§69ΤΙ. διὸ δὴ χρὴ δύʼ αἰτίας εἴδη διορίζεσθαι, τὸ μὲν ἀναγκαῖον, τὸ δὲ θεῖον, καὶ τὸ μὲν θεῖον ἐν ἅπασιν ζητεῖν κτήσεως ἕνεκα εὐδαίμονος βίου, καθʼ ὅσον ἡμῶν ἡ φύσις ἐνδέχεται, τὸ δὲ ἀναγκαῖον ἐκείνων χάριν, λογιζόμενον ὡς ἄνευ τούτων οὐ δυνατὰ αὐτὰ ἐκεῖνα ἐφʼ οἷς σπουδάζομεν μόνα κατανοεῖν οὐδʼ αὖ λαβεῖν οὐδʼ ἄλλως πως μετασχεῖν.
ΤΙ. それゆえまさに、二つの原因の種を区別しなければならない。 一方は必然的なものであり、他方は神的なものである。 そして神的なものは、我々の自然本性が受け入れられる限りにおいて、幸福な生を獲得するためにすべてのものの中に探求しなければならない。 他方、必然的なものはそれら神的なもののために探求せねばならず、これら必然的なものなしには、我々が熱心に追求している当の神的なものそれ自体を、単独で理解することも、獲得することも、あるいは他のいかなる方法でも分かつこともできないと考えてのことである。
ὅτʼ οὖν δὴ τὰ νῦν οἷα τέκτοσιν ἡμῖν ὕλη παράκειται τὰ τῶν αἰτίων γένη διυλισμένα, ἐξ ὧν τὸν ἐπίλοιπον λόγον δεῖ συνυφανθῆναι, πάλιν ἐπʼ ἀρχὴν ἐπανέλθωμεν διὰ βραχέων, ταχύ τε εἰς ταὐτὸν πορευθῶμεν ὅθεν δεῦρο ἀφικόμεθα, καὶ τελευτὴν ἤδη κεφαλήν τε τῷ μύθῳ πειρώμεθα ἁρμόττουσαν ἐπιθεῖναι τοῖς πρόσθεν.
したがって今や、大工にとっての木材のように、原因の諸々の類が我々の手元に濾過されて置かれており、それらから残りの議論が織り合わされねばならないのであるから、簡潔に再び始まりへと戻り、我々がここまでやってきた当の場所に速やかに進み、これまでの話にふさわしい結びと頭を、このお話に今や付け加えようと試みよう。
ὥσπερ γὰρ οὖν καὶ κατʼ ἀρχὰς ἐλέχθη, ταῦτα ἀτάκτως ἔχοντα ὁ θεὸς ἐν ἑκάστῳ τε αὐτῷ πρὸς αὑτὸ καὶ πρὸς ἄλληλα συμμετρίας ἐνεποίησεν, ὅσας τε καὶ ὅπῃ δυνατὸν ἦν ἀνάλογα καὶ σύμμετρα εἶναι.
というのも、最初にも言われたように、これらが無秩序な状態にあったのを、神は、それ自体の内部においても、また互いの間においても、それぞれに比率と均整を生じさせたのである。 それらが比例的で均整の取れたものとなることが可能であった限りにおいて、またそのようにして。
τότε γὰρ οὔτε τούτων, ὅσον μὴ τύχῃ, τι μετεῖχεν, οὔτε τὸ παράπαν ὀνομάσαι τῶν νῦν ὀνομαζομένων ἀξιόλογον ἦν οὐδέν, οἷον πῦρ καὶ ὕδωρ καὶ εἴ τι τῶν ἄλλων·
なぜなら、そのときにはこれらの比率に、偶然による場合を除いては、何一つあずかっていなかったし、また、現在名付けられているもののうち、たとえば火や水、あるいはその他のもののうち、およそ名乗るに値するものは全く何もなかったからである。
ἀλλὰ πάντα ταῦτα πρῶτον διεκόσμησεν, ἔπειτʼ ἐκ τούτων πᾶν τόδε συνεστήσατο, ζῷον ἓν ζῷα ἔχον τὰ πάντα ἐν ἑαυτῷ θνητὰ ἀθάνατά τε.
しかし、これらすべてを最初に秩序づけ、その後、これらからこの宇宙全体を構成した。 すなわち、自らの内にすべて死すべきものと不死なるものの諸々の生き物を包含する、単一の生き物として。
καὶ τῶν μὲν θείων αὐτὸς γίγνεται δημιουργός, τῶν δὲ θνητῶν τὴν γένεσιν τοῖς ἑαυτοῦ γεννήμασιν δημιουργεῖν προσέταξεν.
そして神的なものについては自らが制作者となり、死すべきものたちの生成については、自らの子供たちに制作することを命じた。
οἱ δὲ μιμούμενοι, παραλαβόντες ἀρχὴν ψυχῆς ἀθάνατον, τὸ μετὰ τοῦτο θνητὸν σῶμα αὐτῇ περιετόρνευσαν ὄχημά τε πᾶν τὸ σῶμα ἔδοσαν ἄλλο τε εἶδος ἐν αὐτῷ ψυχῆς προσῳκοδόμουν τὸ θνητόν, δεινὰ καὶ ἀναγκαῖα ἐν ἑαυτῷ παθήματα ἔχον, πρῶτον μὲν ἡδονήν, μέγιστον κακοῦ δέλεαρ, ἔπειτα λύπας, ἀγαθῶν φυγάς, ἔτι δʼ αὖ θάρρος καὶ φόβον, ἄφρονε συμβούλω, θυμὸν δὲ δυσπαραμύθητον, ἐλπίδα δʼ εὐπαράγωγον·
そして彼らは父を模倣し、不死なる魂の始まりを受け取り、その後に、死すべき肉体をその周りに丸く形づくり、そして肉体全体をその乗り物として与え、さらにその中に、魂の別の種、すなわち死すべき部分を構築した。 それは自らのうちに恐ろしくも避けがたい受苦を抱えている。 第一には快楽であり、これは悪の最大の囮である。 次には苦痛であり、これは善を退けるものである。 さらに大胆さと恐れであり、これらは無思慮な二人の相談役である。 そして宥めがたい怒りであり、容易に惑わされる希望である。
αἰσθήσει δὲ ἀλόγῳ καὶ ἐπιχειρητῇ παντὸς ἔρωτι συγκερασάμενοι ταῦτα, ἀναγκαίως τὸ θνητὸν γένος συνέθεσαν.
これらを理性のない感覚、およびあらゆることを企てる愛と混ぜ合わせることで、彼らは必然的に死すべき種族を構成したのである。
καὶ διὰ ταῦτα δὴ σεβόμενοι μιαίνειν τὸ θεῖον, ὅτι μὴ πᾶσα ἦν ἀνάγκη, χωρὶς ἐκείνου κατοικίζουσιν εἰς ἄλλην τοῦ σώματος οἴκησιν τὸ θνητόν, ἰσθμὸν καὶ ὅρον διοικοδομήσαντες τῆς τε κεφαλῆς καὶ τοῦ στήθους, αὐχένα μεταξὺ τιθέντες, ἵνʼ εἴη χωρίς.
そしてまさにこれらの理由から、神的なものを汚すことを恐れ、絶対的な必然性がない限りにおいて、彼らはその死すべき部分を、神的なものから切り離して、肉体の別の住処へと住まわせた。 頭と胸の間の地峡であり境界であるものを構築し、首をその間に置いて、切り離されるようにしたのである。
ἐν δὴ τοῖς στήθεσιν καὶ τῷ καλουμένῳ θώρακι τὸ τῆς ψυχῆς θνητὸν γένος ἐνέδουν.
そして、胸と、いわゆる胸郭の中に、死すべき魂の類を縛り付けた。
§70ΤΙ. καὶ ἐπειδὴ τὸ μὲν ἄμεινον αὐτῆς, τὸ δὲ χεῖρον ἐπεφύκει, διοικοδομοῦσι τοῦ θώρακος αὖ τὸ κύτος, διορίζοντες οἷον γυναικῶν, τὴν δὲ ἀνδρῶν χωρὶς οἴκησιν, τὰς φρένας διάφραγμα εἰς τὸ μέσον αὐτῶν τιθέντες.
ΤΙ. そして、その一方の部分がより優れ、他方がより劣るように生まれついていたので、彼らはさらに胸郭の空洞を仕切り、あたかも女性の住処と男性の住処を分けるかのように切り離し、横隔膜をそれらの中間に隔壁として置いた。
τὸ μετέχον οὖν τῆς ψυχῆς ἀνδρείας καὶ θυμοῦ, φιλόνικον ὄν, κατῴκισαν ἐγγυτέρω τῆς κεφαλῆς μεταξὺ τῶν φρενῶν τε καὶ αὐχένος, ἵνα τοῦ λόγου κατήκοον ὂν κοινῇ μετʼ ἐκείνου βίᾳ τὸ τῶν ἐπιθυμιῶν κατέχοι γένος, ὁπότʼ ἐκ τῆς ἀκροπόλεως τῷ τʼ ἐπιτάγματι καὶ λόγῳ μηδαμῇ πείθεσθαι ἑκὸν ἐθέλοι·
そこで、魂のうち勇気と怒りにあずかり、勝利を好む部分を、頭により近い場所、すなわち横隔膜と首の間に住まわせた。 それは、理性に耳を傾けるものであり、理性と共同して、欲望の類を力ずくで抑え込むためである。 欲望の類が、アクロポリスからの命令や理性に対して、自発的には決して従おうとしないときに。
τὴν δὲ δὴ καρδίαν ἅμμα τῶν φλεβῶν καὶ πηγὴν τοῦ περιφερομένου κατὰ πάντα τὰ μέλη σφοδρῶς αἵματος εἰς τὴν δορυφορικὴν οἴκησιν κατέστησαν, ἵνα, ὅτε ζέσειεν τὸ τοῦ θυμοῦ μένος, τοῦ λόγου παραγγείλαντος ὥς τις ἄδικος περὶ αὐτὰ γίγνεται πρᾶξις ἔξωθεν ἢ καί τις ἀπὸ τῶν ἔνδοθεν ἐπιθυμιῶν, ὀξέως διὰ πάντων τῶν στενωπῶν πᾶν ὅσον αἰσθητικὸν ἐν τῷ σώματι, τῶν τε παρακελεύσεων καὶ ἀπειλῶν αἰσθανόμενον, γίγνοιτο ἐπήκοον καὶ ἕποιτο πάντῃ, καὶ τὸ βέλτιστον οὕτως ἐν αὐτοῖς πᾶσιν ἡγεμονεῖν ἐῷ.
そして心臓を、血管の結節点であり、すべての手足を激しく循環する血液の源泉として、護衛兵の詰所に配置した。 それは、怒りの激しさが沸き立ったときに、理性から「外部から、あるいは内部の欲望から、不正な行いが彼らの周りで起きている」という報せが伝えられると、ただちにすべての狭い通路を通じて、肉体の中の感覚を持つすべての部分が、その命令や警告を察知して耳を傾け、全面的に従うようになり、そして、最も優れたものがこのように彼らすべてを支配するのを許すためである。
τῇ δὲ δὴ πηδήσει τῆς καρδίας ἐν τῇ τῶν δεινῶν προσδοκίᾳ καὶ τῇ τοῦ θυμοῦ ἐγέρσει, προγιγνώσκοντες ὅτι διὰ πυρὸς ἡ τοιαύτη πᾶσα ἔμελλεν οἴδησις γίγνεσθαι τῶν θυμουμένων, ἐπικουρίαν αὐτῇ μηχανώμενοι τὴν τοῦ πλεύμονος ἰδέαν ἐνεφύτευσαν, πρῶτον μὲν μαλακὴν καὶ ἄναιμον, εἶτα σήραγγας ἐντὸς ἔχουσαν οἷον σπόγγου κατατετρημένας, ἵνα τό τε πνεῦμα καὶ τὸ πῶμα δεχομένη, ψύχουσα, ἀναπνοὴν καὶ ῥᾳστώνην ἐν τῷ καύματι παρέχοι·
また、恐るべきことの予期や怒りの覚醒における、心臓の鼓動に対して、怒るものたちのそのような高ぶりがすべて火によって生じることになるということをあらかじめ予知して、心臓への助けを考案し、肺の性質を植え付けた。 第一に、それは柔らかく血がないものであり、第二に、その内部に海綿のように穴のあいた空洞を持っている。 それは息や飲み物を受け入れて、冷却し、熱気の中に息継ぎと緩和を与えるためである。
διὸ δὴ τῆς ἀρτηρίας ὀχετοὺς ἐπὶ τὸν πλεύμονα ἔτεμον, καὶ περὶ τὴν καρδίαν αὐτὸν περιέστησαν οἷον μάλαγμα, ἵνʼ ὁ θυμὸς ἡνίκα ἐν αὐτῇ ἀκμάζοι, πηδῶσα εἰς ὑπεῖκον καὶ ἀναψυχομένη, πονοῦσα ἧττον, μᾶλλον τῷ λόγῳ μετὰ θυμοῦ δύναιτο ὑπηρετεῖν.
それゆえまさに、気管の管を肺へと切り通し、そして肺を心臓の周囲に、クッションのように配置した。 それは、怒りが心臓の中で最高潮に達したときに、心臓が柔軟に受け止めてくれるものへと向かって跳ね、冷却されることで、苦痛が和らぎ、怒りとともに理性に仕えることがよりよくできるようにするためである。
τὸ δὲ δὴ σίτων τε καὶ ποτῶν ἐπιθυμητικὸν τῆς ψυχῆς καὶ ὅσων ἔνδειαν διὰ τὴν τοῦ σώματος ἴσχει φύσιν, τοῦτο εἰς τὸ μεταξὺ τῶν τε φρενῶν καὶ τοῦ πρὸς τὸν ὀμφαλὸν ὅρου κατῴκισαν, οἷον φάτνην ἐν ἅπαντι τούτῳ τῷ τόπῳ τῇ τοῦ σώματος τροφῇ τεκτηνάμενοι·
他方、食べ物や飲み物を渇望する魂の部分、および肉体の性質のために不足するあらゆるものを欲する魂の部分を、横隔膜とおへそのあたりの境界との間の領域に住まわせた。 この場所全体を、身体の食物のためのあたかも飼い葉桶のように作り上げて。
καὶ κατέδησαν δὴ τὸ τοιοῦτον ἐνταῦθα ὡς θρέμμα ἄγριον, τρέφειν δὲ συνημμένον ἀναγκαῖον, εἴπερ τι μέλλοι ποτὲ θνητὸν ἔσεσθαι γένος.
そして彼らはこの部分を、野蛮な獣のようにここに縛り付けた。 しかし、それを結びつけて養うことは必然であった。 もし死すべき種族がかつて存在するつもりであるならば。