§169ΣΩ. ἀλλʼ οὔ τι σοῦ γε, ὦ Θεόδωρε, ἄμεινον.
ソクラテス：いや、テオドロスよ、決して君よりうまくやれるわけではないよ。
μὴ οὖν οἴου ἐμὲ μὲν τῷ σῷ ἑταίρῳ τετελευτηκότι δεῖν παντὶ τρόπῳ ἐπαμύνειν, σὲ δὲ μηδενί.
だから、私が君の亡くなった友をあらゆる方法で援助しなければならないのに、君は何も援助しなくてよい、などと思ってはならない。
ἀλλʼ ἴθι, ὦ ἄριστε, ὀλίγον ἐπίσπου, μέχρι τούτου αὐτοῦ ἕως ἂν εἰδῶμεν εἴτε ἄρα σὲ δεῖ διαγραμμάτων πέρι μέτρον εἶναι, εἴτε πάντες ὁμοίως σοὶ ἱκανοὶ ἑαυτοῖς εἴς τε ἀστρονομίαν καὶ τἆλλα ὧν δὴ σὺ πέρι αἰτίαν ἔχεις διαφέρειν.
さあ、優れた人よ、少しの間だけついてきておくれ、この点に達するまで、すなわち、幾何学的図形に関して君が尺度であるべきなのか、それとも誰もが天文学や、その他君が優れているという評判を得ている事柄について、君と同じように自分自身で十分であるのかが分かるまでね。
ΘΕΟ. οὐ ῥᾴδιον, ὦ Σώκρατες, σοὶ παρακαθήμενον μὴ διδόναι λόγον, ἀλλʼ ἐγὼ ἄρτι παρελήρησα φάσκων σε ἐπιτρέψειν μοι μὴ ἀποδύεσθαι, καὶ οὐχὶ ἀναγκάσειν καθάπερ Λακεδαιμόνιοι·
テオドロス：ソクラテスよ、君の隣に座りながら、議論に応じないことは容易ではない。 私は先ほど、君が私に服を脱がないことを許し、ラケダイモン人のように強制することはないだろうと言って、たわごとを言っていたのだ。
σὺ δέ μοι δοκεῖς πρὸς τὸν Σκίρωνα μᾶλλον τείνειν.
君はむしろスキロンの方に傾いているように思われる。
Λακεδαιμόνιοι μὲν γὰρ ἀπιέναι ἢ ἀποδύεσθαι κελεύουσι, σὺ δὲ κατʼ Ἀνταῖόν τί μοι μᾶλλον δοκεῖς τὸ δρᾶμα δρᾶν·
ラケダイモン人は去るか服を脱ぐかを命じるが、君はむしろアンタイオスのようにその役割を演じているように私には思われる。
τὸν γὰρ προσελθόντα οὐκ ἀνίης πρὶν ἂν ἀναγκάσῃς ἀποδύσας ἐν τοῖς λόγοις προσπαλαῖσαι.
近づいてくる者を、議論の中で服を脱がせて組み伏せるように強制するまでは、決して放さないのだから。
ΣΩ. ἄριστά γε, ὦ Θεόδωρε, τὴν νόσον μου ἀπῄκασας·
ソクラテス：テオドロスよ、実に見事に私の病を例えてくれた。
ἰσχυρικώτερος μέντοι ἐγὼ ἐκείνων.
しかし、私は彼らよりももっと頑強なのだ。
μυρίοι γὰρ ἤδη μοι Ἡρακλέες τε καὶ Θησέες ἐντυχόντες καρτεροὶ πρὸς τὸ λέγειν μάλʼ εὖ συγκεκόφασιν, ἀλλʼ ἐγὼ οὐδέν τι μᾶλλον ἀφίσταμαι·
これまでに無数のヘラクレスやテセウスのような、議論にめっぽう強い強者たちが私に出会って散々に打ちのめしてきたが、私はそれだからといって少しも引くことはない。
οὕτω τις ἔρως δεινὸς ἐνδέδυκε τῆς περὶ ταῦτα γυμνασίας.
このような事柄についての訓練に対する、恐るべき愛が私に染み込んでいるのだ。
μὴ οὖν μηδὲ σὺ φθονήσῃς προσανατριψάμενος σαυτόν τε ἅμα καὶ ἐμὲ ὀνῆσαι.
だから、君もまた、自分自身をこすり合わせて、自分自身と同時に私をも利することを惜しまないでおくれ。
ΘΕΟ. οὐδὲν ἔτι ἀντιλέγω, ἀλλʼ ἄγε ὅπῃ ʼθέλεις·
テオドロス：もう何も反対はしない。 君の望むところへ私を導いてくれ。
πάντως τὴν περὶ ταῦτα εἱμαρμένην ἣν ἂν σὺ ἐπικλώσῃς δεῖ ἀνατλῆναι ἐλεγχόμενον.
君が紡ぎ出す、これらのことに関するいかなる運命をも、吟味されながら耐え忍ばねばならないのだから。
οὐ μέντοι περαιτέρω γε ὧν προτίθεσαι οἷός τʼ ἔσομαι παρασχεῖν ἐμαυτόν σοι.
しかし、君が提示する以上のところまで、自分を君に委ねることはできないだろう。
ΣΩ. ἀλλʼ ἀρκεῖ καὶ μέχρι τούτων.
ソクラテス：いや、そこまでで十分だ。
καί μοι πάνυ τήρει τὸ τοιόνδε, μή που παιδικόν τι λάθωμεν εἶδος τῶν λόγων ποιούμενοι, καί τις πάλιν ἡμῖν αὐτὸ ὀνειδίσῃ.
そして、次のことをよく監視していてほしい。 私たちが知らず知らずのうちに、議論の子供じみたやり方をしてしまい、誰かが再びそれを私たちに非難することがないようにね。
ΘΕΟ. ἀλλὰ δὴ πειράσομαί γε καθʼ ὅσον ἂν δύνωμαι.
テオドロス：ええ、できる限りやってみましょう。
ΣΩ. τοῦδε τοίνυν πρῶτον πάλιν ἀντιλαβώμεθα οὗπερ τὸ πρότερον, καὶ ἴδωμεν ὀρθῶς ἢ οὐκ ὀρθῶς ἐδυσχεραίνομεν ἐπιτιμῶντες τῷ λόγῳ ὅτι αὐτάρκη ἕκαστον εἰς φρόνησιν ἐποίει, καὶ ἡμῖν συνεχώρησεν ὁ Πρωταγόρας περί τε τοῦ ἀμείνονος καὶ χείρονος διαφέρειν τινάς, οὓς δὴ καὶ εἶναι σοφούς.
ソクラテス：では、まず以前のあの箇所を再び捉え直そう。 そして、私たちが彼の説を非難して、それが各人を思慮において自己充足的なものにしているとしたことが、正しかったのか正しくなかったのかを見極めよう。 プロタゴラスは、より優れた者とより劣った者との間に違いがあり、まさにそれらの人々が知者であるということを、私たちに同意してくれたのだったね。
οὐχί;
違うかね。
ΘΕΟ. ναί.
テオドロス：その通りです。
ΣΩ. εἰ μὲν τοίνυν αὐτὸς παρὼν ὡμολόγει ἀλλὰ μὴ ἡμεῖς βοηθοῦντες ὑπὲρ αὐτοῦ συνεχωρήσαμεν, οὐδὲν ἂν πάλιν ἔδει ἐπαναλαβόντας βεβαιοῦσθαι·
ソクラテス：もし彼自身がその場にいて同意したのなら、私たちが彼を救援して彼の代わりに同意したのではなく、再びこれを取り上げて確実にする必要はなかっただろう。
νῦν δὲ τάχʼ ἄν τις ἡμᾶς ἀκύρους τιθείη τῆς ὑπὲρ ἐκείνου ὁμολογίας.
しかし今や、誰かが私たちによる彼の代わりの合意を無効とみなすかもしれない。
διὸ καλλιόνως ἔχει σαφέστερον περὶ τούτου αὐτοῦ διομολογήσασθαι·
それゆえ、この点自体についてよりはっきりと相互に合意しておく方が、より立派なことなのだ。
οὐ γάρ τι σμικρὸν παραλλάττει οὕτως ἔχον ἢ ἄλλως.
なぜなら、事態がこうであるか、あるいはそうでないかによって、違いは決して小さくないのだから。
ΘΕΟ. λέγεις ἀληθῆ.
テオドロス：おっしゃる通りです。
§170ΣΩ. μὴ τοίνυν διʼ ἄλλων ἀλλʼ ἐκ τοῦ ἐκείνου λόγου ὡς διὰ βραχυτάτων λάβωμεν τὴν ὁμολογίαν.
ソクラテス：では、他人の言葉を通してではなく、彼自身の説から、できる限り簡潔にその合意を得ることにしよう。
ΘΕΟ. πῶς;
テオドロス：どのようにしてですか。
ΣΩ. οὑτωσί·
ソクラテス：次のようにだ。
τὸ δοκοῦν ἑκάστῳ τοῦτο καὶ εἶναί φησί που ᾧ δοκεῖ;
各人に思われること、これがまさに、そう思われるその人にとって存在すると、彼は主張しているのだね。
ΘΕΟ. φησὶ γὰρ οὖν.
テオドロス：確かにそう言っています。
ΣΩ. οὐκοῦν, ὦ Πρωταγόρα, καὶ ἡμεῖς ἀνθρώπου, μᾶλλον δὲ πάντων ἀνθρώπων δόξας λέγομεν, καὶ φαμὲν οὐδένα ὅντινα οὐ τὰ μὲν αὑτὸν ἡγεῖσθαι τῶν ἄλλων σοφώτερον, τὰ δὲ ἄλλους ἑαυτοῦ, καὶ ἔν γε τοῖς μεγίστοις κινδύνοις, ὅταν ἐν στρατείαις ἢ νόσοις ἢ ἐν θαλάττῃ χειμάζωνται, ὥσπερ πρὸς θεοὺς ἔχειν τοὺς ἐν ἑκάστοις ἄρχοντας, σωτῆρας σφῶν προσδοκῶντας, οὐκ ἄλλῳ τῳ διαφέροντας ἢ τῷ εἰδέναι·
ソクラテス：そうであるなら、プロタゴラスよ、私たちも一人の人間、いやむしろすべての人間たちの意見について語ることになる。 そして、ある事柄においては自分の方が他人よりも賢いと考え、別の事柄においては他人が自分よりも賢いと考えないような人は、一人もいないと私たちは主張する。 そして、最大の危機の際、例えば軍隊の遠征や病気、あるいは海での嵐のときなど、人々はそれぞれの分野の支配者たちを神々のように仰ぎ、自分たちの救い手として期待するが、それは知っていること以外に何の相違もないからだ。
καὶ πάντα που μεστὰ τἀνθρώπινα ζητούντων διδασκάλους τε καὶ ἄρχοντας ἑαυτῶν τε καὶ τῶν ἄλλων ζῴων τῶν τε ἐργασιῶν, οἰομένων τε αὖ ἱκανῶν μὲν διδάσκειν, ἱκανῶν δὲ ἄρχειν εἶναι.
また、人間の営みはどこもかしこも、自分自身や他の動物、あるいは様々な仕事の教師や支配者を求める人々で満ちており、また他方では、自分は教えるのに十分であり、支配するのに十分であると考える人々で満ちている。
καὶ ἐν τούτοις ἅπασι τί ἄλλο φήσομεν ἢ αὐτοὺς τοὺς ἀνθρώπους ἡγεῖσθαι σοφίαν καὶ ἀμαθίαν εἶναι παρὰ σφίσιν;
これらすべてにおいて、人間自身が、自分たちの間に知恵と無知が存在すると考えている、ということ以外の何を私たちは主張できようか。
ΘΕΟ. οὐδὲν ἄλλο.
テオドロス：他にはありません。
ΣΩ. οὐκοῦν τὴν μὲν σοφίαν ἀληθῆ διάνοιαν ἡγοῦνται, τὴν δὲ ἀμαθίαν ψευδῆ δόξαν;
ソクラテス：それゆえ、彼らは知恵を真実の思考と考え、無知を偽りの意見と考えるのではないか。
ΘΕΟ. τί μήν;
テオドロス：当然そうです。
ΣΩ. τί οὖν, ὦ Πρωταγόρα, χρησόμεθα τῷ λόγῳ;
ソクラテス：では、プロタゴラスよ、私たちはその説をどう扱ったらよいだろうか。
πότερον ἀληθῆ φῶμεν ἀεὶ τοὺς ἀνθρώπους δοξάζειν, ἢ τοτὲ μὲν ἀληθῆ, τοτὲ δὲ ψευδῆ;
人間は常に真なる意見を抱くと主張すべきか、それともあるときは真であり、あるときは偽であると主張すべきか。
ἐξ ἀμφοτέρων γάρ που συμβαίνει μὴ ἀεὶ ἀληθῆ ἀλλʼ ἀμφότερα αὐτοὺς δοξάζειν.
そのどちらからでも、彼らが常に真なる意見を抱くのではなく、その両方の意見を抱くという結果になるからだ。
σκόπει γάρ, ὦ Θεόδωρε, εἰ ἐθέλοι ἄν τις τῶν ἀμφὶ Πρωταγόραν ἢ σὺ αὐτὸς διαμάχεσθαι ὡς οὐδεὶς ἡγεῖται ἕτερος ἕτερον ἀμαθῆ τε εἶναι καὶ ψευδῆ δοξάζειν.
テオドロスよ、よく考えてほしい。 プロタゴラスの追随者たちの誰か、あるいは君自身が、誰も他人が無知であり、偽なる意見を抱いているとは考えていない、と徹底して戦うことを望むだろうか。
ΘΕΟ. ἀλλʼ ἄπιστον, ὦ Σώκρατες.
テオドロス：いや、それは信じがたいことです、ソクラテス。
ΣΩ. καὶ μὴν εἰς τοῦτό γε ἀνάγκης ὁ λόγος ἥκει ὁ πάντων χρημάτων μέτρον ἄνθρωπον λέγων.
ソクラテス：しかし、人間が万物の尺度であると言うその説は、まさにこの必然性に達してしまうのだ。
ΘΕΟ. πῶς δή;
テオドロス：一体どのようにですか。
ΣΩ. ὅταν σὺ κρίνας τι παρὰ σαυτῷ πρός με ἀποφαίνῃ περί τινος δόξαν, σοὶ μὲν δὴ τοῦτο κατὰ τὸν ἐκείνου λόγον ἀληθὲς ἔστω, ἡμῖν δὲ δὴ τοῖς ἄλλοις περὶ τῆς σῆς κρίσεως πότερον οὐκ ἔστιν κριταῖς γενέσθαι, ἢ ἀεὶ σὲ κρίνομεν ἀληθῆ δοξάζειν;
ソクラテス：君が自分自身の中で何かを判断し、ある事柄についての意見を私に表明するとき、君にとっては、彼の説によれば、それは真であるとしよう。 しかし、私たち他の者たちにとって、君の判断について、私たちが判定者となることはできないのだろうか。 それとも、私たちは常に君が真なる意見を抱いていると判定するだろうか。
ἢ μυρίοι ἑκάστοτέ σοι μάχονται ἀντιδοξάζοντες, ἡγούμενοι ψευδῆ κρίνειν τε καὶ οἴεσθαι;
あるいは、君が偽なる判断をし、偽なる考えを抱いていると考えて、君と戦い、反対の意見を対置する無数の人々が、その都度現れるのではないか。
ΘΕΟ. νὴ τὸν Δία, ὦ Σώκρατες, μάλα μυρίοι δῆτα, φησὶν Ὅμηρος, οἵ γέ μοι τὰ ἐξ ἀνθρώπων πράγματα παρέχουσιν.
テオドロス：ゼウスにかけて、ソクラテスよ、まさにホメロスの言うように「実に無数の人々」が、私にあらゆる困難をもたらしてくれます。
ΣΩ. τί οὖν;
ソクラテス：ではどうだ。
βούλει λέγωμεν ὡς σὺ τότε σαυτῷ μὲν ἀληθῆ δοξάζεις, τοῖς δὲ μυρίοις ψευδῆ;
君は当時、自分自身にとっては真なる意見を抱いているが、無数の人々にとっては偽なる意見を抱いている、と私たちが言うことを望むかね。
ΘΕΟ. ἔοικεν ἔκ γε τοῦ λόγου ἀνάγκη εἶναι.
テオドロス：その説からすれば、必然的にそうなるように思われます。