§19.16.1ἅμα δὲ τούτοις πραττομένοις Ἄτταλος καὶ Πολέμων καὶ Δόκιμος, ἔτι δὲ Ἀντίπατρος καὶ Φιλώτας, οἱ μετὰ τῆς Ἀλκέτου δυνάμεως ἁλόντες ἡγεμόνες, ἐφυλάττοντο μὲν ἔν τινι φρουρίῳ καθʼ ὑπερβολὴν ὀχυρῷ, ἀκούσαντες δὲ τοὺς περὶ τὸν Ἀντίγονον εἰς τὰς ἄνω σατραπείας ποιεῖσθαι τὴν πορείαν, νομίζοντες εὔθετον ἔχειν καιρόν, ἔπεισάν τινας τῶν τηρούντων αὐτοὺς λῦσαι, κυριεύσαντες δὲ ὅπλων ἐπέθεντο τῇ φυλακῇ περὶ μέσας νύκτας.
これらのことが行われている間に、アルケタスの軍勢とともに捕らえられた将軍たちであるアッタロス、ポレモン、ドキモス、さらにアンティパトロスとフィロタスは、ある極めて堅固な砦に幽閉されていたが、アンティゴノスの一派が上部サトラップ領へと進軍していると聞くと、好機を得たと考えて、自分たちを監視していた者のうち何人かを説得して釈放させ、武器を手に入れると真夜中頃に衛兵たちを襲撃した。
αὐτοὶ μὲν οὖν ὀκτὼ τὸν ἀριθμὸν ὄντες, τηρούμενοι δὲ ὑπὸ στρατιωτῶν τετρακοσίων, διαφέροντες δὲ ταῖς τόλμαις καὶ ταῖς εὐχειρίαις διὰ τὴν μετʼ Ἀλεξάνδρου στρατείαν Ξενοπείθη μὲν τὸν φρούραρχον συναρπάσαντες ὑπὲρ τὸ τεῖχος ἔρριψαν, σταδιαῖον ἐχούσης τῆς πέτρας ὕψος, τῶν δʼ ἄλλων τοὺς μὲν κατασφάξαντες, τοὺς δὲ ἐκβαλόντες ἐνεπύρισαν τὰς οἰκίας.
彼ら自身は数にして八人であったが、四百人の兵士に監視されており、アレクサンドロスとの遠征のゆえに大胆さと武芸において勝っていたため、砦の指揮官ゼノペイトスを捕らえて城壁から投げ落とした。 その岩の高さは一スタディオンあった。 そして他の者のうち、一部を斬り殺し、別の一部を追い払って、その住居に火を放った。
§19.16.2τῶν δʼ ἔξωθεν καραδοκούντων προσελάβοντο τὸν ἀριθμὸν εἰς πεντήκοντα.
そして、外で待ち構えていた者たちを仲間に引き入れ、その数を五十人ほどに増やした。
τοὺ δὲ φρουρίου σίτου τε πλῆθος καὶ τῶν ἄλλων ἐπιτηδείων ἔχοντος ἐβουλεύοντο πότερον χρὴ μένειν καὶ χρῆσθαι τῇ τῶν τόπων ὀχυρότητι, καραδοκοῦντας τὴν παρʼ Εὐμενοῦς βοήθειαν, ἢ φυγόντας τὴν ταχίστην ἀλᾶσθαι κατὰ τὴν χώραν, καιροτηροῦντας τὰς μεταβολάς.
砦には大量の兵糧やその他の必需品があったので、彼らは、エウメネスからの救援を待ち望みつつ、その場にとどまってその土地の堅固さを利用すべきか、それとも一刻も早く逃亡して国内を彷徨い、状況の変化を窺うべきかを評議した。
§19.16.3γιγνομένης δὲ πλείονος ἀντιλογίας Δόκιμος μὲν ἐκχωρεῖν συνεβούλευεν, οἱ δὲ περὶ τὸν Ἄτταλον οὐκ ἔφασαν δυνήσεσθαι κακοπαθεῖν διὰ τὴν ἐν τοῖς δεσμοῖς γενομένην κακουχίαν.
議論が長引く中で、ドキモスは脱出することを勧めたが、アッタロスの一派は、牢獄での拘束による衰弱のゆえに、逃亡の労苦に耐えることはできないと主張した。
τούτων δὲ πρὸς ἀλλήλους διισταμένων ἔφθασαν ἐκ τῶν σύνεγγυς φρουρίων συνδραμόντες στρατιῶται πεζοὶ μὲν πλείους τῶν πεντακοσίων, ἱππεῖς δὲ τετρακόσιοι, χωρὶς δὲ τούτων ἐκ τῶν ἐγχωρίων ἄλλοι παντοδαποὶ πλείους τῶν τρισχιλίων, οἳ στρατηγὸν ἐξ ἑαυτῶν καταστήσαντες περιεστρατοπέδευσαν τὸ χωρίον.
彼らが互いに対立している間に、近隣の砦から歩兵五百人以上、騎兵四百人が、さらにはこれらとは別に地元住民からなる様々な者たち三千人以上がいち早く駆けつけ、自分たちの中から将軍を立てて、その場所を包囲した。
§19.16.4παραδόξως δὲ πάλιν αὐτῶν κατακλεισθέντων Δόκιμος μὲν κατάβασίν τινα κατανοήσας ἀφύλακτον διεπρεσβεύσατο πρὸς τὴν Ἀντιγόνου γυναῖκα Στρατονίκην, οὖσαν πλησίον τῶν τόπων, καὶ δεύτερος διὰ ταύτης ἐκπηδήσας αὐτὸς μὲν οὐκ ἔτυχε πίστεως, ἀλλʼ εἰς φυλακὴν παρεδόθη, ὁ δὲ συγκαταβὰς αὐτῷ καθηγησάμενος τοῖς πολεμίοις ἀνήγαγεν εἰς τὸ χωρίον οὐκ ὀλίγους καὶ κατελάβετο μίαν τῶν ὀρθίων πετρῶν.
彼らが予期せずして再び閉じ込められたため、ドキモスは見張りのいない下り道があることに気づき、近隣にいたアンティゴノスの妻ストラトニケと交渉を重ね、その下り道からもう一人とともに脱出したが、彼自身は信用を得られず、監禁された。 しかし、彼と一緒に下りていった者が敵を案内して、少なくない数の敵兵をその場所に引き入れ、険しい岩の一つを占拠した。
§19.16.5οἱ δὲ περὶ τὸν Ἄτταλον πολὺ λειπόμενοι τοῖς πλήθεσι διὰ τὰς ἀρετὰς ἀντείχοντο καὶ καθʼ ἡμέραν ἀγωνιζόμενοι διεκαρτέρουν·
アッタロスの一派は、数においてはるかに劣っていたものの、その武勇のゆえに抵抗し、毎日戦いながら耐え抜いた。
πολιορκηθέντες δὲ ἐνιαυτὸν καὶ μῆνας τέσσαρας ἥλωσαν κατὰ κράτος.
しかし、一年と四ヶ月にわたって包囲された末、力攻めによって攻略された。