§57ΕΧ. αὐτός, ὦ Φαίδων, παρεγένου Σωκράτει ἐκείνῃ τῇ ἡμέρᾳ ᾗ τὸ φάρμακον ἔπιεν ἐν τῷ δεσμωτηρίῳ, ἢ ἄλλου του ἤκουσας;
エケクラテス：パイドン、君自身が、ソクラテスが牢獄で毒薬を飲んだあの日に彼に付き添っていたのかい、それとも他の誰かから聞いたのかい。
ΦΑΙΔ. αὐτός, ὦ Ἐχέκρατες.
パイドン：自分自身でいました、エケクラテス。
ΕΧ. τί οὖν δή ἐστιν ἅττα εἶπεν ὁ ἀνὴρ πρὸ τοῦ θανάτου;
エケクラテス：それでは一体、あの人が亡くなる前に語ったのはどのようなことだったのか。
καὶ πῶς ἐτελεύτα;
そしてどのように最期を迎えたのか。
ἡδέως γὰρ ἂν ἐγὼ ἀκούσαιμι.
私はぜひ聞きたいものだ。
καὶ γὰρ οὔτε Φλειασίων οὐδεὶς πάνυ τι ἐπιχωριάζει τὰ νῦν Ἀθήναζε, οὔτε τις ξένος ἀφῖκται χρόνου συχνοῦ ἐκεῖθεν ὅστις ἂν ἡμῖν σαφές τι ἀγγεῖλαι οἷός τ’ ἦν περὶ τούτων, πλήν γε δὴ ὅτι φάρμακον πιὼν ἀποθάνοι·
というのも、現在フリウスの市民でアテナイを訪れる者はまったくおらず、また、向こうからこちらへ長い間やって来た旅人もいないのだ、私たちにそのことについて確かなことを報告できるような者は。 彼が毒薬を飲んで亡くなったということ以外には。
τῶν δὲ ἄλλων οὐδὲν εἶχεν φράζειν.
それ以上のことは何も語ることができなかったのだ。
§58ΦΑΙΔ. οὐδὲ τὰ περὶ τῆς δίκης ἄρα ἐπύθεσθε ὃν τρόπον ἐγένετο;
パイドン：それでは、裁判の様子がどのようであったかも、お聞きにならなかったのですか。
ΕΧ. ναί, ταῦτα μὲν ἡμῖν ἤγγειλέ τις, καὶ ἐθαυμάζομέν γε ὅτι πάλαι γενομένης αὐτῆς πολλῷ ὕστερον φαίνεται ἀποθανών.
エケクラテス：いや、それについては誰かが報告してくれた。 そして、裁判があったのはずっと前なのに、ずいぶん後になってから彼が亡くなったように見えるのを、私たちは不思議に思っていたのだ。
τί οὖν ἦν τοῦτο, ὦ Φαίδων;
それでは、パイドン、これはどういうことだったのか。
ΦΑΙΔ. τύχη τις αὐτῷ, ὦ Ἐχέκρατες, συνέβη·
パイドン：エケクラテス、彼にはある偶然が起こったのです。
ἔτυχεν γὰρ τῇ προτεραίᾳ τῆς δίκης ἡ πρύμνα ἐστεμμένη τοῦ πλοίου ὃ εἰς Δῆλον Ἀθηναῖοι πέμπουσιν.
というのも、裁判の前日に、アテナイ人がデロス島に送る船の船尾に花飾りが施されるということが、たまたま起こったからです。
ΕΧ. τοῦτο δὲ δὴ τί ἐστιν;
エケクラテス：それは一体どういうことなのか。
ΦΑΙΔ. τοῦτ’ ἔστι τὸ πλοῖον, ὥς φασιν Ἀθηναῖοι, ἐν ᾧ Θησεύς ποτε εἰς Κρήτην τοὺς
δὶς ἑπτὰ
ἐκείνους ᾤχετο ἄγων καὶ ἔσωσέ τε καὶ αὐτὸς ἐσώθη.
パイドン：これは、アテナイ人の言うところでは、かつてテセウスが例の「二度の七人」を率いてクレータ島へ行き、彼らを救い、彼自身も救われたという、まさにその船なのです。
τῷ οὖν Ἀπόλλωνι ηὔξαντο ὡς λέγεται τότε, εἰ σωθεῖεν, ἑκάστου ἔτους θεωρίαν ἀπάξειν εἰς Δῆλον·
そこで当時の人々はアポロンに誓いを立てたと言われています、もし救われたなら、毎年デロス島へ使節を送り届けると。
ἣν δὴ ἀεὶ καὶ νῦν ἔτι ἐξ ἐκείνου κατ’ ἐνιαυτὸν τῷ θεῷ πέμπουσιν.
まさにその使節を、それ以来ずっと、そして今でもなお、彼らは毎年神に送り続けているのです。
ἐπειδὰν οὖν ἄρξωνται τῆς θεωρίας, νόμος ἐστὶν αὐτοῖς ἐν τῷ χρόνῳ τούτῳ καθαρεύειν τὴν πόλιν καὶ δημοσίᾳ μηδένα ἀποκτεινύναι, πρὶν ἂν εἰς Δῆλόν τε ἀφίκηται τὸ πλοῖον καὶ πάλιν δεῦρο·
したがって、彼らが使節の派遣を始めるときには、この期間中、市内を清め、公的な処刑を行ってはならないという法律が彼らにはあります、船がデロス島に到着して再びここに戻ってくるまでは。
τοῦτο δ’ ἐνίοτε ἐν πολλῷ χρόνῳ γίγνεται, ὅταν τύχωσιν ἄνεμοι ἀπολαβόντες αὐτούς.
そしてこれは、風が彼らを阻んだりして捕らえたりした場合には、時に長い時間がかかることがあります。
ἀρχὴ δ’ ἐστὶ τῆς θεωρίας ἐπειδὰν ὁ ἱερεὺς τοῦ Ἀπόλλωνος στέψῃ τὴν πρύμναν τοῦ πλοίου·
使節の始まりは、アポロンの神官が船の船尾に花飾りを施したときです。
τοῦτο δ’ ἔτυχεν, ὥσπερ λέγω, τῇ προτεραίᾳ τῆς δίκης γεγονός.
そしてこれが、私の言うように、たまたま裁判の前日に起こったのです。
διὰ ταῦτα καὶ πολὺς χρόνος ἐγένετο τῷ Σωκράτει ἐν τῷ δεσμωτηρίῳ ὁ μεταξὺ τῆς δίκης τε καὶ τοῦ θανάτου.
こういうわけで、ソクラテスにとって、裁判と死との間の長い時間が牢獄の中で生じることになったのです。
ΕΧ. τί δὲ δὴ τὰ περὶ αὐτὸν τὸν θάνατον, ὦ Φαίδων;
エケクラテス：それでは、死そのものに関する様子はどうだったのか、パイドン。
τί ἦν τὰ λεχθέντα καὶ πραχθέντα, καὶ τίνες οἱ παραγενόμενοι τῶν ἐπιτηδείων τῷ ἀνδρί;
語られたことや行われたことは何だったのか、そしてその人に付き添った親しい者たちのうち、誰がいたのか。
ἢ οὐκ εἴων οἱ ἄρχοντες παρεῖναι, ἀλλ’ ἔρημος ἐτελεύτα φίλων;
それとも、役人たちが立ち会いを許さず、彼は友人もなく寂しく亡くなったのか。
ΦΑΙΔ. οὐδαμῶς, ἀλλὰ παρῆσάν τινες, καὶ πολλοί γε.
パイドン：決してそのようなことはありません。 何人かは立ち会っていましたし、実に多くの者がいました。
ΕΧ. ταῦτα δὴ πάντα προθυμήθητι ὡς σαφέστατα ἡμῖν ἀπαγγεῖλαι, εἰ μή τίς σοι ἀσχολία τυγχάνει οὖσα.
エケクラテス：それなら、もし何か用事があって忙しいのでなければ、これらすべてのことをできるだけ明確に私たちに報告するよう努めてほしい。
ΦΑΙΔ. ἀλλὰ σχολάζω γε καὶ πειράσομαι ὑμῖν διηγήσασθαι·
パイドン：いえ、時間はありますので、皆さんにお話しするよう努めましょう。
καὶ γὰρ τὸ μεμνῆσθαι Σωκράτους καὶ αὐτὸν λέγοντα καὶ ἄλλου ἀκούοντα ἔμοιγε ἀεὶ πάντων ἥδιστον.
というのも、ソクラテスのことを思い出し、自分自身で語ることも、他人が語るのを聞くことも、私にとっては常に何よりも楽しいことだからです。
ΕΧ. ἀλλὰ μήν, ὦ Φαίδων, καὶ τοὺς ἀκουσομένους γε τοιούτους ἑτέρους ἔχεις·
エケクラテス：しかし実に、パイドン、それを聞こうとする君の聞き手たちもまた、同じような者たちなのだ。
ἀλλὰ πειρῶ ὡς ἂν δύνῃ ἀκριβέστατα διεξελθεῖν πάντα.
だから、できる限り最も正確にすべてを語り尽くすよう努めてくれ。
ΦΑΙΔ. καὶ μὴν ἔγωγε θαυμάσια ἔπαθον παραγενόμενος.
パイドン：そして実に、私はそこに立ち会って不思議な経験をしました。
οὔτε γὰρ ὡς θανάτῳ παρόντα με ἀνδρὸς ἐπιτηδείου ἔλεος εἰσῄει·
というのも、親しい人の死に立ち会っているのに、私の中に同情が湧き起こらなかったのです。
εὐδαίμων γάρ μοι ἁνὴρ ἐφαίνετο, ὦ Ἐχέκρατες, καὶ τοῦ τρόπου καὶ τῶν λόγων, ὡς ἀδεῶς καὶ γενναίως ἐτελεύτα, ὥστε μοι ἐκεῖνον παρίστασθαι μηδ’ εἰς Ἅιδου ἰόντα ἄνευ θείας μοίρας ἰέναι, ἀλλὰ καὶ ἐκεῖσε ἀφικόμενον εὖ πράξειν εἴπερ τις πώποτε καὶ ἄλλος.
エケクラテス、その人は、その態度においても、その言葉においても、何とも恐れを知らず高潔に最期を迎えたので、私には幸福な人に思えたのです。 そのため、私には、あの人が冥府に行くのでさえ、神的な運命なしに行くのではなく、あちらに到着しても、かつて他の誰よりも幸福に過ごすに違いないと思われたほどでした。