§5.37.1μεγάλην δʼ ἔχει παραλλαγὴν τὰ μέταλλα ταῦτα συγκρινόμενα τοῖς κατὰ τὴν Ἀττικήν.
これら（スペイン）の鉱山は、アッティカのものと比較されると、大きな違いを持っている。
ἐκεῖνα μὲν γὰρ οἱ μεταλλεύοντες καὶ πρὸς ταῖς ἐργασίαις μεγάλας προϊέμενοι δαπάνας ἃ μὲν ἤλπισαν ἐνίοτε λαβεῖν οὐκ ἔλαβον, ἃ δʼ εἶχον ἀπέβαλον, ὥστε δοκεῖν αὐτοὺς ὥσπερ αἰνίγματος τρόπον ἀτυχεῖν·
すなわち、あちらで採掘し、その作業のために多額の費用を投じる人々は、あるときには得られると期待したものを得られず、持っていたものをも失ってしまい、その結果、彼らはまるで謎のやり方のように不運に見舞われていると思われるほどである。
§5.37.2οἱ δὲ κατὰ τὴν Σπανίαν μεταλλουργοὶ ταῖς ἐλπίσι μεγάλους σωρεύουσι πλούτους ἐκ τούτων τῶν ἐργασιῶν.
他方で、スパニアの鉱夫たちは、その期待によって、これらの作業から巨万の富を蓄積している。
τῶν γὰρ πρώτων ἔργων ἐπιτυγχανομένων διὰ τὴν τῆς γῆς εἰς τοῦτο τὸ γένος ἀρετὴν ἀεὶ μᾶλλον εὑρίσκουσι λαμπροτέρας φλέβας, γεμούσας ἀργύρου τε καὶ χρυσοῦ·
というのも、この種類の事業に対する大地の素晴らしさのゆえに、最初の作業が成功を収めると、彼らは常に、より輝かしく、銀と金で満ちた鉱脈をいっそう多く見出すからである。
πᾶσα γὰρ ἡ σύνεγγυς γῆ διαπέπλεκται πολυμερῶς τοῖς ἑλιγμοῖς τῶν ῥάβδων.
近隣の大地全体が、鉱脈の曲がりくねりによって複雑に織り合わされているからである。
§5.37.3ἐνίοτε δὲ καὶ κατὰ βάθους ἐμπίπτουσι ποταμοῖς ῥέουσιν ὑπὸ τὴν γῆν, ὧν τῆς βίας περιγίνονται διακόπτοντες τὰς ῥύσεις αὐτῶν τὰς ἐμπιπτούσας τοῖς ὀρύγμασι πλαγίοις.
そして時には、地中深くで地下を流れる川に突き当たることがあるが、彼らは、それらの流れが坑道に流れ込んでくるのを斜めの坑道によって遮断してその勢いを克服するのである。
ταῖς γὰρ ἀδιαψεύστοις τοῦ κέρδους προσδοκίαις πιεζόμενοι πρὸς τὸ τέλος ἄγουσι τὰς ἰδίας ἐπιβολάς, καὶ τὸ πάντων παραδοξότατον, ἀπαρύτουσι τὰς ῥύσεις τῶν ὑδάτων τοῖς Αἰγυπτιακοῖς λεγομένοις κοχλίαις, οὓς Ἀρχιμήδης ὁ Συρακόσιος εὗρεν, ὅτε παρέβαλεν εἰς Αἴγυπτον·
というのも、彼らは利益に対する確実な期待に駆り立てられて、自分たちの計画を最後まで遂行し、そして何よりも驚くべきことに、シラクサのアルキメデスがエジプトに渡った際に発明した、いわゆるエジプトの螺旋ポンプによって、流れる水を汲み出すからである。
διὰ δὲ τούτων συνεχῶς ἐκ διαδοχῆς παραδιδόντες μέχρι τοῦ στομίου, τὸν τῶν μετάλλων τόπον ἀναξηραίνουσι καὶ κατασκευάζουσιν εὔθετον πρὸς τὴν τῆς ἐργασίας πραγματείαν.
これらを使い、次から次へと連続して引き渡して坑口まで送り出すことによって、彼らは鉱山のある場所を乾燥させ、作業の遂行に適した状態にする。
§5.37.4φιλοτέχνου δʼ ὄντος τοῦ ὀργάνου καθʼ ὑπερβολήν, διὰ τῆς τυχούσης ἐργασίας ἄπλατον ὕδωρ ἀναρριπτεῖται παραδόξως, καὶ πᾶν τὸ ποτάμιον ῥεῦμα ῥᾳδίως ἐκ βυθοῦ πρὸς τὴν ἐπιφάνειαν ἐκχεῖται.
この器具は極めて巧妙に作られているため、普通の労力によって、驚くべきことに膨大な量の水が汲み上げられ、川のような流れ全体が深みから地表へと容易に排出されるのである。
θαυμάσαι δʼ ἄν τις εἰκότως τοῦ τεχνίτου τὴν ἐπίνοιαν οὐ μόνον ἐν τούτοις, ἀλλὰ καὶ ἐν ἄλλοις πολλοῖς καὶ μείζοσι, διαβεβοημένοις κατὰ πᾶσαν τὴν οἰκουμένην, περὶ ὧν τὰ κατὰ μέρος ὅταν ἐπὶ τὴν Ἀρχιμήδους ἡλικίαν ἔλθωμεν ἀκριβῶς διέξιμεν.
人々は、この技術者の創意工夫に対して、これらにおいてだけでなく、全世界にその名をとどろかせている他の多くの、かつより重大な事柄においても、当然ながら感嘆するであろう。 それらについての詳細な歴史は、我々がアルキメデスの時代に到達したときに、正確に叙述することにする。