§11.358Πλάτων Λαοδάμαντι εὖ πράττειν.
プラトンからラオダマスへ、万事めでたきこと。
ἐπέστειλα μέν σοι καὶ πρότερον ὅτι πολὺ διαφέρει πρὸς ἅπαντα ἃ λέγεις αὐτὸν ἀφικέσθαι σε Ἀθήναζε·
私は以前にも、あなた自身がアテナイへ来ることが、あなたの言うすべての事柄にとって非常に大きな違いをもたらすと書き送りました。
ἐπειδὴ δὲ σὺ φῂς ἀδύνατον εἶναι, μετὰ τοῦτο ἦν δεύτερον, εἰ δυνατὸν ἐμὲ ἀφικέσθαι ἢ Σωκράτη, ὥσπερ ἐπέστειλας.
しかし、あなたはそれが不可能だと言うので、その次の第二の案は、あなたが書き送ってきたように、私かあるいはソクラテスが赴くことが可能かどうかということでした。
νῦν δὲ Σωκράτης μέν ἐστιν περὶ ἀσθένειαν τὴν τῆς στραγγουρίας, ἐμὲ δὲ ἀφικόμενον ἐνταῦθα ἄσχημον ἂν εἴη μὴ διαπράξασθαι ἐφʼ ἅπερ σὺ παρακαλεῖς.
しかし現在、ソクラテスは尿閉の病にかかっており、私がそちらへ行って、あなたが求めている事柄を成就できないとしたら、それは体裁の悪いことになるでしょう。
ἐγὼ δὲ ταῦτα γενέσθαι ἂν οὐ πολλὴν ἐλπίδα ἔχω—διʼ ἃ δέ, μακρᾶς ἑτέρας δέοιτʼ ἂν ἐπιστολῆς ἥτις πάντα διεξίοι—καὶ ἅμα οὐδὲ τῷ σώματι διὰ τὴν ἡλικίαν ἱκανῶς ἔχω πλανᾶσθαι καὶ κινδυνεύειν κατά τε γῆν καὶ κατὰ θάλατταν οἷα ἀπαντᾷ, καὶ νῦν πάντα κινδύνων ἐν ταῖς πορείαις ἐστὶ μεστά.
しかし私は、これらが実現するということについて、あまり大きな希望を抱いていません――その理由については、すべてを詳しく説明する別の長い手紙が必要になるでしょう――それと同時に、年齢のせいで、陸や海で旅をして、そこで遭遇するような危険に身をさらすには、身体的にも十分な状態にありません。 おまけに今や、旅路におけるすべてのことが危険に満ちています。
§11.359συμβουλεῦσαι μέντοι ἔχω σοί τε καὶ τοῖς οἰκισταῖς, ὃ εἰπόντος μὲν ἐμοῦ, φησὶν Ἡσίοδος, δόξαι ἂν εἶναι φαῦλον, χαλεπὸν δὲ νοῆσαι.
しかしながら、私にはあなたと植民市の創設者たちに助言を与えることはできます。 その助言は、ヘシオドスが言うように、私が口にするときには取るに足らないものと思われるかもしれませんが、理解するのは難しいものです。
εἰ γὰρ οἷόν τε ὑπὸ νόμων θέσεως καὶ ὧντινων εὖ ποτε πολιτείαν κατασκευασθῆναι ἄνευ τοῦ εἶναί τι κύριον ἐπιμελούμενον ἐν τῇ πόλει τῆς καθʼ ἡμέραν διαίτης, ὅπως ἂν ᾖ σώφρων τε καὶ ἀνδρικὴ δούλων τε καὶ ἐλευθέρων, οὐκ ὀρθῶς διανοοῦνται.
というのも、奴隷も自由人もともに節度があり勇敢であるようにと、日々の生活様式を国の中で配慮し監督する何らかの権威者が存在することなしに、どのようなものであれ法律を制定することによって、国制がいつか見事に構築されうると考えているのだとすれば、彼らは正しく考えていないからです。
τοῦτο δʼ αὖ, εἰ μέν εἰσιν ἤδη ἄνδρες ἄξιοι τῆς ἀρχῆς ταύτης, γένοιτʼ ἄν·
そしてこのことは、もしこの職務にふさわしい人々がすでに存在するならば、実現するでしょう。
εἰ δʼ ἐπὶ τὸ παιδεῦσαι δεῖ τινος, οὔτε ὁ παιδεύσων οὔτε οἱ παιδευθησόμενοι, ὡς ἐγὼ οἶμαι, εἰσὶν ὑμῖν, ἀλλὰ τὸ λοιπὸν τοῖς θεοῖς εὔχεσθε.
しかし、教育するために誰かが必要であるならば、私が思うに、教育する者も教育される者も、あなたがたのもとには存在しません。 ですから、あとは神々に祈るばかりです。
καὶ γὰρ σχεδόν τι καὶ αἱ ἔμπροσθεν πόλεις οὕτω κατεσκευάσθησαν, καὶ ἔπειτα εὖ ᾤκησαν, ὑπὸ συμβάσεων πραγμάτων μεγάλων καὶ κατὰ πόλεμον καὶ κατὰ τὰς ἄλλας πράξεις γενομένων, ὅταν ἐν τοιούτοις καιροῖς ἀνὴρ καλός τε καὶ ἀγαθὸς ἐγγένηται μεγάλην δύναμιν ἔχων·
というのも、かつての諸都市もおおむねこのようにして構築され、その後うまく統治されたからです。 すなわち、戦争やその他の活動において生じた重大な事態のめぐり合わせによって、そのような決定的な時期に、大きな権力を持った優れた人物が現れたときのことです。
τὸ δʼ ἔμπροσθεν αὐτὰ προθυμεῖσθαι μὲν χρὴ καὶ ἀνάγκη, διανοεῖσθαι μέντοι αὐτὰ οἷα λέγω, καὶ μὴ ἀνοηταίνειν οἰομένους τι ἑτοίμως διαπράξασθαι.
それまでは、それらを熱望することは当然であり必要なことですが、しかし、それらを私が言うようなものとして理解すべきであり、何かを容易に成し遂げられると考えて愚かな振る舞いをしてはなりません。
εὐτύχει.
幸運を祈ります。