίνουσι τὸ πρόχειρον τῆς ἐπὶ τὸν ἀγῶνα ὁρμῆς, αἰσχρὸν δὲ τὸ παράλογον τῆς ἐπὶ τὰ οἰκεῖα φυγῆς, ὡς κατʼ εὐχὴν ληψομένων τῶν πολεμίων, ὁπότερον ἂν αὐτῶν ποιήσωσι.
他の者たちには、これらのうちどちらも行うべきではないと思われた。 彼らは、戦いへ拙速に突入しようとすることは若気の至りであり、道理に合わない故郷への逃走は恥ずべきことであって、彼らがそのどちらを行おうとも、敵にとっては望み通りの結果になるだろうと指摘した。
γνώμη δὲ τούτων ἦν ἐν μὲν τῷ παρόντι κρατύνασθαι τὸν χάρακα καὶ τὰ πρὸς τὸν ἀγῶνα εὐτρεπίζεσθαι, πέμποντας δὲ πρὸς τοὺς ἄλλους Οὐολούσκους δυεῖν θάτερον ἀξιοῦν ἢ δύναμιν ἑτέραν πέμπειν ἀξιόχρεων ἐπὶ Ῥωμαίους, §6.15.3ἢ καὶ τὴν ἀπεσταλμένην μετακαλεῖν.
これら（第三のグループ）の意見は、さしあたり陣営を強化し、戦闘の準備を整えつつ、他のウォルスキ人のもとへ使者を送って、二つのうちどちらか一方を要求することであった。 すなわち、ローマ人に対抗できる十分な別の軍勢を送るか、あるいは、すでに派遣された自分たちの軍勢を呼び戻すかである。
ἡ δὲ πιθανωτάτη τοῖς πλείστοις φανεῖσα καὶ ὑπὸ τῶν ἐν τέλει κυρωθεῖσα γνώμη ταῦτα παρῄνει, πέμψαι τινὰς εἰς τὸν χάρακα τῶν Ῥωμαίων· κατασκόπους ὀνόματι πρεσβευτῶν ἕξοντας τὸ ἀσφαλές, οἳ δεξιώσονται τὸν ἡγεμόνα καὶ φράσουσιν, ὅτι σύμμαχοι Ῥωμαίων ἥκοντες ἀπὸ τοῦ κοινοῦ τῶν Οὐολούσκων ἄχθονται μὲν ὑστερήσαντες τῆς μάχης, ὡς οὐδεμίαν ἢ μικράν τινα τῆς προθυμίας χάριν οἰσόμενοι, τῇ δʼ ἐκείνων τύχῃ μέγαν ἀγῶνα δίχα συμμάχων κατωρθωκότων συνήδονται·
しかし、大半の人々にとって最も説得力があると思われ、指導者たちによって承認された意見は、以下のことを勧告した。 すなわち、ローマ人の陣営に使節という名目で身の安全を確保したスパイとして数名を派遣すること。 彼らは将軍に挨拶し、自分たちはウォルスキ人の共同体からローマ人の同盟者として来たが、戦闘に遅れたことを悔やんでおり、これでは自分たちの熱意に対して何の感謝も、あるいはほんの少しの感謝しか得られないだろうからとしつつ、しかし同盟者なしに大戦を成功させた彼ら（ローマ人）の幸運をともに喜ぶと告げるのである。
ἐξαπατήσαντες δʼ αὐτοὺς τῇ φιλανθρωπίᾳ τῶν λόγων καὶ πιστεύειν ὡς φίλοις σφίσι κατασκευάσαντες, ἅπαντα κατασκέψονται καὶ δηλώσουσιν ἀφικόμενοι πλῆθός τʼ αὐτῶν καὶ ὁπλισμοὺς καὶ παρασκευὰς καὶ εἴ τι κατὰ νοῦν ἔχουσι πράττειν.
そして、友好的な言葉によって彼らを欺き、自分たちを友人として信頼するように仕向けた上で、彼らの人数、武装、準備、および彼らが何を企てているかをすべて探り、戻ってから報告するのである。
ὅταν δὲ ταῦτʼ ἀκριβῶς σφίσι γένηται φανερά, τότε προθεῖναι βουλήν, εἴτʼ ἐπιχειρεῖν αὐτοῖς ἄμεινον εἴη προσμεταπεμψαμένοις δύναμιν ἑτέραν, εἴτε καὶ τὴν παροῦσαν ἀπάγειν.
そして、これらのことが正確に明らかになったとき、さらに別の軍勢を呼び寄せた上で彼らを攻撃する方がよいか、あるいは現在の軍勢を撤退させるべきかを、そのとき改めて協議にかけるというものであった。