§57ΕΧ. αὐτός, ὦ Φαίδων, παρεγένου Σωκράτει ἐκείνῃ τῇ ἡμέρᾳ ᾗ τὸ φάρμακον ἔπιεν ἐν τῷ δεσμωτηρίῳ, ἢ ἄλλου του ἤκουσας;
에케크라테스: 파이돈, 소크라테스가 감옥에서 독약을 마셨던 그날 자네 자신이 그와 함께 있었는가, 아니면 다른 누군가에게 들었는가?
ΦΑΙΔ. αὐτός, ὦ Ἐχέκρατες.
파이돈: 저 자신이 있었습니다, 에케크라테스.
ΕΧ. τί οὖν δή ἐστιν ἅττα εἶπεν ὁ ἀνὴρ πρὸ τοῦ θανάτου;
에케크라테스: 그렇다면 그분이 죽기 전에 하신 말씀은 도대체 무엇이었는가?
καὶ πῶς ἐτελεύτα;
그리고 어떻게 종말을 맞이하셨는가?
ἡδέως γὰρ ἂν ἐγὼ ἀκούσαιμι.
나는 기꺼이 듣고 싶네.
καὶ γὰρ οὔτε Φλειασίων οὐδεὶς πάνυ τι ἐπιχωριάζει τὰ νῦν Ἀθήναζε, οὔτε τις ξένος ἀφῖκται χρόνου συχνοῦ ἐκεῖθεν ὅστις ἂν ἡμῖν σαφές τι ἀγγεῖλαι οἷός τ’ ἦν περὶ τούτων, πλήν γε δὴ ὅτι φάρμακον πιὼν ἀποθάνοι·
요즘 플리우스인들 중에는 아테네를 방문하는 이가 전혀 없고, 또한 그곳으로부터 오랜 시간 동안 외지인이 온 적도 없기 때문이네, 우리에게 이 일들에 대해 확실한 소식을 전해줄 수 있는 사람은. 그저 그가 독약을 마시고 죽었다는 것 외에는 말일세.
τῶν δὲ ἄλλων οὐδὲν εἶχεν φράζειν.
그 밖의 다른 것에 대해서는 아무도 말해줄 수 없었네.
§58ΦΑΙΔ. οὐδὲ τὰ περὶ τῆς δίκης ἄρα ἐπύθεσθε ὃν τρόπον ἐγένετο;
파이돈: 그렇다면 재판에 관한 일들이 어떻게 되었는지조차 듣지 못하셨습니까?
ΕΧ. ναί, ταῦτα μὲν ἡμῖν ἤγγειλέ τις, καὶ ἐθαυμάζομέν γε ὅτι πάλαι γενομένης αὐτῆς πολλῷ ὕστερον φαίνεται ἀποθανών.
에케크라테스: 그렇네, 그것은 누군가 우리에게 전해주었네. 그래서 우리는 재판이 오래전에 열렸음에도 훨씬 나중에야 그가 죽은 것처럼 보이는 것을 이상하게 여기고 있었네.
τί οὖν ἦν τοῦτο, ὦ Φαίδων;
파이돈, 도대체 이것은 어찌 된 일이었는가?
ΦΑΙΔ. τύχη τις αὐτῷ, ὦ Ἐχέκρατες, συνέβη·
파이돈: 에케크라테스, 그에게 어떤 우연한 일이 일어났습니다.
ἔτυχεν γὰρ τῇ προτεραίᾳ τῆς δίκης ἡ πρύμνα ἐστεμμένη τοῦ πλοίου ὃ εἰς Δῆλον Ἀθηναῖοι πέμπουσιν.
재판 전날에 마침 아테네인들이 델로스로 보내는 배의 선미에 화환이 장식되는 일이 있었기 때문입니다.
ΕΧ. τοῦτο δὲ δὴ τί ἐστιν;
에케크라테스: 그런데 이것은 도대체 무슨 뜻인가?
ΦΑΙΔ. τοῦτ’ ἔστι τὸ πλοῖον, ὥς φασιν Ἀθηναῖοι, ἐν ᾧ Θησεύς ποτε εἰς Κρήτην τοὺς
δὶς ἑπτὰ
ἐκείνους ᾤχετο ἄγων καὶ ἔσωσέ τε καὶ αὐτὸς ἐσώθη.
파이돈: 이것은 아테네인들의 말에 따르면, 옛날에 테세우스가 그 '두 번의 일곱 명'을 데리고 크레타로 가서 그들을 구하고 자신도 구원받았을 때 탔던 바로 그 배입니다.
τῷ οὖν Ἀπόλλωνι ηὔξαντο ὡς λέγεται τότε, εἰ σωθεῖεν, ἑκάστου ἔτους θεωρίαν ἀπάξειν εἰς Δῆλον·
그래서 당시 사람들이 아폴론에게 맹세하기를, 만약 자신들이 구원받는다면 해마다 델로스로 사절단을 보내겠다고 했다고 전해집니다.
ἣν δὴ ἀεὶ καὶ νῦν ἔτι ἐξ ἐκείνου κατ’ ἐνιαυτὸν τῷ θεῷ πέμπουσιν.
이 사절단을 그들은 그때부터 지금까지 매년 신에게 보내고 있습니다.
ἐπειδὰν οὖν ἄρξωνται τῆς θεωρίας, νόμος ἐστὶν αὐτοῖς ἐν τῷ χρόνῳ τούτῳ καθαρεύειν τὴν πόλιν καὶ δημοσίᾳ μηδένα ἀποκτεινύναι, πρὶν ἂν εἰς Δῆλόν τε ἀφίκηται τὸ πλοῖον καὶ πάλιν δεῦρο·
따라서 사절단 행사를 시작할 때에는, 이 기간 동안 도시를 정결하게 유지하고 공적으로 아무도 처형해서는 안 된다는 법이 그들에게 있습니다, 배가 델로스에 도달했다가 다시 이곳으로 돌아올 때까지는 말입니다.
τοῦτο δ’ ἐνίοτε ἐν πολλῷ χρόνῳ γίγνεται, ὅταν τύχωσιν ἄνεμοι ἀπολαβόντες αὐτούς.
그런데 바람이 그들을 가로막아 붙잡아 둘 때에는, 이것이 때로 오랜 시간이 걸리기도 합니다.
ἀρχὴ δ’ ἐστὶ τῆς θεωρίας ἐπειδὰν ὁ ἱερεὺς τοῦ Ἀπόλλωνος στέψῃ τὴν πρύμναν τοῦ πλοίου· τοῦτο δ’ ἔτυχεν, ὥσπερ λέγω, τῇ προτεραίᾳ τῆς δίκης γεγονός.
사절단의 시작은 아폴론의 사제가 배의 선미에 화환을 씌울 때인데, 제 말대로 이것이 마침 재판 전날에 일어났던 것입니다.
διὰ ταῦτα καὶ πολὺς χρόνος ἐγένετο τῷ Σωκράτει ἐν τῷ δεσμωτηρίῳ ὁ μεταξὺ τῆς δίκης τε καὶ τοῦ θανάτου.
이 때문에 재판과 죽음 사이에 소크라테스가 감옥에서 보낸 시간이 길어지게 되었습니다.
ΕΧ. τί δὲ δὴ τὰ περὶ αὐτὸν τὸν θάνατον, ὦ Φαίδων;
에케크라테스: 그렇다면 죽음 그 자체에 관한 일들은 어떠했는가, 파이돈?
τί ἦν τὰ λεχθέντα καὶ πραχθέντα, καὶ τίνες οἱ παραγενόμενοι τῶν ἐπιτηδείων τῷ ἀνδρί;
나누었던 말들과 행해진 일들은 무엇이었으며, 그분의 친지들 중에서 함께 있었던 사람들은 누구였는가?
ἢ οὐκ εἴων οἱ ἄρχοντες παρεῖναι, ἀλλ’ ἔρημος ἐτελεύτα φίλων;
아니면 관원들이 배석하는 것을 허락하지 않아 친구들도 없이 쓸쓸히 임종을 맞이하셨는가?
ΦΑΙΔ. οὐδαμῶς, ἀλλὰ παρῆσάν τινες, καὶ πολλοί γε.
파이돈: 결코 그렇지 않습니다. 몇몇 사람들이 함께 있었고, 실제로 많은 이들이 있었습니다.
ΕΧ. ταῦτα δὴ πάντα προθυμήθητι ὡς σαφέστατα ἡμῖν ἀπαγγεῖλαι, εἰ μή τίς σοι ἀσχολία τυγχάνει οὖσα.
에케크라테스: 그렇다면 이 모든 일들을 우리에게 최대한 분명하게 전해주도록 애써주게, 자네에게 무슨 급한 일이라도 있는 것이 아니라면 말일세.
ΦΑΙΔ. ἀλλὰ σχολάζω γε καὶ πειράσομαι ὑμῖν διηγήσασθαι·
파이돈: 아닙니다, 저는 한가하니 여러분에게 이야기해 드리도록 노력하겠습니다.
καὶ γὰρ τὸ μεμνῆσθαι Σωκράτους καὶ αὐτὸν λέγοντα καὶ ἄλλου ἀκούοντα ἔμοιγε ἀεὶ πάντων ἥδιστον.
소크라테스를 기억하는 것은, 제 자신이 말하든 다른 사람에게서 듣든, 저에게는 언제나 세상에서 가장 즐거운 일이기 때문입니다.
ΕΧ. ἀλλὰ μήν, ὦ Φαίδων, καὶ τοὺς ἀκουσομένους γε τοιούτους ἑτέρους ἔχεις·
에케크라테스: 그렇고말고, 파이돈, 자네의 이야기를 들을 이들도 자네와 똑같은 마음이라네.
ἀλλὰ πειρῶ ὡς ἂν δύνῃ ἀκριβέστατα διεξελθεῖν πάντα.
그러니 자네가 할 수 있는 한 가장 정확하게 모든 것을 자세히 이야기해 주게나.
ΦΑΙΔ. καὶ μὴν ἔγωγε θαυμάσια ἔπαθον παραγενόμενος.
파이돈: 참으로 저는 그 자리에 있으면서 기이한 감정을 느꼈습니다.
οὔτε γὰρ ὡς θανάτῳ παρόντα με ἀνδρὸς ἐπιτηδείου ἔλεος εἰσῄει·
친한 이의 죽음을 지켜보고 있었음에도 저에게는 동정심이 일지 않았기 때문입니다.
εὐδαίμων γάρ μοι ἁνὴρ ἐφαίνετο, ὦ Ἐχέκρατες, καὶ τοῦ τρόπου καὶ τῶν λόγων, ὡς ἀδεῶς καὶ γενναίως ἐτελεύτα, ὥστε μοι ἐκεῖνον παρίστασθαι μηδ’ εἰς Ἅιδου ἰόντα ἄνευ θείας μοίρας ἰέναι, ἀλλὰ καὶ ἐκεῖσε ἀφικόμενον εὖ πράξειν εἴπερ τις πώποτε καὶ ἄλλος.
에케크라테스, 그분은 태도에 있어서나 말씀에 있어서나 너무나도 두려움 없고 고결하게 임종을 맞이하셨기에 저에게는 행복한 분으로 보였습니다. 그래서 저에게는 그분이 하데스로 가시는 것조차 신적인 섭리 없이 가시는 것이 아니며, 그곳에 도착해서도 그 어떤 누구보다도 잘 지내실 것이라는 생각이 들 정도였습니다.