§3.412ἐπὶ δὴ δύʼ ὄντε τούτω, ὡς ἔοικε, δύο τέχνα θεὸν ἔγωγʼ ἄν τινα φαίην δεδωκέναι τοῖς ἀνθρώποις, μουσικήν τε καὶ γυμναστικὴν ἐπὶ τὸ θυμοειδὲς καὶ τὸ φιλόσοφον, οὐκ ἐπὶ ψυχὴν καὶ σῶμα, εἰ μὴ εἰ πάρεργον, ἀλλʼ ἐπʼ ἐκείνω, ὅπως ἂν ἀλλήλοιν συναρμοσθῆτον ἐπιτεινομένω καὶ ἀνιεμένω μέχρι τοῦ προσήκοντος.
「そうすると、これら二つのものが存在する以上、私の思うに、ある神が人間に二つの技術、すなわち文芸と体育を与えたのだと言えるだろう。 それは気概の部分と知を愛する部分のためであり、魂と身体のためではない、副次的な目的でもない限りはね。 むしろあの二つの部分のためであり、それらが適切に引き締められたり緩められたりして、ふさわしい度合いに至るまで互いに調和するようにするためのものだ。
καὶ γὰρ ἔοικεν, ἔφη.
」「そのように思われます」と彼は言った。
τὸν κάλλιστʼ ἄρα μουσικῇ γυμναστικὴν κεραννύντα καὶ μετριώτατα τῇ ψυχῇ προσφέροντα, τοῦτον ὀρθότατʼ ἂν φαῖμεν εἶναι τελέως μουσικώτατον καὶ εὐαρμοστότατον, πολὺ μᾶλλον ἢ τὸν τὰς χορδὰς ἀλλήλαις συνιστάντα.
「それなら、文芸に体育を最も見事に調和させ、それらを最も適度な割合で魂に提供する人こそ、弦を互いに調和させる人よりもはるかに、完全に最も教養があり最も調和のとれた人であると、我々は最も正しく主張できるだろう。
εἰκότως γʼ, ἔφη, ὦ Σώκρατες.
」「おっしゃる通りです、ソクラテス」と彼は言った。
οὐκοῦν καὶ ἐν τῇ πόλει ἡμῖν, ὦ Γλαύκων, δεήσει τοῦ τοιούτου τινὸς ἀεὶ ἐπιστάτου, εἰ μέλλει ἡ πολιτεία σῴζεσθαι;
「それなら、グラウコンよ、我々の国家においても、もし国制が守られるべきであるなら、そのような指導者が常に必要となるのではないか？
δεήσει μέντοι ὡς οἷόν τέ γε μάλιστα.
」「極めて強く必要とされるでしょう、確かに。
οἱ μὲν δὴ τύποι τῆς παιδείας τε καὶ τροφῆς οὗτοι ἂν εἶεν.
」「さて、教育と養育の基本的な方針はこれらのようになるだろう。
χορείας γὰρ τί ἄν τις διεξίοι τῶν τοιούτων καὶ θήρας τε καὶ κυνηγέσια καὶ γυμνικοὺς ἀγῶνας καὶ ἱππικούς;
というのも、そのような者たちの舞踏や、狩猟、獲物追い、競技会の体育や競馬について、なぜ今さら詳しく論じる必要があろうか？
σχεδὸν γάρ τι δῆλα δὴ ὅτι τούτοις ἑπόμενα δεῖ αὐτὰ εἶναι, καὶ οὐκέτι χαλεπὰ εὑρεῖν.
なぜなら、これらが先の教育方針に従うべきであることはほぼ明らかであり、もはや発見することは難しくないからだ。
ἴσως, ἦ δʼ ὅς, οὐ χαλεπά.
」「おそらく」と彼は言った。 「難しくはないでしょう。
εἶεν, ἦν δʼ ἐγώ·
」「よし」と私は言った。
τὸ δὴ μετὰ τοῦτο τί ἂν ἡμῖν διαιρετέον εἴη;
「この次に我々が区分すべきことは何だろうか？
ἆρʼ οὐκ αὐτῶν τούτων οἵτινες ἄρξουσί τε καὶ ἄρξονται;
まさにこれら守護者のうち、誰が支配し、誰が支配されるべきか、ということではないか？
τί μήν;
」「当然そうです。
οὐκοῦν ὅτι μὲν πρεσβυτέρους τοὺς ἄρχοντας δεῖ εἶναι, νεωτέρους δὲ τοὺς ἀρχομένους, δῆλον;
」「それなら、支配する者は年長者でなければならず、支配される者は年少者でなければならないということは明らかだね？
δῆλον.
」「明らかです。
καὶ ὅτι γε τοὺς ἀρίστους αὐτῶν;
」「そして、彼らのうちで最も優れた者たちでなければならないことも？
καὶ τοῦτο.
」「それもです。
οἱ δὲ γεωργῶν ἄριστοι ἆρʼ οὐ γεωργικώτατοι γίγνονται;
」「では、農夫のうち最も優れた者たちは、最も優れた農耕の技術を持つ者ではないか？
ναί.
」「そうです。
νῦν δʼ, ἐπειδὴ φυλάκων αὐτοὺς ἀρίστους δεῖ εἶναι, ἆρʼ οὐ φυλακικωτάτους πόλεως;
」「そして今、彼らは守護者のうち最も優れた者たちでなければならないのだから、国家を守ることに最も長けた者たちではないか？
ναί.
」「そうです。
οὐκοῦν φρονίμους τε εἰς τοῦτο δεῖ ὑπάρχειν καὶ δυνατοὺς καὶ ἔτι κηδεμόνας τῆς πόλεως;
」「それなら、彼らはこの任務において賢明であり、有能であり、さらに国家を深く気遣う者たちでなければならないのではないか？
ἔστι ταῦτα.
」「その通りです。
κήδοιτο δέ γʼ ἄν τις μάλιστα τούτου ὃ τυγχάνοι φιλῶν.
」「そして、人が最も気遣うのは、自分が愛しているものであるのが普通だ。
ἀνάγκη.
」「必然的にそうです。
καὶ μὴν τοῦτό γʼ ἂν μάλιστα φιλοῖ, ᾧ συμφέρειν ἡγοῖτο τὰ αὐτὰ καὶ ἑαυτῷ καὶ ἐκείνου μὲν εὖ πράττοντος οἴοιτο συμβαίνειν καὶ ἑαυτῷ εὖ πράττειν, μὴ δέ, τοὐναντίον.
」「そしてまた、自分と同じものが利益になり、それがうまくいっているときには自分もうまくいき、そうでないときにはその逆になると考えるような対象をこそ、人は最も愛するだろう。
οὕτως, ἔφη.
」「その通りです」と彼は言った。
ἐκλεκτέον ἄρʼ ἐκ τῶν ἄλλων φυλάκων τοιούτους ἄνδρας, οἳ ἂν σκοποῦσιν ἡμῖν μάλιστα φαίνωνται παρὰ πάντα τὸν βίον, ὃ μὲν ἂν τῇ πόλει ἡγήσωνται συμφέρειν, πάσῃ προθυμίᾳ ποιεῖν, ὃ δʼ ἂν μή, μηδενὶ τρόπῳ πρᾶξαι ἂν ἐθέλειν.
「それゆえ、他の守護者たちの中から、我々が観察する中で、生涯を通じて国家の利益になると判断したことをあらゆる熱意をもって行い、そうでないことはいかなる方法でも決して行うことを望まないように最も見えるような、そのような男たちを選び抜かなければならない。
ἐπιτήδειοι γάρ, ἔφη.
」「彼らこそ適任です」と彼は言った。
δοκεῖ δή μοι τηρητέον αὐτοὺς εἶναι ἐν ἁπάσαις ταῖς ἡλικίαις, εἰ φυλακικοί εἰσι τούτου τοῦ δόγματος καὶ μήτε γοητευόμενοι μήτε βιαζόμενοι ἐκβάλλουσιν ἐπιλανθανόμενοι δόξαν τὴν τοῦ ποιεῖν δεῖν ἃ τῇ πόλει βέλτιστα.
「そうすると、彼らがあらゆる年齢においてこの信念の守護者であり、惑わされたり強制されたりして、国家にとって最善のことを行うべきであるという意見を忘れて投げ捨ててしまうことがないかどうか、彼らを監視しなければならないと私には思われる。
τίνα, ἔφη, λέγεις τὴν ἐκβολήν;
」「どのような投げ捨てのことをおっしゃっているのですか？ 」と彼は言った。
§3.413ἐγώ σοι, ἔφην, ἐρῶ.
「私が説明しよう」と私は言った。
φαίνεταί μοι δόξα ἐξιέναι ἐκ διανοίας ἢ ἑκουσίως ἢ ἀκουσίως, ἑκουσίως μὲν ἡ ψευδὴς τοῦ μεταμανθάνοντος, ἀκουσίως δὲ πᾶσα ἡ ἀληθής.
「私の見るところ、意見が心の中から出て行くのは、自発的であるか、あるいは非自発的であるかのどちらかだ。 自発的であるのは、考えを改める者が持つ偽りの意見であり、非自発的であるのは、あらゆる真実の意見だ。
τὸ μὲν τῆς ἑκουσίου, ἔφη, μανθάνω, τὸ δὲ τῆς ἀκουσίου δέομαι μαθεῖν.
」「自発的な方については」と彼は言った。 「分かります。 しかし、非自発的な方については、説明していただく必要があります。
τί δέ;
」「何だって？
οὐ καὶ σὺ ἡγῇ, ἔφην ἐγώ, τῶν μὲν ἀγαθῶν ἀκουσίως στέρεσθαι τοὺς ἀνθρώπους, τῶν δὲ κακῶν ἑκουσίως;
君も、人間が良いものを失うのは非自発的であり、悪いものを失うのは自発的であるとは思わないかね？
ἢ οὐ τὸ μὲν ἐψεῦσθαι τῆς ἀληθείας κακόν, τὸ δὲ ἀληθεύειν ἀγαθόν;
あるいは、真実から外れることは悪であり、真実を語ることは善であるとは思わないかね？
ἢ οὐ τὸ τὰ ὄντα δοξάζειν ἀληθεύειν δοκεῖ σοι εἶναι;
あるいは、あるがままのものを思うことが、真実を語ることだとは思わないかね？
ἀλλʼ, ἦ δʼ ὅς, ὀρθῶς λέγεις, καί μοι δοκοῦσιν ἄκοντες ἀληθοῦς δόξης στερίσκεσθαι.
」「いや」と彼は言った。 「あなたのおっしゃる通りです。 そして人々は、真実の意見を本意ではなく奪われるのだと私にも思われます。
οὐκοῦν κλαπέντες ἢ γοητευθέντες ἢ βιασθέντες τοῦτο πάσχουσιν;
」「それなら、彼らがそうなるのは、盗み取られるか、惑わされるか、あるいは強制されるかのいずれかによってではないか？
οὐδὲ νῦν, ἔφη, μανθάνω.
」「今度もやはり」と彼は言った。 「分かりません。
τραγικῶς, ἦν δʼ ἐγώ, κινδυνεύω λέγειν.
」「どうやら私は」と私は言った。 「悲劇役者のような大げさな言い方をしているようだね。
κλαπέντας μὲν γὰρ τοὺς μεταπεισθέντας λέγω καὶ τοὺς ἐπιλανθανομένους, ὅτι τῶν μὲν χρόνος, τῶν δὲ λόγος ἐξαιρούμενος λανθάνει·
私が『盗み取られる』と言うのは、説得し直された者たちや、忘れてしまった者たちのことだ。 前者からは時間が、後者からは議論が、知らぬ間に奪い去ってしまうのだから。
νῦν γάρ που μανθάνεις;
これで分かったかね？
ναί.
」「はい。
τοὺς τοίνυν βιασθέντας λέγω οὓς ἂν ὀδύνη τις ἢ ἀλγηδὼν μεταδοξάσαι ποιήσῃ.
」「次に、『強制される』と言うのは、何らかの苦痛や悲しみが原因で、意見を変えさせられた者たちのことだ。
καὶ τοῦτʼ, ἔφη, ἔμαθον, καὶ ὀρθῶς λέγεις.
」「これも」と彼は言った。 「理解しました。 おっしゃる通りです。
τοὺς μὴν γοητευθέντας, ὡς ἐγᾦμαι, κἂν σὺ φαίης εἶναι οἳ ἂν μεταδοξάσωσιν ἢ ὑφʼ ἡδονῆς κηληθέντες ἢ ὑπὸ φόβου τι δείσαντες.
」「そして『惑わされる』と言うのは、君にしても、快楽に魅了されたり、あるいは恐怖に怯えたりして、意見を変えてしまった者たちのことだと言うだろう。
ἔοικε γάρ, ἦ δʼ ὅς, γοητεύειν πάντα ὅσα ἀπατᾷ.
」「確かに」と彼は言った。 「欺くものはすべて、人を惑わすように思われます。
ὃ τοίνυν ἄρτι ἔλεγον, ζητητέον τίνες ἄριστοι φύλακες τοῦ παρʼ αὑτοῖς δόγματος, τοῦτο ὡς ποιητέον ὃ ἂν τῇ πόλει ἀεὶ δοκῶσι βέλτιστον εἶναι.
」「それでは、私が先ほど言ったように、自分たちの中にある信念、すなわち国家にとって常に最善と思われることを行わなければならないという信念を、最もよく守る者が誰であるかを探さなければならない。
τηρητέον δὴ εὐθὺς ἐκ παίδων προθεμένοις ἔργα ἐν οἷς ἄν τις τὸ τοιοῦτον μάλιστα ἐπιλανθάνοιτο καὶ ἐξαπατῷτο, καὶ τὸν μὲν μνήμονα καὶ δυσεξαπάτητον ἐγκριτέον, τὸν δὲ μὴ ἀποκριτέον.
したがって、子供の時からすぐに、そのような信念を最も忘れやすく、また騙されやすいような状況に彼らを置いて監視しなければならず、そして、よく記憶し騙されにくい者を合格させ、そうでない者を不合格としなければならない。
ἦ γάρ;
そうではないか？
ναί.
」「そうです。
καὶ πόνους γε αὖ καὶ ἀλγηδόνας καὶ ἀγῶνας αὐτοῖς θετέον, ἐν οἷς ταὐτὰ ταῦτα τηρητέον.
」「また、彼らに対して、同じ監視を行うための労苦や苦痛、競技の場を設けなければならない。
ὀρθῶς, ἔφη.
」「その通りです」と彼は言った。
οὐκοῦν, ἦν δʼ ἐγώ, καὶ τρίτου εἴδους τούτοις γοητείας ἅμιλλαν ποιητέον, καὶ θεατέον—ὥσπερ τοὺς πώλους ἐπὶ τοὺς ψόφους τε καὶ θορύβους ἄγοντες σκοποῦσιν εἰ φοβεροί, οὕτω νέους ὄντας εἰς δείματʼ ἄττα κομιστέον καὶ εἰς ἡδονὰς αὖ μεταβλητέον, βασανίζοντας πολὺ μᾶλλον ἢ χρυσὸν ἐν πυρί—εἰ δυσγοήτευτος καὶ εὐσχήμων ἐν πᾶσι φαίνεται, φύλαξ αὑτοῦ ὢν ἀγαθὸς καὶ μουσικῆς ἧς ἐμάνθανεν, εὔρυθμόν τε καὶ εὐάρμοστον ἑαυτὸν ἐν πᾶσι τούτοις παρέχων, οἷος δὴ ἂν ὢν καὶ ἑαυτῷ καὶ πόλει χρησιμώτατος εἴη.
「それなら」と私は言った。 「これらに対して第三の形態として惑わしの競い合いを設け、観察しなければならない。 ちょうど若い馬を物音や騒がしい場所へと連れて行って、怯えるかどうかを確かめるように、彼らも若い段階でいくつかの恐ろしい状況へと連れて行き、今度は一転して快楽へと投げ込み、火の中の金を試すよりもはるかに厳しく彼らを試すのだ。 もし彼が容易に惑わされず、あらゆる状況で気品を保ち、自分自身の良き守護者であり、自分が学んだ文芸を守り、これらすべてにおいて自分自身を調和のとれた、秩序ある者として保っていることが明らかになれば、そのような者こそ自分自身にとっても国家にとっても最も有用な者となるだろう。 」