§12.81.1ἐπʼ ἄρχοντος δʼ Ἀθήνησιν Εὐφήμου ἐν Ῥώμῃ κατεστάθησαν ἀντὶ τῶν ὑπάτων χιλίαρχοι Λεύκιος Φούριος, Λεύκιος Κοΐντιος, Αὖλος Σεμπρώνιος.
アテネでエウペモスがアルコンのとき、ローマでは執政官に代わって、ルキウス・フリウス、ルキウス・クィンクティウス、アウルス・センプロニウスの三人の軍事執政官が任命された。
ἐπὶ δὲ τούτων Λακεδαιμόνιοι μετὰ τῶν συμμάχων στρατεύσαντες εἰς τὴν Ἀργείαν Ὑσιὰς χωρίον εἷλον, καὶ τοὺς ἐνοικοῦντας ἀποκτείναντες τὸ μὲν φρούριον κατέσκαψαν, αὐτοὶ δὲ πυθόμενοι τοὺς Ἀργείους ᾠκοδομηκέναι τὰ μακρὰ τείχη μέχρι τῆς θαλάττης, ἐπελθόντες τὰ κατεσκευασμένα τείχη κατέσκαψαν, καὶ τὴν εἰς τὴν οἰκείαν ἐπάνοδον ἐποιήσαντο.
彼らの任期において、ラケダイモン人は同盟軍とともにアルゴス領へ遠征し、ヒュシアイという場所を攻略し、住民たちを殺害してその砦を破壊した。 そして彼らは、アルゴス人が海に至る長城を築いたことを知ると、進軍して、建設された壁を破壊し、本国への帰還を果たした。
§12.81.2Ἀθηναῖοι δʼ ἑλόμενοι στρατηγὸν Ἀλκιβιάδην, καὶ δόντες αὐτῷ ναῦς εἴκοσι, προσέταξαν συγκατασκευάσαι τοῖς Ἀργείοις τὰ κατὰ τὴν πολιτείαν·
アテネ人はアルキビアデスを将軍に選び、彼に二十隻の船を与えて、アルゴス人の国制を共に確立するよう命じた。
ἔτι γὰρ ἦσαν ἐν ταραχαῖς διὰ τὸ πολλοὺς ὑπολελεῖφθαι τῶν τὴν ἀριστοκρατίαν αἱρουμένων.
なぜなら、貴族政を志向する者たちが多く残っていたため、彼らは未だ混乱の中にあったからである。
§12.81.3ὁ δʼ οὖν Ἀλκιβιάδης καταντήσας εἰς τὴν τῶν Ἀργείων πόλιν, καὶ συνεδρεύσας μετὰ τῶν τὴν δημοκρατίαν προκρινόντων, ἐπέλεξε τῶν Ἀργείων τοὺς μάλιστα δοκοῦντας τὰ τῶν Λακεδαιμονίων αἱρεῖσθαι·
そこで、アルキビアデスはアルゴス人の都市に到着すると、民主政を支持する者たちと会議を開き、アルゴス人の中から、最もラケダイモン人の側を支持していると思われる者たちを選び出した。
μεταστησάμενος δὲ τούτους ἐκ τῆς πόλεως, καὶ συγκατασκευάσας βεβαίως τὴν δημοκρατίαν, ἀπέπλευσεν εἰς τὰς Ἀθήνας.
そして、これらの者たちを都市から移住させ、民主政を確固たるものとして確立させた後、アテネへと船で帰還した。
§12.81.4τούτου δὲ τοῦ ἔτους λήγοντος Λακεδαιμόνιοι μετὰ πολλῆς δυνάμεως ἐμβαλόντες εἰς τὴν Ἀργείαν, καὶ πολλὴν τῆς χώρας δῃώσαντες, τοὺς φυγάδας τῶν Ἀργείων κατῴκισαν εἰς Ὀρνεάς·
この年が終わりに近づいたとき、ラケダイモン人は大軍を率いてアルゴス領へ侵入し、その土地の多くを荒廃させ、アルゴス人の亡命者たちをオルネアイに定住させた。
ἐπιτειχίσαντες δὲ τοῦτο τὸ χωρίον ἐπὶ τῆς Ἀργείας, καὶ φρουροὺς τοὺς ἱκανοὺς ἀπολιπόντες, προσέταξαν κακοποιεῖν τοὺς Ἀργείους.
そして、アルゴス領に対する要塞としてこの場所を固め、十分な守備隊を残して、アルゴス人を苦しめるよう命じた。
§12.81.5ἀπελθόντων δὲ τῶν Λακεδαιμονίων ἐκ τῆς Ἀργείας, Ἀθηναῖοι μὲν συμμαχίαν ἐξέπεμψαν τοῖς Ἀργείοις τριήρεις τετταράκοντα, ὁπλίτας δὲ χιλίους καὶ διακοσίους·
ラケダイモン人がアルゴス領から撤退すると、アテネ人はアルゴス人に援軍として三段櫂船四十隻と、重装歩兵千二百人を送り出した。
οἱ δʼ Ἀργεῖοι μετὰ τῶν Ἀθηναίων στρατεύσαντες ἐπὶ τὰς Ὀρνεὰς τήν τε πόλιν κατὰ κράτος εἷλον καὶ τῶν φρουρῶν καὶ φυγάδων οὓς μὲν ἀπέκτειναν, οὓς δʼ ἐξέβαλον ἐκ τῶν Ὀρνεῶν.
そして、アルゴス人はアテネ人とともにオルネアイへ遠征し、力攻めによってこの都市を攻略した。 そして、守備隊と亡命者のうち、一部を殺害し、他の者たちをオルネアイから追放した。
ταῦτα μὲν οὖν ἐπράχθη κατὰ τὸ πεντεκαιδέκατον ἔτος τοῦ Πελοποννησιακοῦ πολέμου.
こうして、これらの出来事はペロポネソス戦争の第十五年に起こった。