§3.50.1τῆς δὲ χώρας ἡ μὲν ὅμορος τῇ Κυρήνῃ γεώδης ἐστὶ καὶ πολλοὺς φέρουσα καρπούς·
この地方のうち、キュレネに隣接する部分は肥沃であり、多くの実りをもたらす。
οὐ μόνον γὰρ ὑπάρχει σιτοφόρος, ἀλλὰ καὶ πολλὴν ἄμπελον, ἔτι δʼ ἐλαίαν ἔχει καὶ τὴν ἀγρίαν ὕλην καὶ ποταμοὺς εὐχρηστίαν παρεχομένους·
なぜなら、穀物を産するだけでなく、多くのブドウ、さらにオリーブをも有し、また野生の森林や便をもたらす河川を有しているからである。
ἡ δʼ ὑπὲρ τὸ νότιον μέρος ὑπερτείνουσα, καθʼ ἣν τὸ νίτρον φύεσθαι συμβέβηκεν, ἄσπορος οὖσα καὶ σπανίζουσα ναματιαίων ὑδάτων, τὴν πρόσοψιν ἔχει πελάγει παρεμφερῆ·
しかし、南部を越えて広がる部分は、そこでは天然ソーダが産出するのだが、作物が育たず湧き水に乏しく、海に似た外観を呈している。
οὐδεμίαν δὲ παρεχομένη ποικιλίαν κατὰ τὴν ἰδέαν ἐρήμῳ γῇ περιέχεται, τῆς ὑπερκειμένης ἐρήμου δυσέξιτον ἐχούσης τὸ πέρας.
また、その様子においては何の変化も提供せず、荒涼とした土地に取り囲まれており、その上に広がる砂漠は、脱出困難な境界を持っている。
§3.50.2διόπερ οὐδʼ ὄρνεον ἰδεῖν ἔστιν, οὐ τετράπουν ἐν αὐτῇ ζῷον πλὴν δορκάδος καὶ βοός, οὐ μὴν οὔτε φυτὸν οὔτʼ ἄλλο τῶν δυναμένων ψυχαγωγῆσαι τὴν ὅρασιν, ὡς ἂν τῆς εἰς μεσόγειον ἀνηκούσης γῆς ἐχούσης ἐπὶ τὸ μῆκος ἀθρόους θῖνας.
それゆえ、そこでは鳥を見ることも、カモシカと野牛を除いては四足の動物を見ることもできない。 さらに、植物も、視覚を楽しませることのできる他のいかなるものも見ることはできない。 それは、内陸へと延びる土地が、その広がりにわたって一面に広がる砂丘を有しているためである。
ἐφʼ ὅσον δὲ σπανίζει τῶν πρὸς ἥμερον βίον ἀνηκόντων, ἐπὶ τοσοῦτο πλήθει παντοίων ταῖς ἰδέαις καὶ τοῖς μεγέθεσιν ὄφεων, μάλιστα δὲ τῶν τοιούτων οὓς προσαγορεύουσι κεράστας, οἳ τὰ μὲν δήγματα θανατηφόρα ποιοῦνται, τὴν δὲ χρόαν ἅμμῳ παραπλησίαν ἔχουσι·
しかし、人間らしい生活に属する事物に乏しい分だけ、それだけ、あらゆる姿や大きさの蛇で満ちており、とりわけ、彼らがツノクサリヘビと呼ぶ、噛み傷が致命的であり、皮膚の色が砂に酷似している蛇たちで満ちている。
§3.50.3διόπερ ἐξωμοιωμένων αὐτῶν κατὰ τὴν πρόσοψιν τοῖς ὑποκειμένοις ἐδάφεσιν ὀλίγοι μὲν ἐπιγινώσκουσιν, οἱ πολλοὶ δʼ ἀγνοοῦντες πατοῦσι καὶ κινδύνοις περιπίπτουσιν ἀπροσδοκήτοις.
それゆえ、それらの外観がその下の地面に酷似しているために、気づく者はわずかであり、大半の者は知らずに踏みつけて、予期せぬ危険に陥る。
λέγεται δὲ τούτους τὸ παλαιὸν ἐπελθόντας ποτὲ πολλὴν τῆς Αἰγύπτου ποιῆσαι τὴν ὑποκειμένην χώραν ἀοίκητον.
かつて古代において、これらが襲来し、エジプトの隣接する地域の多くを居住不能にしたと言われている。
§3.50.4γίνεται δέ τι θαυμάσιον περί τε ταύτην τὴν χέρσον καὶ τὴν ἐπέκεινα τῆς Σύρτεως Λιβύην.
また、この乾いた土地と、シュルティスの彼方のリビアに関して、ある不思議な現象が起こる。
περὶ γάρ τινας καιροὺς καὶ μάλιστα κατὰ τὰς νηνεμίας συστάσεις ὁρῶνται κατὰ τὸν ἀέρα παντοίων ζῴων ἰδέας ἐμφαίνουσαι·
というのも、ある特定の時期、とりわけ無風の時に、空中にあらゆる種類の動物の姿を表す集合体が見られるからである。
τούτων δʼ αἱ μὲν ἠρεμοῦσιν, αἱ δὲ κίνησιν λαμβάνουσι, καὶ ποτὲ μὲν ὑποφεύγουσι, ποτὲ δὲ διώκουσι, πᾶσαι δὲ τὸ μέγεθος ἄπλατον ἔχουσαι θαυμαστὴν κατάπληξιν καὶ ταραχὴν παρασκευάζουσι τοῖς ἀπείροις.
これらのうち、あるものは静止し、あるものは動き出し、ある時は逃げ去り、ある時は追いかけ、どれも計り知れない大きさを持ち、未経験の者たちに驚くべき畏怖と混乱を引き起こす。
§3.50.5αἱ γὰρ ἐπιδιώκουσαι τοὺς ἀνθρώπους ἐπειδὰν καταλάβωσι, περιχέονται τοῖς σώμασι ψυχραὶ καὶ παλμώδεις, ὥστε τοὺς μὲν ξένους ἀσυνήθεις ὄντας διὰ τὸ δέος ἐκπεπλῆχθαι, τοὺς δʼ ἐγχωρίους πολλάκις συγκεκυρηκότας τοῖς τοιούτοις καταφρονεῖν τοῦ συμβαίνοντος.
なぜなら、人々を追いかけるそれらは、追いつくやいなや、冷たく震えながら身体にまとわりつくのであり、その結果、不慣れな異邦人は恐怖のために仰天するが、こうした現象に何度も遭遇している現地の人々は、起こっていることを気にも留めないほどである。