§13.26.1ναί, ἀλλά τινες τῶν Ἑλλήνων ἀπέσφαξαν τοὺς αἰχμαλώτους.
「なるほど、しかしギリシア人の中には捕虜を虐殺した者たちもいる」と。
τί οὖν;
それがどうしたというのか。
εἰ μὲν αὐτοῖς ἐκ ταύτης τῆς πράξεως ἔπαινοι τυγχάνουσι, μιμησώμεθα τοὺς τῆς δόξης πεφροντικότας·
もし彼らにこの行為によって称賛が与えられているのなら、名声を重んじた者たちを模倣しよう。
εἰ δὲ παρὰ πρώτων ἡμῶν τυγχάνουσι κατηγορίας, μηδὲ αὐτοὶ πράξωμεν τὰ αὐτὰ τοῖς ὁμολογουμένως ἡμαρτηκόσι.
しかし、もし他ならぬ我々自身から最初に彼らが非難されているのなら、我々自身も、明らかに誤ちを犯した者たちと同じことを行わないようにしよう。
§13.26.2μέχρι μὲν γὰρ τοῦ μηδὲν ἀνήκεστον πεπονθέναι τοὺς εἰς τὴν ἡμετέραν πίστιν ἑαυτοὺς παραδόντας, ἅπαντες καταμέμψονται δικαίως τὸν Ἀθηναίων δῆμον·
というのも、我々の信義に身を委ねた人々が未だ破滅的な目に遭っていない間は、誰もが当然のごとくアテナイの民衆を非難するだろう。
ἐὰν δὲ ἀκούσωσι παρὰ τὰ κοινὰ νόμιμα τοὺς αἰχμαλώτους παρεσπονδημένους, ἐφʼ ἡμᾶς μετοίσουσι τὴν κατηγορίαν.
しかし、もし共通の慣習に反して捕虜たちが不当に扱われたと聞くならば、彼らは我々の方へと非難を転じるであろう。
καὶ γὰρ εἴ τινων ἄλλων, Ἀθηναίων ἄξιόν ἐστιν ἐντραπῆναι μὲν τὸ τῆς πόλεως ἀξίωμα, χάριν δʼ αὐτοῖς ἀπομερίσαι τῶν εἰς ἄνθρωπον εὐεργετημάτων.
実際、もし他の誰かに対してそうするとしても、アテナイ人に対しては、その都市の威厳を重んじ、人間一般に対する彼らの恩恵への感謝を彼らに分け与えるのがふさわしい。
§13.26.3οὗτοι γάρ εἰσιν οἱ πρῶτοι τροφῆς ἡμέρου τοῖς Ἕλλησι μεταδόντες, ἣν ἰδίᾳ παρὰ θεῶν λαβόντες τῇ χρείᾳ κοινὴν ἐποίησαν·
なぜなら、彼らこそはギリシア人に文明化された食物を最初に分かち与えた人々であり、神々から私的に授かったその食物を、使用を通じて万人の共有物としたのである。
οὗτοι νόμους εὗρον, διʼ οὓς ὁ κοινὸς βίος ἐκ τῆς ἀγρίας καὶ ἀδίκου ζωῆς εἰς ἥμερον καὶ δικαίαν ἐλήλυθε συμβίωσιν·
彼らは法を発明し、それによって共同の生活は野蛮で不義な生き方から、文明化され正義にかなった共同生活へと移行したのである。
οὗτοι πρῶτοι τοὺς καταφυγόντας διασώσαντες τοὺς περὶ τῶν ἱκετῶν νόμους παρὰ πᾶσιν ἀνθρώποις ἰσχῦσαι παρεσκεύασαν·
彼らは避難してきた人々を最初に救うことで、哀願者に関する法が全人類の間で効力を持つようにした。
ὧν ἀρχηγοὺς γενομένους οὐκ ἄξιον αὐτοὺς ἀποστερῆσαι.
彼らがその先駆者となったものを、彼ら自身から奪い去ることはふさわしいことではない。
καὶ ταῦτα μὲν πρὸς ἅπαντας· ἰδίᾳ δʼ ἐνίους ὑπομνήσω τῶν φιλανθρώπων.
これらのことはすべての人に向けて言うことであるが、個別に何人かには、彼らの慈悲深い行為を思い出させよう。