§10.906ΑΘ. ἀλλʼ ἄρα τίσιν προσφερεῖς τῶν ἀρχόντων;
**アテナイ人**: 「しかし、それでは、彼らは支配者たちのうちの誰に似ているだろうか。
ἢ τίνες τούτοις, ὧν δυνατὸν ἡμῖν ἀπεικάζουσι τυγχάνειν μείζοσιν ἐλάττονας;
あるいは、私たちにとって、より大いなるものにより小さきものをなぞらえることが可能であるとして、なぞらえる人々にとって、これら（神々）に似ている者として当たるのはどのような者たちだろうか。
πότερον ἡνίοχοί τινες ἂν εἶεν τοιοῦτοι ζευγῶν ἁμιλλωμένων ἢ πλοίων κυβερνῆται;
競争する戦車の御者たちや、船の舵手たちのような者だろうか。
τάχα δὲ κἂν ἀπεικασθεῖεν στρατοπέδων ἄρχουσί τισιν·
あるいは、軍隊の指揮官になぞらえられるかもしれない。
εἴη δʼ ἂν καὶ νόσων πόλεμον εὐλαβουμένοις ἰατροῖς ἐοικέναι περὶ σώματα, ἢ γεωργοῖς περὶ φυτῶν γένεσιν εἰωθυίας ὥρας χαλεπὰς διὰ φόβων προσδεχομένοις, ἢ καὶ ποιμνίων ἐπιστάταις.
あるいは、身体に関して病気との戦争を警戒している医師たちや、植物の育成に関して、よくあるが困難な季節を恐れつつ待ち受けている農夫たち、あるいはまた群れの番人たちに似ているかもしれない。
ἐπειδὴ γὰρ συγκεχωρήκαμεν ἡμῖν αὐτοῖς εἶναι μὲν τὸν οὐρανὸν πολλῶν μεστὸν ἀγαθῶν, εἶναι δὲ καὶ τῶν ἐναντίων, πλειόνων δὲ τῶν μή, μάχη δή, φαμέν, ἀθάνατός ἐσθʼ ἡ τοιαύτη καὶ φυλακῆς θαυμαστῆς δεομένη, σύμμαχοι δὲ ἡμῖν θεοί τε ἅμα καὶ δαίμονες, ἡμεῖς δʼ αὖ κτῆμα θεῶν καὶ δαιμόνων·
というのも、私たちは自分たちの間で、天は多くの善きものに満ちており、またその反対のもの（悪しきもの）にも満ちているが、そうでないもの（善きもの）の方がより多いということを合意したからである。 したがって、そのような戦いは不滅であり、驚くべき守護を必要としている、と私たちは言う。 そして、神々とダイモーンたちが私たちの味方であり、私たちはまた神々とダイモーンたちの所有物なのだ。
φθείρει δὲ ἡμᾶς ἀδικία καὶ ὕβρις μετὰ ἀφροσύνης, σῴζει δὲ δικαιοσύνη καὶ σωφροσύνη μετὰ φρονήσεως, ἐν ταῖς τῶν θεῶν ἐμψύχοις οἰκοῦσαι δυνάμεσιν, βραχὺ δέ τι καὶ τῇδε ἄν τις τῶν τοιούτων ἐνοικοῦν ἡμῖν σαφὲς ἴδοι.
そして、不義と傲慢が愚行とともに私たちを滅ぼし、正義と節度が知恵とともに私たちを救う。 これら（美徳）は神々の魂ある力の中に住まっており、これらのようなものが私たちの中に住まっているのを、ここ（地上）でもわずかに明瞭に見て取ることができる。
ψυχαὶ δέ τινες ἐπὶ γῆς οἰκοῦσαι καὶ ἄδικον λῆμμα κεκτημέναι δῆλον ὅτι θηριώδεις, πρὸς τὰς τῶν φυλάκων ψυχὰς ἄρα κυνῶν ἢ τὰς τῶν νομέων ἢ πρὸς τὰς τῶν παντάπασιν ἀκροτάτων δεσποτῶν προσπίπτουσαι, πείθουσιν θωπείαις λόγων καὶ ἐν εὐκταίαις τισὶν ἐπῳδαῖς, ὡς αἱ φῆμαί φασιν αἱ τῶν κακῶν, ἐξεῖναι πλεονεκτοῦσιν σφίσιν ἐν ἀνθρώποις πάσχειν μηδὲν χαλεπόν·
しかし、地上に住み、不正な利得を得ているある種の魂たちは、明らかに野獣のようであり、したがって彼らは、守護者たる犬たちの魂や、牧人たちの魂、あるいは完全に最高位にある主君たちの魂にすがりつき、言葉のへつらいや、ある種の祈りの呪文によって彼らを説得しようとする。 悪人たちの間で噂されていることには、人間たちの間で不正を貪っている自分たちに対して、何も酷い目に遭わずに済むことが許されている、というのだ。
φαμὲν δʼ εἶναί που τὸ νῦν ὀνομαζόμενον ἁμάρτημα, τὴν πλεονεξίαν, ἐν μὲν σαρκίνοις σώμασι νόσημα καλούμενον, ἐν δὲ ὥραις ἐτῶν καὶ ἐνιαυτοῖς λοιμόν, ἐν δὲ πόλεσι καὶ πολιτείαις τοῦτο αὐτό, ῥήματι μετεσχηματισμένον, ἀδικίαν.
ところで私たちは、今『貪欲』と呼ばれている過ちは、肉体においては『病気』と呼ばれ、季節や年月においては『疫病』と呼ばれ、国家や国制においては、これと同じものが、言葉を変えて『不義』と呼ばれるものであると言う。
ΚΛ. παντάπασι μὲν οὖν.
」 **クレイニアス**: 「全くその通りです。
ΑΘ. τοῦτον δὴ τὸν λόγον ἀναγκαῖον λέγειν τὸν λέγοντα ὡς εἰσὶν συγγνώμονες ἀεὶ θεοὶ τοῖς τῶν ἀνθρώπων ἀδίκοις καὶ ἀδικοῦσιν, ἂν αὐτοῖς τῶν ἀδικημάτων τις ἀπονέμῃ·
」 **アテナイ人**: 「そうであるなら、神々は人間の不義なる者たちや不義を行う者たちに対して常に寛大であり、もし彼らが不義の成果の一部を神々に分け与えるなら許してくれる、と主張する者は、まさに次のような議論を主張せざるを得ない。
καθάπερ κυσὶν λύκοι τῶν ἁρπασμάτων σμικρὰ ἀπονέμοιεν, οἱ δὲ ἡμερούμενοι τοῖς δώροις συγχωροῖεν τὰ ποίμνια διαρπάζειν.
すなわち、狼たちが犬たちに対して略奪品の一部を分け与え、犬たちは贈り物によって手なずけられて、彼らが群れを略奪するのを許容するようなものだ、と。
ἆρʼ οὐχ οὗτος ὁ λόγος ὁ τῶν φασκόντων παραιτητοὺς εἶναι θεούς;
神々が宥められうると主張する人々の議論は、これではないだろうか。
ΚΛ. οὗτος μὲν οὖν.
」 **クレイニアス**: 「まさにそれです。
ΑΘ. τίσιν οὖν δὴ τῶν προρρηθέντων ἀπεικάζων ὁμοίους φύλακας εἶναι θεοὺς οὐκ ἂν καταγέλαστος γίγνοιτο ἀνθρώπων ὁστισοῦν;
」 **アテナイ人**: 「それでは、神々がこれらに似た守護者であると、先ほど挙げられたものたちの誰になぞらえるなら、どのような人であれ人間の笑いものにならないでいられるだろうか。
πότερον κυβερνήταις, λοιβῇ τε οἴνου κνίσῃ τε παρατρεπομένοις αὐτοῖς, ἀνατρέπουσι δὲ ναῦς τε καὶ ναύτας;
船や船乗りを覆しつつ、自らは酒の献酒や肉の焦げた匂いによって買収される、あの舵手たちになぞらえるだろうか。
ΚΛ. μηδαμῶς.
」 **クレイニアス**: 「決してそのようなことはありません。
ΑΘ. ἀλλʼ οὔτι μὴν ἡνιόχοισί γε ἐν ἁμίλλῃ συντεταγμένοις, πεισθεῖσιν ὑπὸ δωρεᾶς ἑτέροισι τὴν νίκην ζεύγεσι προδοῦναι.
」 **アテナイ人**: 「あるいは、競争のために整列しているのに、贈り物によって説得され、他の車列に勝利を売り渡してしまう御者たちになぞらえるだろうか。
ΚΛ. δεινὴν γὰρ εἰκόνα λέγοις ἂν λέγων τὸν λόγον τοῦτον.
」 **クレイニアス**: 「もしそのような議論を口にするなら、あなたは恐ろしい比喩を語ることになります。
ΑΘ. οὐ μὴν οὐδὲ στρατηγοῖς γε οὐδʼ ἰατροῖς οὐδὲ γεωργοῖς, οὐδὲ νομεῦσιν μὴν οὐδέ τισι κυσὶν κεκηλημένοις ὑπὸ λύκων.
」 **アテナイ人**: 「ましてや、将軍たちにも、医師たちにも、農夫たちにも、あるいは牧人たちにも、さらには狼たちに魅了された犬たちになぞらえることも決してできない。 」