§2Ἀρκτέον δ’ ἀπὸ τῶν ἐξ ἑαυτοῦ φέρεσθαι λεγόντων.
そして、それ自体の力で動くと言う人々から始めなければならない。
ἢ γὰρ τοῦτο πάντη δήπου λεπτομερέστερον, οἷον τὸ αἰθερῶδες, ἢ ἄλλως πως θερμότερον εἶναι φήσουσιν αὐτὸ τοῦ περιέχοντος ἡμᾶς ἀέρος.
なぜなら彼らは、これがあらゆる点で、例えばエーテルのようにより微細であるか、あるいは他の何らかの仕方で、私たちを取り囲む空気よりも熱いと主張するはずだからである。
οὐδὲ γὰρ τρίτον ἕξουσιν εἰπεῖν πνεύματος σύμπτωμα, δι’ ὃ φέρεσθαι δύναιτο ἄν.
というのも彼らは、精気がそれによって動き得るような第三の特性を挙げることはできないだろうからである。
λεπτομερέστερον μὲν οὖν οὐκ ἂν εἴη τὸ κατὰ τὰς ἀρτηρίας πνεῦμα τοῦ περιέχοντος ἡμᾶς ἀέρος, ὡς ἡ γένεσις αὐτοῦ διδάσκει.
さて、動脈の中の精気は、その生成が教えているように、私たちを取り囲む空気よりも微細であるはずがない。
γίγνεται γὰρ κατὰ τὸν Ἐρασίστρατον ἐκ τοῦ περιέχοντος ἡμᾶς ἀέρος εἴσω τοῦ σώματος εἰς μὲν τὰς κατὰ πνεύμονα πρώτας ἀρτηρίας ἐλθόντος, ἔπειτα δὲ εἰς τὴν καρδίαν καὶ τὰ ἄλλας.
なぜなら、エラシストラトスによれば、それは私たちを取り囲む空気が身体の内部、すなわち肺における最初の動脈に入り、次に心臓とその他の動脈へと入ることで生じるからである。
εἰς ὅσον οὖν ὑγροτέροις ὁμιλεῖ σώμασιν, εἰς τοσοῦτο εἰκὸς αὐτὸ παχυμερέστερόν τε καὶ ἁπαλωδέστερον γίνεσθαι.
したがって、それがより湿った身体と接触すればするほど、それだけそれはより濃厚で柔らかいものになるのが自然である。
θερμότερον δὲ γίνεται, ἀλλ’ ὡς ἀτμὸς ἄνω φερόμενον οὔτε ἀφανῆ τὴν κένωσιν, οὔτε οὕτως ὠκεῖαν ἕξει.
そしてそれはより熱くはなるが、蒸気のように上方へ運ばれる場合、その流出は目に見えないものでも、これほど急速なものでもないだろう。
Πραξαγόρας μὲν οὖν καὶ παχυμερέστερον αὐτὸ καὶ ἱκανῶς ἀτμῶδες εἶναί φησιν, Ἐρασίστρατος δὲ, ὅπη μὲν ἔχει πάχους, οὐ διώρισεν, ἐξ ὧν δ’ ὑπὲρ αὐτοῦ λέγει τεκμήραιτ’ ἄν τις, οὐδαμῶς αὐτὸ προσήκειν εἶναι λεπτόν.
それゆえ、プラクサゴラスは、それがより濃厚で十分に蒸気のようなものであると言っている。 一方エラシストラトスは、それがどの程度の濃度（粗さ）を持つかを規定しなかったが、彼がそれについて述べていることからすれば、それが決して微細であるはずがないと推測できるだろう。
τάς τε γὰρ ἀρτηρίας ὑπ’ αὐτοῦ πληρουμένας διαστέλλεσθαί φησι, καὶ τὰς τῶν μυῶν κοιλίας ὡσαύτως, οὐδετέρου δὴ τούτων γίγνεσθαί ποτ’ ἂν δυνηθέντος, εἰ λεπτομερὲς ἀκριβῶς ὑπῆρχεν·
というのも彼は、動脈がそれによって満たされて拡張し、また筋肉の空洞も同様であると言うからだが、もしそれが厳密に微細であったなら、これらのどちらも決して起こり得なかったはずである。
οὐ γὰρ δὴ ἴσχεσθαί γε τὸ τοιοῦτο μᾶλλον ἐν τοῖς σώμασιν, ἀλλ’ ἐκπέμπεσθαι πρέπει.
なぜなら、そのようなものは身体の中に留まるよりも、むしろ放出されるはずだからである。
τί ποτ’ οὖν ἐκφυσώμενον οὐ φαίνεται παραπλησίως τῷ κατὰ τὰς ἐκ τοῦ θώρακός τε καὶ τοῦ περιτοναίου καὶ τῆς φάρυγγος τρώσεις;
では、胸郭や腹膜、あるいは咽頭の傷による流出のように、それが吹き出されるのが見えないのはいったいなぜなのか。
γελοῖον δ’ ἴσως ποιοῦμεν ἐξ ἑτέρων αὐτὸ συλλογιζόμενοι, παρὸν αὐτοὺς ὑπομνῆσαι τῶν ἀρτηριῶν, ἐξ ὧν ὅταν ἀθρόον ἐξακοντίζηται τὸ αἷμα, σαφῶς ἐκφυσώμενον φαίνεται.
しかし、彼らに動脈のことを思い出させれば十分であるのに、他のことからそれを推論するのは、おそらく滑稽なことであろう。 というのも、動脈から血液が一気に噴き出すとき、明らかに吹き出されるのが見えるからである。
ὡς γὰρ θερμότερον, οὕτω καὶ ἀτμωδέστερον τὸ κατὰ τὰς ἀρτηρίας αἷμα.
なぜなら、動脈の中の血液は、より熱いだけでなく、それだけより多くの蒸気を含んでいるからである。
οὐ μὴν αὐτός γε καθ’ ἑαυτὸν ἀτμὸς, ἢ ἀὴρ, ἢ αἰθὴρ, ἢ ὅλως πνεῦμα περιεχόμενον ἐν αὐτῷ φαίνεται.
だが、それの中に含まれている蒸気それ自体や、空気、エーテル、あるいは総じて精気が単独で見えるわけではない。
καὶ γὰρ, εἰ τῇ λεπτοτάτῃ βελόνῃ διατρήσαιο ἀρτηρίαν, εὐθὺς ἐξακοντίζεται τὸ αἷμα.
実に、もし極めて細い針で動脈を刺し貫いたとしても、直ちに血液が噴き出すのである。
ἐχρῆν δ’, οἶμαι, καὶ εἰ μὴ διὰ τοῦ μεγάλου τραύματος, ἀλλὰ γοῦν τοῦ μετρίου, μὴ ταχέως, μηδ’ ἀναισθήτως, ἀλλ’ ἐν χρόνῳ πλείονι κενοῦσθαι τὸ πνεῦμα.
しかし私の考えでは、大きな傷でなくとも、せめて中程度の傷であれば、精気は速やかにではなく、また気づかれずにでもなく、より長い時間をかけて流出するべきであった。
πρὶν γὰρ ἐκεῖνο κενωθῇ, πάντως οὐκ ἐκπίπτει διὰ τοῦ τραύματος τὸ αἷμα, λέγοντός γε αὐτοῦ τοῦ Ἐρασιστράτου, τὰς ποῤῥωτάτω κειμένας ἀρτηρίας πρώτας ἀπολαύειν τῆς μεταχύσεως.
なぜなら、それが流出してしまうまでは、決して傷口から血液が外に出ることはないからである。 他ならぬエラシストラトス自身が、最も遠くに位置する動脈が最初に移動の恩恵を受けると言っているのだから。
εἰ δὲ καὶ μὴ πρὸς ἐκείνου γεγραμμένον ἦν, ἐξ ἀνάγκης ἠκολούθησε ταῖς ὑποθέσεσιν.
たとえ彼によってそのように書かれていなかったとしても、仮定から必然的にそう帰結するのである。
εἰ γὰρ συνεχὲς αὐτῷ πάντως ἐστὶ τὸ κατὰ τὰς ἀρτηρίας πνεῦμα, καὶ οὕτως εὐκίνητόν τε καὶ λεπτὸν, ὡς ἐν ἀκαρεῖ χρόνῳ κενοῦσθαι ῥᾳδίως, οὐ τὸ μὲν ἐν ταῖς διαιρουμέναις ἀρτηρίαις κενωθήσεται μόνον, τὸ δ’ ἐν ταῖς ἄλλαις ἁπάσαις μενεῖ.
というのも、もし動脈の中の精気が完全に連続しており、かつ、ごくわずかな時間で容易に流出するほどに動きやすく微細であるならば、切開された動脈の中の精気だけが流出し、他のすべての動脈の中の精気が留まるということはないだろうからである。
πρόδηλον γὰρ, ὡς τῷ προτέρῳ τῷ κατὰ τὴν τετμημένην τὸ λοιπὸν ἅπαν ἑτοίμως ἀκολουθήσει, καὶ πρώτη ταῖς ὑστάταις ἐπίδηλος ἡ κένωσις γενήσεται, μηκέτ’ ἐχούσαις ἑτέρας, ὅθεν μεταληφθήσεται.
なぜなら、切断された動脈の中にある最初の精気に対して、残りのすべてが容易に従って動き、最も遠くにある動脈において、最初に流出が顕著になることは極めて明白だからである。 そこにはもはや、代わりに受け取るべき別の精気がないのだから。
ἐν αὐτῇ οὖν πρώτως κίνδυνος τοῦ κενὸν γενέσθαι τόπον, εἰ μὴ τῇς οὐσίας πληρώσειε τὴν χώραν τοῦ μεταλαμβανομένου πνεύματος.
それゆえ、まさにその動脈において真空が生じる危険が最初に生じる。 もし移動してくる精気の実質がその場所を満たさないならば、の話である。
καὶ διὰ τοῦτο ἐξ ἀνάγκης ἕπεται τὸ διὰ τῶν συναναστομώσεων, ὡς αὐτός φησιν, αἷμα τῇ πρὸς τὸ κενούμενον ἀκολουθίᾳ, καὶ τοῦτο, ὥσπερ προδεδεμένον τῷ κατὰ τὰ πέρατα τῶν ὑστάτων ἀρτηριῶν πνεύματι, πρῶτον μὲν ἅπαντος τοῦ ἄλλου αἵματος, ὕστατον δὲ παντὸς τοῦ κατὰ τὰς ἀρτηρίας πνεύματος κενωθήσεται.
そしてこのため、彼自身が言うように、吻合（接合部）を通って血液が、流出するものへの追従によって必然的に後に続き、そしてこの血液は、最も遠い動脈の末端にある精気にあらかじめ結びつけられているかのように、他のすべての血液よりも先に、しかし動脈の中のすべての精気よりも後に、流出することになるだろう。
δύο οὖν ἄτοπα μέγιστα συμβήσεται κατὰ τὸν λόγον, πρότερον μὲν τὸ διὰ τοῦ κατὰ τὴν βελόνην τρήματος ἅπαν ἐκκενοῦσθαι τὸ κατὰ τὰς ἀρτηρίας πνεῦμα ταχέως οὕτως, ὥστε λαθεῖν, δεύτερον δὲ τὸ ζῇν ἔτι τὸ ζῶον, ἅπαντος τοῦ ζωτικοῦ πνεύματος ἐκκενουμένου.
したがって、この議論によれば二つの極めて不条理なことが生じる。 第一に、針による穴を通って、動脈の中のすべての精気が、気づかれないほどにこれほど急速に流出してしまうこと、第二に、生命維持の精気がすべて流出してしまっているのに、その動物がまだ生きていることである。
ἀλλὰ τοιαῦτα καὶ μετ’ ὀλίγον ἐξέσται διελθεῖν.
しかし、そのようなことについては少し後で論じることにしよう。