§11.60.1θορύβου δέ, ὅπερ εἰκός, ἐπὶ τῇ γνώμῃ γενομένου διὰ τὸ μὴ πᾶσι τοῖς μέρεσιν αὐτῆς εὐαρεστεῖν ἀμφοτέρους παρελθὼν ὁ ὕπατος τρίτον ἠρώτα Γάϊον Κλαύδιον, ὃς ἐδόκει τῶν προεστηκότων τῆς ἑτέρας τάξεως τῆς ἐναντιουμένης τοῖς δημοτικοῖς αὐθαδέστατος εἶναι καὶ δυνατώτατος.
この意見に対して、当然のことながら騒乱が生じた。 そのすべての部分に両者が満足していたわけではなかったからである。 そこで執政官が進み出て、3番目にガイウス・クラウディウスに尋ねた。 彼は、平民に反対するもう一方の階級の指導者たちの中で、最も尊大で最も有力であると思われていた。
§11.60.2οὗτος ἐκ παρασκευῆς διεξῆλθε λόγον κατὰ τῶν δημοτικῶν, πάνθʼ ὅσα ἔδοξε πώποτε ἐναντία τοῖς καλοῖς καὶ πατρίοις ἐθισμοῖς ὑπομιμνήσκων, οὗ κεφάλαιον ἦν, εἰς ὃ κατέσκηπτεν ἡ γνώμη, μηδεμίαν ἀποδιδόναι τῇ βουλῇ διάγνωσιν ὑπὲρ τοῦ νόμου τοὺς ὑπάτους, μήτʼ ἐν τῷ παρόντι χρόνῳ μήθʼ ὕστερον, ὡς ἐπὶ καταλύσει τῆς ἀριστοκρατίας εἰσφερομένου καὶ συγχεῖν μέλλοντος ἅπαντα τὸν κόσμον τῆς πολιτείας.
彼はあらかじめ準備した上で、平民を非難する演説を行い、これまで美しく祖先伝来の慣習に反するとみなされたすべてのことを思い起こさせた。 その演説の要点、すなわち彼の意見が帰着するところは、執政官たちが現在においても将来においても、その法律についてのいかなる審査も元老院に委ねないことであった。 なぜなら、その法律は貴族政の打倒を目指して導入され、国制のすべての秩序を混乱させるものであるからだ、と。
§11.60.3γενομένου δὲ πρὸς τὴν γνώμην ἔτι πλείονος θορύβου τέταρτος ἀνίσταται κληθεὶς Τίτος Γενύκιος, ἀδελφὸς θατέρου τῶν ὑπάτων·
この意見に対してさらに大きな騒乱が生じたとき、4番目に、執政官の一方の兄弟であるティトゥス・ゲヌキウスが指名されて立ち上がった。
ὃς ὀλίγα διαλεχθεὶς ὑπὲρ τῶν κατεχόντων καιρῶν τὴν πόλιν, ὅτι δυεῖν ἀνάγκη τῶν χαλεπωτάτων θάτερον αὐτῇ συμπεσεῖν, ἢ διὰ τὰς πολιτικὰς ἔριδας καὶ φιλοτιμίας ἰσχυρὰ τὰ τῶν ἐχθρῶν ποιῆσαι πράγματα, ἢ τοὺς ἔξωθεν ἐπιφερομένους ἀποτρέψασθαι βουλομένῃ κακῶς τὸν οἰκεῖον καὶ πολιτικὸν διαλύσασθαι πόλεμον·
彼は、国家を支配している危局について少し語り、最も困難な二つの災厄のうち一方が国家に降りかかることは避けられないと述べた。 すなわち、国内の争いや野心のせいで敵の勢力を強めることになるか、あるいは、外部から襲いかかる敵を撃退することを望むがあまり、国内の市民同士の戦争を悪い形で解決することになるかである。
§11.60.4ἔφησε, δυεῖν ὄντων κακῶν, ὧν ἀνάγκη θάτερον ἄκοντας ὑπομεῖναι, τοῦτʼ αὐτῷ δοκεῖν εἶναι λυσιτελέστερον, τὸ συγχωρῆσαι τῷ δήμῳ τὴν βουλὴν παρασπάσαί τι τοῦ κόσμου τῆς πατρίου πολιτείας μᾶλλον ἢ τοῖς ἀλλοφύλοις τε καὶ πολεμίοις καταγέλαστον ποιῆσαι τὴν πόλιν.
望まずともその一端を耐え忍ばねばならない二つの災厄がある中で、次のことの方がより有益であると思われる、と彼は語った。 すなわち、元老院が民衆に対して、祖先伝来の国制の秩序からいくらかを削り取ることを許すことの方が、異民族や敵に対して国家を物笑いの種にするよりも（有益である、と）。
§11.60.5ταῦτʼ εἰπὼν τὴν δοκιμασθεῖσαν ὑπὸ τῶν παραγενηθέντων ἐν τῷ κατʼ οἰκίαν συνεδρίῳ γνώμην εἰσέφερεν, ἣν εἰσηγήσατο Κλαύδιος, ὥσπερ ἔφην, ἀντὶ τῶν ὑπάτων χιλιάρχους ἀποδειχθῆναι, τρεῖς μὲν ἐκ τῶν πατρικίων, τρεῖς δʼ ἐκ τῶν δημοτικῶν, ἐξουσίαν ἔχοντας ὑπατικήν·
これらのことを言ったのち、彼は私邸での会議に集まった者たちによって承認されていた意見を提出した。 それは私が言ったようにクラウディウスが提案したものであり、執政官に代わって、パトリキから3名、プレブスから3名の、執政官の権限を持つ軍事執政官たちが任命されるべきだというものであった。
ὅταν δὲ τελῶσιν οὗτοι τὴν ἀρχὴν καὶ καθήκῃ νέας ἀρχὰς ἀποδείκνυσθαι, τὴν βουλὴν καὶ τὸν δῆμον αὖθις συνελθόντας διαγνῶναι, πότερον ὑπάτους ἢ χιλιάρχους βούλονται παραλαβεῖν τὴν ἀρχήν.
そして、彼らが任期を終え、新しい政務官を任命する時期が来たときには、元老院と民衆が再び集まって、執政官と軍事執政官のどちらに政務を引き継がせたいかを決定する。
ὅ τι δʼ ἂν ἅπασι δόξῃ ψῆφον ἐπενέγκασι, τοῦτʼ εἶναι κύριον.
そして、投票を行った結果、全員に決定されたことが有効となる。
ἐπιτελεῖσθαι δὲ τὸ προβούλευμα καθʼ ἕκαστον ἐνιαυτόν.
この予備決議は毎年実行されるべきである、と。