§14.90.1τοῦ δὲ ἔτους τούτου διεληλυθότος Ἀθήνησι μὲν παρέλαβε τὴν ἀρχὴν Δημόστρατος, ἐν Ῥώμῃ δὲ τὴν ὑπατικὴν ἀρχὴν διῴκουν χιλίαρχοι ἕξ, Λεύκιος Τιτίνιος, §14.90.2Πόπλιος Λικίνιος, Πόπλιος Μελαῖος, Κόιντος Μάλλιος, Γναῖος Γενύκιος, Λεύκιος Ἀτίλιος.
この年が過ぎ去ると、アテナイではデモストラトスが職務を引き継ぎ、ローマでは六人の軍事執政官、すなわちルキウス・ティティニウス、プブリウス・リキニウス、プブリウス・メラエウス、クイントゥス・マッリウス、グナエウス・ゲヌキウス、ルキウス・アティリウスが執政官の権限を行使した。
τούτων δὲ τὴν ἀρχὴν παρειληφότων Μάγων ὁ τῶν Καρχηδονίων στρατηγὸς διέτριβε μὲν ἐν Σικελίᾳ, τὰ δὲ πράγματα τῶν Καρχηδονίων ἀπὸ τῆς γεγενημένης συμφορᾶς ἀνελάμβανε·
彼らが職務を引き継いだとき、カルタゴ人の将軍マゴンはシケリアに留まり、先に被った災難からカルタゴの国勢を立て直していた。
§14.90.3ταῖς τε γὰρ ὑποτεταγμέναις πόλεσι φιλανθρώπως προσεφέρετο καὶ τοὺς ὑπὸ Διονυσίου πολεμουμένους ὑπεδέχετο.
というのも、彼は服属している諸都市に温厚に接し、ディオニュシオスによって戦争を仕掛けられている人々を受け入れていたからである。
ἐποιήσατο δὲ καὶ πρὸς τοὺς πλείστους τῶν Σικελῶν συμμαχίας, καὶ δυνάμεις ἀθροίσας ἐστράτευσεν εἰς τὴν Μεσσηνίαν.
また、彼はシケリア人の大部分と同盟を結び、軍勢を集めてメッセニア地方へ遠征した。
λεηλατήσας δὲ τὴν χώραν καὶ πολλῆς ὠφελείας ἐγκρατὴς γενόμενος ἀνέζευξε καὶ πρὸς Ἀβακαίνῃ πόλει συμμαχίδι κατεστρατοπέδευσεν.
その地を略奪し、多くの略奪品を手に入れた後、彼は撤退し、同盟都市アバカイノンの近くに陣を張った。
§14.90.4Διονυσίου δὲ ἐπελθόντος μετὰ τῆς δυνάμεως παρετάχθησαν, καὶ γενομένης καρτερᾶς μάχης ἐνίκησαν οἱ περὶ Διονύσιον.
しかし、ディオニュシオスが軍勢を率いて来襲すると、彼らは陣を敷いて戦い、激しい戦闘が行われた末にディオニュシオスの側が勝利した。
καὶ οἱ μὲν Καρχηδόνιοι πλείους ὀκτακοσίων ἀποβαλόντες ἔφυγον εἰς τὴν πόλιν, Διονύσιος δὲ τότε μὲν εἰς Συρακούσας ἀνέζευξε, μετὰ δέ τινας ἡμέρας ἑκατὸν τριήρεις πληρώσας ἐστράτευσεν ἐπὶ Ῥηγίνους.
カルタゴ人たちは八百人以上を失ってアバカイノンの街へと逃げ込み、ディオニュシオスはその時はシュラクサイへと撤退したが、数日後、百隻の三段櫂船に人員を満たしてレギオン人たちに対して遠征した。
§14.90.5ἀπροσδοκήτως δὲ νυκτὸς ἐπιφανεὶς τῇ πόλει τὰς πύλας ἐνέπρησε καὶ τοῖς τείχεσι προσήρεισε κλίμακας.
彼は夜間に不意にその街に現れて諸門に火を放ち、城壁に梯子をかけさせた。
οἱ δὲ Ῥηγῖνοι τὸ μὲν πρῶτον ὀλίγοι προσβοηθήσαντες ἐπεχείρουν σβεννύναι τὴν φλόγα, μετὰ δὲ ταῦτα Ἑλώριδος τοῦ στρατηγοῦ παραγενομένου καὶ συμβουλεύσαντος τἀναντία πράττειν ἔσωσαν τὴν πόλιν.
レギオン人たちは、最初は少人数が救援に駆けつけて炎を消そうと試みていたが、その後、将軍ヘロリスが到着して反対のことをするよう勧告したことによって、街を救った。
§14.90.6σβεννύντες μὲν γὰρ τὸ πῦρ οὐκ ἂν ἴσχυσαν Διονύσιον κωλῦσαι εἰσελθεῖν, ὀλίγοι παντελῶς ὄντες, ἐκ δὲ τῶν ἐγγὺς οἰκιῶν ἐνέγκαντες φρύγανα καὶ ξύλα τὴν φλόγα κατεσκεύαζον μείζονα, μέχρι ὅτου τὸ πλῆθος ἐν τοῖς ὅπλοις ἀθροισθὲν παρεβοήθησεν.
というのも、彼らは完全に少数であったため、もし火を消そうとしていたならディオニュシオスが侵入するのを防ぐことはできなかったであろうが、近隣の家々から柴や木材を運び込んで炎をさらに大きくし、武装した市民の群衆が集まって助けに来るまで持ちこたえたからである。
§14.90.7Διονύσιος δὲ τῆς ἐπιβολῆς ἀποτυχὼν ἐπῆλθε τὴν χώραν ἐμπυρίζων καὶ δενδροτομῶν, καὶ μετὰ ταῦτʼ ἐνιαυσίους ἀνοχὰς ποιησάμενος ἐξέπλευσεν ἐπὶ Συρακουσῶν.
ディオニュシオスは企てに失敗し、領土を放火し樹木を伐採しながら進み、その後、一年の休戦協定を結んでシュラクサイに向けて出帆した。