§14.1.1ἡ δὲ Κελτικὴ κεῖται μὲν ἐν τῷ πρὸς τὴν ἑσπέραν καθήκοντι τῆς Εὐρώπης μέρει μεταξὺ τοῦ τε βορείου πόλου καὶ τῆς ἰσημερινῆς δύσεως·
ケルティケーは、ヨーロッパの西へ傾く部分に位置し、北極と赤道上の西点との中間に横たわっている。
τετράγωνος δὲ οὖσα τῷ σχήματι τοῖς μὲν Ἀλπείοις ὄρεσι μεγίστοις οὖσι τῶν Εὐρωπείων συνάπτει κατὰ τὰς ἀνατολάς, τοῖς δὲ Πυρρηναίοις κατὰ μεσημβρίαν τε καὶ νότον ἄνεμον, τῇ δὲ ἔξω στηλῶν Ἡρακλείων θαλάττῃ κατὰ τὰς δύσεις, τῷ δὲ Σκυθικῷ τε καὶ Θρᾳκίῳ γένει κατὰ βορέαν ἄνεμον καὶ ποταμὸν Ἴστρον, ὃς ἀπὸ τῶν Ἀλπείων καταβαίνων ὀρῶν μέγιστος τῶν τῇδε ποταμῶν καὶ πᾶσαν τὴν ὑπὸ τοῖς ἄρκτοις ἤπειρον διελθὼν εἰς τὸ Ποντικὸν ἐξερεύγεται πέλαγος.
形状は四角形であり、東はヨーロッパの山々のうち最大であるアルプス山脈に接し、南および南風の方向はピレネー山脈に、西はヘラクレスの柱の外側の海に、北風の方向とイストロス川においてはスキタイ人およびトラキア人の部族に接している。 この川はアルプス山脈から流れ下り、この地域の河川のうち最大のものであって、北極の下の大陸全体を貫いてポントス海へと注いでいる。
§14.1.2τοσαύτη δὲ οὖσα τὸ μέγεθος, ὅση μὴ πολὺ ἀποδεῖν τετάρτη λέγεσθαι μοῖρα τῆς Εὐρώπης, εὔυδρός τε καὶ πίειρα καὶ καρποῖς δαψιλὴς καὶ κτήνεσιν ἀρίστη νέμεσθαι, σχίζεται μέση ποταμῷ Ῥήνῳ, μεγίστῳ μετὰ τὸν Ἴστρον εἶναι δοκοῦντι τῶν κατὰ τὴν Εὐρώπην ποταμῶν.
この地はその大きさにおいて、ヨーロッパの四分の一と呼ばれるのにそれほど不足しないほどであり、水に恵まれ、肥沃で、作物が豊かであり、家畜を放牧するのに最適であるが、その中央を、ヨーロッパの河川の中でイストロス川に次いで大きいと考えられているライン川によって二分されている。
§14.1.3καλεῖται δʼ ἡ μὲν ἐπὶ τάδε τοῦ Ῥήνου Σκύθαις καὶ Θρᾳξὶν ὁμοροῦσα Γερμανία, μέχρι δρυμοῦ Ἑρκυνίου καὶ τῶν Ῥιπαίων ὀρῶν καθήκουσα, ἡ δʼ ἐπὶ θάτερα τὰ πρὸς μεσημβρίαν βλέποντα μέχρι Πυρρήνης ὄρους, ἡ τὸν Γαλατικὸν κόλπον περιλαμβάνουσα, Γαλατία τῆς θαλάττης ἐπώνυμος.
ライン川のこちら側でスキタイ人やトラキア人と国境を接し、ヘルキュニアの森やリパイオス山脈まで達する地域はゲルマニアと呼ばれ、もう一方の南面しピレネー山脈にまで至る、ガラティア湾を囲む地域は、その海の名称からガラティアと呼ばれる。
§14.1.4κοινῷ δʼ ὀνόματι ἡ σύμπασα πρὸς Ἑλλήνων καλεῖται Κελτική, ὡς μέν τινές φασιν, ἀπό τινος γίγαντος Κελτοῦ αὐτόθι δυναστεύσαντος, ἄλλοι δὲ ἐξ Ἡρακλέους καὶ Ἀστερόπης τῆς Ἀτλαντίδος δύο γενέσθαι μυθολογοῦσι παῖδας, Ἴβηρον καὶ Κελτόν, οὓς θέσθαι ταῖς χώραις, ὧν ἦρξαν ἀμφότεροι, τὰς ὀνομασίας ἀφʼ αὑτῶν.
しかし、ギリシア人によってこれら全体が共通の名前でケルティケーと呼ばれている。 ある人々が言うには、かつてその地を支配した巨人ケルトスに由来するという。 また別の人々は、ヘラクレスとアトラスの娘アステロペーの間にイベーロスとケルトスという二人の息子が生まれ、この二人がそれぞれ自らの支配した土地に自分たちにちなんだ名称を与えたのだと神話で語っている。
§14.1.5οἱ δὲ ποταμὸν εἶναί τινα λέγουσι Κελτὸν ἐκ τῆς Πυρρήνης ἀναδιδόμενον, ἀφʼ οὗ πρῶτον μὲν τὴν συνεγγύς, ἔπειτα δὲ καὶ τὴν ἄλλην χώραν σὺν χρόνῳ κληθῆναι Κελτικήν.
また、ピレネー山脈から源を発するケルトスという川があり、それにちなんで最初に近隣の地域が、のちには時の経過とともにその他の地域もケルティケーと呼ばれるようになったと言う者もいる。
φασὶ δὲ καί τινες, ὅτι τοῖς πρώτοις Ἕλλησιν εἰς τήνδε τὴν γῆν περαιουμένοις αἱ νῆες ἀνέμῳ βιαίῳ φερόμεναι κατὰ τὸν κόλπον ἔκελσαν τὸν Γαλατικόν, οἱ δʼ ἄνδρες, ἐπειδὴ τοῦ αἰγιαλοῦ ἐλάβοντο, Κελσικὴν ἀπὸ τοῦ συμβάντος αὐτοῖς πάθους τὴν χώραν ἐκάλεσαν, ἣν ἑνὸς ἀλλαγῇ γράμματος οἱ μεταγενέστεροι Κελτικὴν ὠνόμασαν.
さらに、最初のギリシア人たちがこの地へと渡ってきたとき、彼らの船が強風に流されてガラティア湾に漂着し、彼らが陸に上がったとき、自分たちの身に起きた出来事からその地をケルシケーと呼び、後世の人々が一文字を変更してケルティケーと名付けた、と言う者もいる。