§230ΞΕ. τὸ μὲν ἀρχαιοπρεπές τι πάτριον, ᾧ πρὸς τοὺς ὑεῖς μάλιστʼ ἐχρῶντό τε καὶ ἔτι πολλοὶ χρῶνται τὰ νῦν, ὅταν αὐτοῖς ἐξαμαρτάνωσί τι, τὰ μὲν χαλεπαίνοντες, τὰ δὲ μαλθακωτέρως παραμυθούμενοι·
異邦人：一方は、古風で伝統的なやり方であり、父親たちが息子たちに対して、息子たちが何か過ちを犯したときに最もよく用い、また現在でも多くの者が用いているものだ。 あるときは怒り、あるときはより優しく諭しながら。
τὸ δʼ οὖν σύμπαν αὐτὸ ὀρθότατα εἴποι τις ἂν νουθετητικήν.
だが、ともかくその全体を最も正しく呼ぶならば「訓戒術」と言えるだろう。
ΘΕΑΙ. ἔστιν οὕτως.
テアイテトス：その通りです。
ΞΕ. τὸ δέ γε, εἴξασί τινες αὖ λόγον ἑαυτοῖς δόντες ἡγήσασθαι πᾶσαν ἀκούσιον ἀμαθίαν εἶναι, καὶ μαθεῖν οὐδέν ποτʼ ἂν ἐθέλειν τὸν οἰόμενον εἶναι σοφὸν τούτων ὧν οἴοιτο πέρι δεινὸς εἶναι, μετὰ δὲ πολλοῦ πόνου τὸ νουθετητικὸν εἶδος τῆς παιδείας σμικρὸν ἀνύτειν.
異邦人：しかし他方は、ある人々が自分自身に説明を与えた結果、すべての無知は意に反して生じるものであり、自分が何かについて優れていると思い込んでいる者は、自分が知恵のある者だと思っているそれらの事柄について、決して何一つ学ぼうとはしないだろうと考え、その結果、教育の訓戒的な種は、多大な労力を伴う割にはわずかな効果しか上げないと判断したように見受けられる。
ΘΕΑΙ. ὀρθῶς γε νομίζοντες.
テアイテトス：確かに、彼らの考えは正しいです。
ΞΕ. τῷ τοι ταύτης τῆς δόξης ἐπὶ ἐκβολὴν ἄλλῳ τρόπῳ στέλλονται.
異邦人：それゆえに彼らは、この思い込みを追い出すために、別の方法へと赴くのだ。
ΘΕΑΙ. τίνι δή;
テアイテトス：一体、どのような方法ですか。
ΞΕ. διερωτῶσιν ὧν ἂν οἴηταί τίς τι πέρι λέγειν λέγων μηδέν·
異邦人：ある人が何かについて語っているつもりで、実は何も語っていないとき、その事柄について彼らは徹底的に問い質す。
εἶθʼ ἅτε πλανωμένων τὰς δόξας ῥᾳδίως ἐξετάζουσι, καὶ συνάγοντες δὴ τοῖς λόγοις εἰς ταὐτὸν τιθέασι παρʼ ἀλλήλας, τιθέντες δὲ ἐπιδεικνύουσιν αὐτὰς αὑταῖς ἅμα περὶ τῶν αὐτῶν πρὸς τὰ αὐτὰ κατὰ ταὐτὰ ἐναντίας.
そして、彼らの思い込みが迷走しているものとして容易に吟味し、それらを議論によって同じところに引き集め、互いに並べて置く。 そして並べて置くことで、それらの思い込みが、同じ事柄について、同じものに対して、同じ観点から、同時に互いに矛盾していることを、その当人たちに示して見せるのだ。
οἱ δʼ ὁρῶντες ἑαυτοῖς μὲν χαλεπαίνουσι, πρὸς δὲ τοὺς ἄλλους ἡμεροῦνται, καὶ τούτῳ δὴ τῷ τρόπῳ τῶν περὶ αὑτοὺς μεγάλων καὶ σκληρῶν δοξῶν ἀπαλλάττονται πασῶν ἀπαλλαγῶν ἀκούειν τε ἡδίστην καὶ τῷ πάσχοντι βεβαιότατα γιγνομένην.
これを見る者たちは、自分自身に対して腹を立てる一方で、他人に対しては温和になり、そして、まさにこの方法によって、自分自身に関する大きくて頑迷な思い込みからすべて解放される。 この解放は、すべての解放の中で、聞く者にとって最も快く、これを受ける者にとって最も確実なものとなる。
νομίζοντες γάρ, ὦ παῖ φίλε, οἱ καθαίροντες αὐτούς, ὥσπερ οἱ περὶ τὰ σώματα ἰατροὶ νενομίκασι μὴ πρότερον ἂν τῆς προσφερομένης τροφῆς ἀπολαύειν δύνασθαι σῶμα, πρὶν ἂν τὰ ἐμποδίζοντα ἐντός τις ἐκβάλῃ, ταὐτὸν καὶ περὶ ψυχῆς διενοήθησαν ἐκεῖνοι, μὴ πρότερον αὐτὴν ἕξειν τῶν προσφερομένων μαθημάτων ὄνησιν, πρὶν ἂν ἐλέγχων τις τὸν ἐλεγχόμενον εἰς αἰσχύνην καταστήσας, τὰς τοῖς μαθήμασιν ἐμποδίους δόξας ἐξελών, καθαρὸν ἀποφήνῃ καὶ ταῦτα ἡγούμενον ἅπερ οἶδεν εἰδέναι μόνα, πλείω δὲ μή.
愛する子よ、彼らを浄化する人々は、体に関する医師たちが、体の中に妨げとなるものを取り除かないうちは、与えられる食物から体が恩恵を受けることはできないと考えているのと同様に、魂についても同じように考えたのだ。 すなわち、吟味する者が吟味される者を恥じ入らせ、学びに障害となる思い込みを取り除き、浄化された状態にして、自分が知っていることだけを知っていると考え、それ以上のことは知っていないと考えさせるまでは、魂が与えられる学びからいかなる恩恵も受けることはないだろう、と。
ΘΕΑΙ. βελτίστη γοῦν καὶ σωφρονεστάτη τῶν ἕξεων αὕτη.
テアイテトス：少なくとも、この状態は最も優れており、最も思慮深い状態です。
ΞΕ. διὰ ταῦτα δὴ πάντα ἡμῖν, ὦ Θεαίτητε, καὶ τὸν ἔλεγχον λεκτέον ὡς ἄρα μεγίστη καὶ κυριωτάτη τῶν καθάρσεών ἐστι, καὶ τὸν ἀνέλεγκτον αὖ νομιστέον, ἂν καὶ τυγχάνῃ βασιλεὺς ὁ μέγας ὤν, τὰ μέγιστα ἀκάθαρτον ὄντα, ἀπαίδευτόν τε καὶ αἰσχρὸν γεγονέναι ταῦτα ἃ καθαρώτατον καὶ κάλλιστον ἔπρεπε τὸν ὄντως ἐσόμενον εὐδαίμονα εἶναι.
異邦人：これらすべての理由から、テアイテトスよ、私たちもまた、エレンコスこそが浄化のうちで最大かつ最も決定的なものであると言わねばならない。 そして逆に、吟味を受けていない者は、たとえ偉大な王であるとしても、最も重要な事柄において不浄であり、本当に幸福になる者がそうであるべき最も清らかで美しい状態において、無教育で醜い状態にとどまっていると考えねばならない。
ΘΕΑΙ. παντάπασι μὲν οὖν.
テアイテトス：全くその通りです。
§231ΞΕ. τί δέ; τοὺς ταύτῃ χρωμένους τῇ τέχνῃ τίνας φήσομεν;
異邦人：では、この技術を用いる人々を私たちは誰と言えばよいだろうか。
ἐγὼ μὲν γὰρ φοβοῦμαι σοφιστὰς φάναι.
私は彼らをソフィストと呼ぶことを恐れるのだが。
ΘΕΑΙ. τί δή;
テアイテトス：なぜですか。
ΞΕ. μὴ μεῖζον αὐτοῖς προσάπτωμεν γέρας.
異邦人：彼らに大きすぎる名誉を与えてしまわないように。
ΘΕΑΙ. ἀλλὰ μὴν προσέοικέ γε τοιούτῳ τινὶ τὰ νῦν εἰρημένα.
テアイテトス：しかし、いま語られたことは、確かにそのような者に似ています。
ΞΕ. καὶ γὰρ κυνὶ λύκος, ἀγριώτατον ἡμερωτάτῳ.
異邦人：実際、犬に狼が似ているようなものだ。 最も獰猛なものが、最も温馴なものに。
τὸν δὲ ἀσφαλῆ δεῖ πάντων μάλιστα περὶ τὰς ὁμοιότητας ἀεὶ ποιεῖσθαι τὴν φυλακήν·
しかし、安全を期する者は、何よりもまず、類似したものに対して常に警戒せねばならない。
ὀλισθηρότατον γὰρ τὸ γένος.
この類はきわめて滑りやすいものだからだ。
ὅμως δὲ ἔστω·
しかし、そうさせておこう。
οὐ γὰρ περὶ σμικρῶν ὅρων τὴν ἀμφισβήτησιν οἴομαι γενήσεσθαι τότε ὁπόταν ἱκανῶς φυλάττωσιν.
彼らが十分に警戒しているときには、些細な定義の境界をめぐって争いが生じることはないと思うからだ。
ΘΕΑΙ. οὔκουν τό γε εἰκός.
テアイテトス：少なくとも、それはありそうにありません。
ΞΕ. ἔστω δὴ διακριτικῆς τέχνης καθαρτική, καθαρτικῆς δὲ τὸ περὶ ψυχὴν μέρος ἀφωρίσθω, τούτου δὲ διδασκαλική, διδασκαλικῆς δὲ παιδευτική· τῆς δὲ παιδευτικῆς ὁ περὶ τὴν μάταιον δοξοσοφίαν γιγνόμενος ἔλεγχος ἐν τῷ νῦν λόγῳ παραφανέντι μηδὲν ἄλλʼ ἡμῖν εἶναι λεγέσθω πλὴν ἡ γένει γενναία σοφιστική.
異邦人：では、区別術のうちに浄化術があり、浄化術のうち魂に関する部分が画定され、これのうちに教示術があり、教示術のうちに教育術があり、教育術のうち、中身のない思い込みの知恵に対してなされるエレンコスが、いま議論に現れたが、これこそ高貴な血統のソフィスト術に他ならない、と言われることにしよう。
ΘΕΑΙ. λεγέσθω μέν·
テアイテトス：そう言われることにしましょう。
ἀπορῶ δὲ ἔγωγε ἤδη διὰ τὸ πολλὰ πεφάνθαι, τί χρή ποτε ὡς ἀληθῆ λέγοντα καὶ διισχυριζόμενον εἰπεῖν ὄντως εἶναι τὸν σοφιστήν.
しかし私自身は、あまりに多くの姿が現れたので、ソフィストとは本当のところ何であると、真実を語り確言して言うべきなのか、すでに途方に暮れています。
ΞΕ. εἰκότως γε σὺ ἀπορῶν.
異邦人：君が途方に暮れるのも当然だ。
ἀλλά τοι κἀκεῖνον ἡγεῖσθαι χρὴ νῦν ἤδη σφόδρα ἀπορεῖν ὅπῃ ποτὲ ἔτι διαδύσεται τὸν λόγον·
しかし、彼の方もまた、今や、議論からどこに逃げ延びるべきか、大いに途方に暮れていると考えねばならない。
ὀρθὴ γὰρ ἡ παροιμία, τὸ τὰς ἁπάσας μὴ ῥᾴδιον εἶναι διαφεύγειν.
なぜなら、「すべての網から逃れるのは容易ではない」という諺は正しいからだ。
νῦν οὖν καὶ μάλιστα ἐπιθετέον αὐτῷ.
だから今こそ、彼に最も激しく攻めかかるべきだ。
ΘΕΑΙ. καλῶς λέγεις.
テアイテトス：おっしゃる通りです。
ΞΕ. πρῶτον δὴ στάντες οἷον ἐξαναπνεύσωμεν, καὶ πρὸς ἡμᾶς αὐτοὺς διαλογισώμεθα ἅμα ἀναπαυόμενοι, φέρε, ὁπόσα ἡμῖν ὁ σοφιστὴς πέφανται.
異邦人：ではまず、立ち止まって一息つこう。 そして休みながら、自分たち自身で、さあ、ソフィストがこれまで私たちの前にどれほど多くの姿で現れたかを計算してみよう。
δοκῶ μὲν γάρ, τὸ πρῶτον ηὑρέθη νέων καὶ πλουσίων ἔμμισθος θηρευτής.
まず第一に、彼は若くて裕福な者たちを獲物とする、報酬をもらう狩人として見出されたと思う。
ΘΕΑΙ. ναί.
テアイテトス：はい。
ΞΕ. τὸ δέ γε δεύτερον ἔμπορός τις περὶ τὰ τῆς ψυχῆς μαθήματα.
異邦人：第二には、魂の学びに関する一種の商人だ。
ΘΕΑΙ. πάνυ γε.
テアイテトス：全くその通りです。
ΞΕ. τρίτον δὲ ἆρα οὐ περὶ αὐτὰ ταῦτα κάπηλος ἀνεφάνη;
異邦人：第三には、まさにこれらのものに関する小売り商人として現れなかったかね。
ΘΕΑΙ. ναί, καὶ τέταρτόν γε αὐτοπώλης περὶ τὰ μαθήματα ἡμῖν ἦν.
テアイテトス：はい、そして第四には、自ら生産した学びを売る小売り人でした。
ΞΕ. ὀρθῶς ἐμνημόνευσας.
異邦人：よく覚えていたね。
πέμπτον δʼ ἐγὼ πειράσομαι μνημονεύειν·
第五は私が覚えておこう。
τῆς γὰρ ἀγωνιστικῆς περὶ λόγους ἦν τις ἀθλητής, τὴν ἐριστικὴν τέχνην ἀφωρισμένος.
言論に関する競技の選手であり、論争術を専門として画定されていた。
ΘΕΑΙ. ἦν γὰρ οὖν.
テアイテトス：確かにそうでした。
ΞΕ. τό γε μὴν ἕκτον ἀμφισβητήσιμον μέν, ὅμως δʼ ἔθεμεν αὐτῷ συγχωρήσαντες δοξῶν ἐμποδίων μαθήμασιν περὶ ψυχὴν καθαρτὴν αὐτὸν εἶναι.
異邦人：第六は、異論の余地はあるものの、学びの障害となる思い込みから魂を浄化する者であると、私たちは合意して規定した。
ΘΕΑΙ. παντάπασι μὲν οὖν.
テアイテトス：全くその通りです。