§11.11.1πῶς οὖν ἐπανορθώσετε ταῦτα καὶ παύσεσθε δι’ αἰτίας παρὰ τοῖς πολίταις ὄντες;
では、あなたがたはどのようにしてこれらのことを正し、市民の間で非難を浴びることをやめるのだろうか。
τοῦτο γὰρ ἔσθʼ ὑπόλοιπον εἰπεῖν.
なぜなら、語るべきことはこれしか残されていないからである。
εἰ προβούλευμα τοῦ συνεδρίου ποιήσαντες ἀποδοίητε τῷ δήμῳ διαγνῶναι, πότερον αὐτῷ δοκεῖ πάλιν ὑπάτους τʼ ἀποδεικνύναι καὶ δημάρχους καὶ τὰς ἄλλας ἀρχὰς τὰς πατρίους, ἢ μένειν ἐπὶ τῆς αὐτῆς πολιτείας.
もしあなたがたが元老院の予備決議を作成した上で、再び執政官や護民官、その他の祖先伝来の官職を任命するべきか、あるいは現行の政体のままでいるべきかを、民衆に判断を委ねて決定させるならばどうだろうか。
§11.11.2ἐάν τε γὰρ ἀγαπῶσι Ῥωμαῖοι πάντες ὀλιγαρχούμενοι καὶ μένειν ὑμᾶς ἐπὶ τῆς αὐτῆς ἐξουσίας ψηφίσωνται, κατὰ νόμον ἕξετε καὶ οὐ βίᾳ τὴν ἀρχήν·
というのも、もしすべてのローマ人が寡頭制のもとに置かれることを好んで、あなたがたが同じ権力にとどまるよう投票するなら、あなたがたは暴力によってではなく、法に基づいて支配権を握ることになるからである。
ἐάν τε ὑπάτους πάλιν αἱρεῖσθαι βουληθῶσι καὶ τὰς ἄλλας ἀρχὰς ὡς πρότερον, ἀποθήσεσθε νόμῳ τὴν ἐξουσίαν καὶ οὐ δόξετε ἀκόντων ἄρχειν τῶν ἴσων·
また、もし彼らが再び執政官やその他の官職を以前のように選出することを望むなら、あなたがたは法に従って権力を放棄することになり、対等な人々に対して本人の意に反して支配しているとは思われないだろう。
τοῦτο μὲν γὰρ τυραννικόν, τὸ δὲ παρʼ ἑκόντων τὰς ἀρχὰς λαμβάνειν ἀριστοκρατικόν.
なぜなら、前者は僭主的なことであり、後者のように望んでいる人々から支配権を受け取ることは、貴族政的なことだからである。
§11.11.3τοῦ δὲ πολιτεύματος τούτου πρῶτον οἴομαι δεῖν ἄρξαι σὲ καὶ παῦσαι τὴν ὑπὸ σοῦ κατασταθεῖσαν ὀλιγαρχίαν, Ἄππιε, λυσιτελῆ γέ ποθʼ ἡμῖν γενομένην, νῦν δʼ ἐπαχθῆ.
アッピウスよ、私はあなたがこの国政の改革をまず自ら始め、あなたによって確立された寡頭制を終わらせるべきだと考える。 それはかつて我々にとって有益であったかもしれないが、今や厄介なものである。
ἃ δʼ ἐκ τοῦ πεισθῆναί μοι καὶ ἀποθέσθαι τὴν ἐπίφθονον ἐξουσίαν ταύτην κερδανεῖς, ἄκουσον.
あなたが私の説得を受け入れて、この憎むべき権力を放棄することによって何を得るか、聞きなさい。
§11.11.4ἐὰν μὲν ὅλον ὑμῶν τὸ ἀρχεῖον ἐπὶ τῆς αὐτῆς γένηται προαιρέσεως, διὰ σὲ πάντες ὑπολήψονται τὸν ἄρξαντα καὶ τούτους γεγενῆσθαι χρηστούς·
もしあなたがたの官職集団全体が同じ決意に至るなら、誰もが、あなたが指導したおかげでこの人々も立派になったのだと見なすだろう。
ἐὰν δʼ οὗτοι φιλοχωρῶσιν ἐπὶ τῇ παρανόμῳ δυναστείᾳ, σοὶ μὲν ἅπαντες εἴσονται τὴν χάριν, ὅτι μόνος ἐβουλήθης δίκαια ποιεῖν, τοὺς δὲ μὴ θέλοντας σὺν αἰσχύνῃ καὶ μεγάλῃ βλάβῃ παύσουσι τῆς ἀρχῆς.
しかし、もし彼らがこの不法な支配権に執着するなら、誰もが、あなただけが正しいことを行うよう望んだのだとしてあなたに恩義を感じるだろうし、望まない者たちについては、恥辱と大きな不利益とともに支配権から退かせるだろう。
§11.11.5ὁμολογίας δὲ καὶ πίστεις ἀπορρήτους εἴ τινας ἀλλήλοις δεδώκατε θεοὺς ἐγγυητὰς ποιησάμενοι — τάχα γάρ τι καὶ τοιοῦτον ὑμῖν πέπρακται — φυλαττομένας ἀνοσίους εἶναι νόμιζε ὡς κατὰ πολιτῶν καὶ πατρίδος, καταλυομένας δʼ εὐσεβεῖς.
もし、お互いに神々を保証人として秘密の盟約や誓約をいくらかでも交わしているなら ―― おそらくそのようなことがあなたがたの間で行われたのだろうが ―― それらは守られるなら市民や祖国に対して不敬なものとなり、解消されるなら敬虔なものとなると考えなさい。
θεοὶ γὰρ ἐπὶ καλαῖς καὶ δικαίαις παραλαμβάνεσθαι φιλοῦσιν ὁμολογίαις, οὐκ ἐπʼ αἰσχραῖς καὶ ἀδίκοις.
なぜなら、神々は美しく正しい盟約においてこそ、証人として加わることを好まれるのであり、恥ずべき不義な盟約においてではないからである。