§14.90.1τοῦ δὲ ἔτους τούτου διεληλυθότος Ἀθήνησι μὲν παρέλαβε τὴν ἀρχὴν Δημόστρατος, ἐν Ῥώμῃ δὲ τὴν ὑπατικὴν ἀρχὴν διῴκουν χιλίαρχοι ἕξ, Λεύκιος Τιτίνιος, §14.90.2Πόπλιος Λικίνιος, Πόπλιος Μελαῖος, Κόιντος Μάλλιος, Γναῖος Γενύκιος, Λεύκιος Ἀτίλιος.
이 해가 지나자, 아테네에서는 데모스트라토스가 집정관 직무를 이어받았고, 로마에서는 여섯 명의 군사 집정관, 즉 루키우스 티티니우스, 푸블리우스 리키니우스, 푸블리우스 멜라이우스, 퀸투스 말리우스, 그나이우스 게누키우스, 루키우스 아틸리우스가 집정관 권한을 행사했다.
τούτων δὲ τὴν ἀρχὴν παρειληφότων Μάγων ὁ τῶν Καρχηδονίων στρατηγὸς διέτριβε μὲν ἐν Σικελίᾳ, τὰ δὲ πράγματα τῶν Καρχηδονίων ἀπὸ τῆς γεγενημένης συμφορᾶς ἀνελάμβανε·
이들이 직무를 이어받았을 때, 카르타고인들의 장군 마곤은 시켈리아에 머물며 이전에 발생했던 재난으로부터 카르타고의 국세를 회복시키고 있었다.
§14.90.3ταῖς τε γὰρ ὑποτεταγμέναις πόλεσι φιλανθρώπως προσεφέρετο καὶ τοὺς ὑπὸ Διονυσίου πολεμουμένους ὑπεδέχετο.
그는 복속된 도시들을 너그럽게 대했고, 디오뉘시오스에게 공격받는 자들을 받아들였기 때문이다.
ἐποιήσατο δὲ καὶ πρὸς τοὺς πλείστους τῶν Σικελῶν συμμαχίας, καὶ δυνάμεις ἀθροίσας ἐστράτευσεν εἰς τὴν Μεσσηνίαν.
그는 또한 대부분의 시켈리아인들과 동맹을 맺고 군대를 모아 메세니아 지방으로 원정했다.
λεηλατήσας δὲ τὴν χώραν καὶ πολλῆς ὠφελείας ἐγκρατὴς γενόμενος ἀνέζευξε καὶ πρὸς Ἀβακαίνῃ πόλει συμμαχίδι κατεστρατοπέδευσεν.
그 지역을 약탈하고 많은 전리품을 확보한 후, 그는 철수하여 동맹 도시 아바카이네 근처에 진을 쳤다.
§14.90.4Διονυσίου δὲ ἐπελθόντος μετὰ τῆς δυνάμεως παρετάχθησαν, καὶ γενομένης καρτερᾶς μάχης ἐνίκησαν οἱ περὶ Διονύσιον.
하지만 디오뉘시오스가 군대를 이끌고 오자 그들은 전열을 갖추었고, 격렬한 전투가 벌어진 끝에 디오뉘시오스의 진영이 승리했다.
καὶ οἱ μὲν Καρχηδόνιοι πλείους ὀκτακοσίων ἀποβαλόντες ἔφυγον εἰς τὴν πόλιν, Διονύσιος δὲ τότε μὲν εἰς Συρακούσας ἀνέζευξε, μετὰ δέ τινας ἡμέρας ἑκατὸν τριήρεις πληρώσας ἐστράτευσεν ἐπὶ Ῥηγίνους.
카르타고인들은 800명 이상을 잃고 성안으로 도망쳤으며, 디오뉘시오스는 당시에는 시라쿠사로 철수했으나 며칠 후 삼단노선 100척에 군사를 채워 레기온인들을 향해 원정했다.
§14.90.5ἀπροσδοκήτως δὲ νυκτὸς ἐπιφανεὶς τῇ πόλει τὰς πύλας ἐνέπρησε καὶ τοῖς τείχεσι προσήρεισε κλίμακας.
그는 밤중에 예기치 않게 성에 나타나 성문에 불을 지르고 성벽에 사다리를 대어 놓았다.
οἱ δὲ Ῥηγῖνοι τὸ μὲν πρῶτον ὀλίγοι προσβοηθήσαντες ἐπεχείρουν σβεννύναι τὴν φλόγα, μετὰ δὲ ταῦτα Ἑλώριδος τοῦ στρατηγοῦ παραγενομένου καὶ συμβουλεύσαντος τἀναντία πράττειν ἔσωσαν τὴν πόλιν.
레기온인들은 처음에는 소수만이 구하러 달려와 불을 끄려고 시도했으나, 그 후 장군 헬로리스가 도착하여 정반대로 행동하라고 조언함으로써 성을 구했다.
§14.90.6σβεννύντες μὲν γὰρ τὸ πῦρ οὐκ ἂν ἴσχυσαν Διονύσιον κωλῦσαι εἰσελθεῖν, ὀλίγοι παντελῶς ὄντες, ἐκ δὲ τῶν ἐγγὺς οἰκιῶν ἐνέγκαντες φρύγανα καὶ ξύλα τὴν φλόγα κατεσκεύαζον μείζονα, μέχρι ὅτου τὸ πλῆθος ἐν τοῖς ὅπλοις ἀθροισθὲν παρεβοήθησεν.
그들은 완전히 소수였기에 만약 불을 끄려 했다면 디오뉘시오스가 진입하는 것을 막을 수 없었겠지만, 근처 집들에서 섶나무와 목재를 가져와 불길을 더 키웠고, 결국 무장한 군중이 모여 구하러 올 때까지 버텨냈기 때문이다.
§14.90.7Διονύσιος δὲ τῆς ἐπιβολῆς ἀποτυχὼν ἐπῆλθε τὴν χώραν ἐμπυρίζων καὶ δενδροτομῶν, καὶ μετὰ ταῦτʼ ἐνιαυσίους ἀνοχὰς ποιησάμενος ἐξέπλευσεν ἐπὶ Συρακουσῶν.
디오뉘시오스는 기습에 실패하자 그 지역을 방화하고 나무를 베어 내며 휩쓸었고, 그 후 1년간의 휴전 협정을 맺고 시라쿠사를 향해 출항했다.