§4.75.1ὃν δὲ τρόπον ἔσται τούτων ἕκαστον, ἀκούσατέ μου·
どのような方法でこれらのそれぞれが行われるか、私の話を聞いてください。
συνάξω μὲν ἐγὼ τὴν ἐκκλησίαν, ὥσπερ ἔφην, ἐπειδὴ συγκεχώρηταί μοι κατὰ νόμον καὶ γνώμην εἰσηγήσομαι·
私は、前に言ったように、法律に従って私に認められているので、民会を招集して議案を提出するつもりです。
φεύγειν Ταρκύνιον ἅμα τοῖς παισὶ καὶ τῇ γυναικὶ πόλεώς τε καὶ χώρας τῆς Ῥωμαίων εἰργομένους τὸν ἀεὶ χρόνον καὶ γένος τὸ ἐξ αὐτῶν·
すなわち、タルクィニウスを、その子供たちや妻とともに、ローマ人の都市および領土から永遠に追放し、彼らの子孫も同様とすること。
ὅταν δʼ ἐπιψηφίσωσι τὴν γνώμην οἱ πολῖται, δηλώσας αὐτοῖς ἣν διανοούμεθα καταστήσασθαι πολιτείαν μεσοβασιλέα ἑλοῦμαι τὸν ἀποδείξοντα τοὺς παραληψομένους τὰ κοινά, καὶ αὐτὸς ἀποθήσομαι τὴν τῶν Κελερίων ἀρχήν.
そして、市民たちがこの議案に投票したときには、我々がどのような国制を樹立しようと考えているかを彼らに明らかにした上で、共同の事柄を引き継ぐ者たちを指名する間王を選出し、私自身はケレレスの指揮権を返上します。
§4.75.2ὁ δὲ κατασταθεὶς ὑπʼ ἐμοῦ μεσοβασιλεὺς συναγαγὼν τὴν λοχῖτιν ἐκκλησίαν ὀνομασάτω τε τοὺς μέλλοντας ἕξειν τὴν ἐνιαύσιον ἡγεμονίαν καὶ ψῆφον ὑπὲρ αὐτῶν τοῖς πολίταις δότω·
私によって任命された間王は、兵員会を招集し、1年の統治権を持つことになる者たちを指名し、彼らについて市民たちに投票させなさい。
ἐὰν δὲ τοῖς πλείοσι δόξῃ λόχοις κυρίαν εἶναι τὴν τῶν ἀνδρῶν αἵρεσιν καὶ τὰ μαντεύματα γένηται περὶ αὐτῶν καλά, τοὺς πελέκεις οὗτοι παραλαβόντες καὶ τὰ λοιπὰ τῆς βασιλικῆς ἐξουσίας σύμβολα πραττέτωσαν, ὅπως ἐλευθέραν οἰκήσομεν τὴν πατρίδα καὶ μηκέτι κάθοδον ἕξουσιν εἰς αὐτὴν Ταρκύνιοι·
そして、過半数の兵員会にとってその者たちの選出が有効であると認められ、彼らについての鳥占いが好ましいものであるならば、彼らは斧およびその他の王権の象徴を受け取り、我々が祖国を自由の身として暮らすことができ、タルクィニウス一族がもはやそこへ戻る道を失うように取り計らいなさい。
πειράσονται γάρ, εὖ ἴστε, καὶ πειθοῖ καὶ βίᾳ καὶ δόλῳ καὶ παντὶ ἄλλῳ τρόπῳ παρελθεῖν πάλιν ἐπὶ τὴν δυναστείαν, ἐὰν μὴ φυλαττώμεθα αὐτούς.
というのも、よく知っての通り、もし我々が彼らを警戒していなければ、彼らは説得や暴力や欺瞞、あるいはその他のあらゆる方法を用いて、再び支配権へと戻ろうと試みるだろうからです。
§4.75.3ταυτὶ μὲν οὖν ἐστι τὰ μέγιστα καὶ κυριώτατα ὧν ὑμῖν ἐν τῷ παρόντι λέγειν ἔχω καὶ παραινεῖν·
したがって、これらが現在私があなた方に言える、また勧告できる最も重要で主要な事柄です。
τὰ δὲ κατὰ μέρος πολλὰ ὄντα καὶ οὐ ῥᾴδια νῦν διʼ ἀκριβείας ἐξετασθῆναι·
しかし、細部については、数が多く、また今は詳細に検討することが容易ではありません。
συνήγμεθα γὰρ εἰς καιρὸν ὀξύν·
我々は切迫した状況において集まっているからです。
ἐπʼ αὐτοῖς οἴομαι δεῖν ποιῆσαι τοῖς παραληψομένοις τὴν ἀρχήν.
それらは、支配権を引き継ぐことになる者たち自身に委ねて決定させるべきだと私は考えます。
§4.75.4σκοπεῖσθαι μέντοι φημὶ χρῆναι τοὺς ἄνδρας ἅπαντα μετὰ τοῦ συνεδρίου τῆς βουλῆς, ὥσπερ οἱ βασιλεῖς ἐποίουν, καὶ μηδὲν πράττειν δίχα ὑμῶν καὶ τὰ δόξαντα τῇ βουλῇ φέρειν εἰς τὸν δῆμον, ὡς τοῖς προγόνοις ἡμῶν ποιεῖν ἔθος ἦν, μηδενὸς ἀφαιρουμένους αὐτὸν ὧν ἐν τοῖς πρότερον καιροῖς κύριος ἦν.
しかしながら、私はその者たちが、かつて王たちが行っていたように、元老院の評議会とともにすべてのことを検討すべきであり、あなた方を抜きにしていかなることも行うべきではなく、元老院で決定されたことを民衆のもとに持ち込むべきであると言います。 それは我々の先祖たちにとって行う習慣であったことであり、かつての時代に民衆が主権を持っていたいかなるものをも彼らから奪わないようにするのです。
οὕτω γὰρ αὐτοῖς ἀσφαλέστατα καὶ κάλλιστα ἕξει τὰ τῆς ἀρχῆς.
このようにすれば、支配の諸事は彼らにとって最も安全で、最も優れたものとなるでしょう。