§9#1Ταῦτα εἰπόντος τοῦ ἐμπειρικοῦ παρελθὼν ὁ δογματικὸς ὧδέ πως λεγέτω·
経験学派の者がこのように言った後、教条学派の者が進み出て、次のように言うのがよい。
Τάχα μὲν εὖ φρονοῦντί σοι καὶ ταῦτα ἦν ἱκανὰ, περὶ τοῦ μήθ’ ἡλικίαν, μήθ’ ὥραν, μήτε χώραν, ἀλλὰ μηδὲ προκαταρκτικὸν αἴτιον, ἢ μέρος τι τοῦ σώματος ἄχρηστον ὑπολαμβάνειν.
おそらく、分別のあるあなたにとっては、年齢も、季節も、地域も、さらには先立つ原因（前起因）も、身体のいかなる部位も無用であると見なさないためには、これらのことだけでも十分であっただろう。
εἰ δέ σε μήπω πέπεικεν ὁ ἐμπειρικὸς, ὑπομιμνήσκων τῶν φαινομένων, ἀλλά τινος ἔτι καὶ λόγου δέοι, τοῦτόν μοι δοκῶ προσθήσειν ἐγὼ, καὶ τὴν ὑπόθεσίν σου τῆς αἱρέσεως ἀποδείξω σαθράν.
だが、もし経験学派の者が現象を思い起こさせても、未だあなたを説得できておらず、さらに何らかの議論が必要であるなら、私はこの議論を付け加えようと思う。 そして、あなたの学派の前提がいかに脆弱であるかを証明しよう。
ἀκούω μὲν γὰρ ὑμῶν λεγόντων γνῶσιν φαινομένων κοινοτήτων, ἐρωτῶ δὲ ἑκάστοτε, περὶ τί μάλιστα ἡ κοινότης αὕτη συνίσταται, καὶ πῶς αὐτὴν γνωριοῦμεν, οὐδέπω καὶ νῦν μοι δοκῶ γνῶναι δύνασθαι.
なぜなら、私はあなた方が「現象する共同性（共通状態）の認識」と語るのを耳にするが、その共同性とは一体何において成り立っているのか、またそれを我々がどのように認識するのかを毎回尋ねるものの、今に至るまで私にはそれを知ることができそうにないと思われるからである。
τὸ δ’ αἴτιον ἄχρι τῶν ὀνομάτων ἀλλήλοις ὁμολογεῖτε, περὶ τῶν πραγμάτων διαφερόμενοι.
その原因は、あなた方が名前においては互いに合意しているものの、中身においては意見を異にしているからである。
τινες γὰρ ὑμῶν ταῖς παρὰ φύσιν ἐκκρίσεσι παραμετροῦσι τὸ στεγνὸν καὶ τὸ ῥοῶδες, ἰσχομένων μὲν αὐτῶν, στέγνωσιν ὀνομάζοντες τὸ πάθος, ἀμέτρως δ’ ἐκκρινομένων, ῥύσιν.
すなわち、あなた方のうちのある者たちは、自然に反する排出物によって「緊縮」と「流出」を推し量り、それらが滞っているときにはその疾患を「緊縮」と呼び、過度に排出されているときには「流出」と呼んでいる。
ἄλλοι δέ τινες ἐξ ὑμῶν ἐν ταῖς λοιπαῖς τῶν σωμάτων διαθέσεσι τὰ πάθη φασὶν εἶναι, καὶ μέμφονταί γε δεινῶς τοῖς εἰς τὸ κενούμενον ἀποβλέπουσιν.
また、あなた方のうちの他の者たちは、身体のその他の状態の中に疾患があると言い、排出されるものに目を向ける者たちを激しく非難している。
ἐμοὶ δὲ ὅπη δοκοῦσιν ἑκάτεροι σφάλλεσθαι, τάχα ἂν ἤδη δηλώσαιμι.
双方がどのように誤っていると私に思われるか、すぐにでも明らかにしよう。
γινέσθω δὲ ἡμῖν ὁ λόγος πρὸς ἐκείνους πρότερον, ὅσοι ταῖς παρὰ φύσιν ἐκκρίσεσι κρίνουσι τὰ πάθη.
まずは、自然に反する排出物によって疾患を判定する者たちに対して議論を行うことにしよう。
θαυμάζω γὰρ αὐτοὺς, εἰ μήθ’ ἱδρῶτάς ποτε, μήτε οὖρα, μήτ’ ἐμέτους, μήτε διαχωρήματα πλείω τῶν κατὰ φύσιν εἶδον ἐν ταῖς νόσοις χρηστῶς κενούμενα, καὶ τὸ πάντων ἀτοπώτατον, εἰ μηδ’??ῥινῶν αἱμοῤῥαγίαν ποτὲ κρίνασθαι ἐθεάσαντο.
というのも、彼らが病気において、汗や尿、嘔吐物、あるいは自然な状態よりも多い便が、好ましい形で排出されるのを一度も見なかったのか、また最も奇妙なことには、鼻出血が決定的な転機（クリシス）となるのを一度も見なかったのか、私は不思議に思うからである。
ταύτης μέν γε οὐ τὸ ποσὸν μόνον, ἀλλ’ ὅλον τὸ γένος παρὰ φύσιν ὑπάρχει.
この鼻出血については、量だけでなく、その性質全体が自然に反している。
ἱδρώτων δὲ, ἢ οὔρων, ἢ ὅσα κατὰ γαστέρα, ἢ δι’ ἐμέτων ὁρμᾷ, τὸ μὲν γένος οὐ παρὰ φύσιν, οὕτως γε μὴν ἄμετρόν ἐστί ποτε τὸ πλῆθος, ὥστε ἐγὼ μὲν οἶδά τινας εἰς τοσοῦτον ἱδρώσαντας, ἄχρι τοῦ καὶ γνάφαλα διαβρέξαι, καὶ ἄλλους κατὰ γαστέρα κενωθέντας ὑπὲρ τριάκοντα κοτύλας, ἀλλ’ οὐκ ἐδόκει τούτων οὐδὲν παύειν, ὅτι τὸ λυποῦν ἐκενοῦτο.
他方、汗や尿、あるいは胃腸を通じて、もしくは嘔吐によって流れ出るものについては、その性質自体は自然に反していないが、その量は時に極めて過度になり、私が知る限りでは、クッションをびしょ濡れにするほど多量の汗をかいた人々や、胃腸から30コテュレ以上も排出された人々もいたが、これらはいずれも、害をなすものが排出されていたために、差し止めるべきではないと考えられていた。
καίτοι τῷ γε ταῖς κατὰ φύσιν ἐκκρίσεσιν εἰς ἅπαντα κανόνι χρωμένῳ, κωλυτέα ἦν τὰ τοιαῦτα συμπτώματα.
だが、自然な排出をすべての基準とする者にとっては、このような症状は阻止されねばならなかったはずである。
διὸ καὶ πιθανώτεροί πως εἷναι δοκοῦσιν οἱ τὰς διαθέσεις ἐν τοῖς σώμασιν αὐτοῖς τὰς κοινότητας ἐπιτιθέμενοι.
それゆえ、身体それ自体の状態の中に共同性を置く者たちの方が、いくらか説得力があるように思われる。
θαυμάζω δὲ καὶ τούτων, ὅπως αὐτὰς φαινομένας ἐτόλμησαν εἰπεῖν.
しかし、私は彼らについても、どうしてそれらを「現象している」とあえて言うことができたのか不思議に思う。
εἰ γὰρ μὴ τὸ ῥέον ἐκ τῆς κοιλίας ἡ ῥύσις ἐστὶν, ἀλλ’ ἡ διάθεσις τῶν σωμάτων, ἐξ ἧς τὸ ῥέον, οὐκ ἐνδέχεται δὲ ταύτην οὐδεμιᾷ τῶν αἰσθήσεων φαίνεσθαι, πῶς ἂν αἱ κοινότητες ἔτι φαινόμεναι λέγοιντ’ ἄν;
なぜなら、もし流出が「腹部から流れ出るもの」ではなく、「それから流れ出る原因である身体の状態」であり、かつこの状態がいかなる感覚によっても現象することがあり得ないのだとすれば、どうして共同性が未だに「現象している」と言われうるだろうか。
καὶ γὰρ ἐν κώλῳ δυνατὸν τὴν τῆς ῥύσεως διάθεσιν εἶναι, καὶ ἐν λεπτοῖς ἐντέροις, καὶ περὶ τὴν νῆστιν, καὶ περὶ τὴν γαστέρα, καὶ τὸ μεσάραιον, καὶ ἄλλα πολλὰ τῶν ἐντὸς, ὦν οὐδὲν οὐδὲ αὐτὸ δυνατὸν αἰσθήσει λαβεῖν, οὔτε τὸ πάθος αὐτοῦ.
というのも、流出の状態は、結腸にも、小腸にも、空腸の付近にも、胃や腸間膜の付近にも、そしてその他多くの内部の器官にも生じうるが、それら自体のいずれも、またそれらの疾患も、感覚によって捉えることは不可能だからである。
πῶς οὖν ἔτι φαινόμεναι λέγοιντ’ ἂν αἱ κοινότητες, εἰ μήπω καὶ τὸ διὰ σημείων γνωρίζεσθαι φαίνεσθαί τις ἐθέλοι καλεῖν;
それなら、もし兆候を通じて知られることまでも「現象している」と呼びたいのでない限り、どうして共同性が未だに「現象している」と言われうるだろうか。
ἀλλ’ εἰ τοῦτο, τίνι τῶν παλαιῶν ἰατρῶν ἔτι διαφέρουσιν, οὐκ οἶδα.
だが、もしそうであるなら、彼らが古代の医師たちと一体何において異なっているのか、私にはわからない。
πῶς δὲ ταχέως καὶ ἐν ἓξ μησὶν ἐπαγγέλλονται τὴν τέχνην ἐκδιδάσκειν;
また、どうして彼らは医術を迅速に、しかも6ヶ月で完全に教え込むなどと公言できるのだろうか。
οὐ γὰρ ἂν, οἶμαι, σμικρᾶς δέοιντο μεθόδου πρὸς τὸ γνῶναί τι τῶν ἐκφευγόντων τὴν αἴσθησιν, ἀλλὰ τῷ τοῦτο καλῶς ἐργαζομένῳ καὶ ἀνατομῆς χρεία τῆς ἕκαστον τῶν ἐντὸς, ὡς ἔχει φύσεως, διδασκούσης, καὶ φυσικῆς θεωρίας οὐ σμικρᾶς, ἵνα τό τ’ ἔργον ἑκάστου καὶ τὴν χρείαν ἐπισκέψηται.
なぜなら、感覚を逃れるものを何か知るためには、微々たる方法では足りず、これを見事に成し遂げる者にとっては、内部の各器官が自然においてどのような状態にあるかを教える解剖も必要であり、また、各々の働きや有用性を考察するための、少なからぬ自然の探求も必要となるからである。
πρὶν γὰρ εὑρεθῆναι ταῦτα, τῶν ἐν βάθει τοῦ σώματος μορίων οὐδενὸς οἶόν τε διαγνῶναι τὸ πάθος.
なぜなら、これらが発見される以前には、身体の深部にある部位の疾患を診断することは不可能だからである。
τί δεῖ λέγειν, ὅτι καὶ διαλεκτικῆς μὲν ἐνταῦθα χρεία μεγάλη, ἵν’, ἐκ τίνων τί περαίνεται, σαφῶς εἰδῇς, καὶ μὴ παρακρουσθῇς ποτε σοφίσμασι, μήθ’ ὑπ’ ἄλλου, μήθ’ ὑφ’ αὑτοῦ;
ここにおいて、いかなる前提から何が結論づけられるかを明確に知り、他者によっても自分自身によっても詭弁に惑わされることが決してないようにするために、弁証術の大きな必要性があることについて、何を語る必要があろうか。
καὶ γὰρ καὶ ἡμᾶς αὐτοὺς ἄκοντάς ἐστιν ἰδεῖν, ὅτε σοφιζόμεθα.
実際、我々自身が意に反して詭弁を用いているのを目にすることもある。
καὶ μὴν καὶ οἷόν τί ἐστιν ἡ ῥύσις, ἡδέως ἂν αὐτοὺς ἐροίμην, εἰ διαλέγεσθαι μεμαθήκασιν.
さらに、もし彼らが議論することを学んでいるのなら、流出とは一体どのようなものであるのか、ぜひ尋ねてみたいものだ。
οὐ γὰρ δὴ τοῦτό γε μόνον ἀρκεῖν ἡγοῦμαι τό τισιν ἐξ αὐτῶν εἰρημένον, ὅτι διάθεσίς τις παρὰ φύσιν ἡ ῥύσις ἐστί.
なぜなら、彼らのうちのある者たちによって言われている、「流出とは自然に反するある種の状態である」ということだけで十分であるとは到底思われ得ないからである。
τίς γὰρ ἡ διάθεσις, εἰ μὴ μάθοιμεν, οὐδὲν ἂν οὐδέπω πλέον εἰδείημεν, ἆρά γε χάλασίς τις, ἢ μαλακότης, ἢ ἀραιότης.
その状態が何であるかを学ばない限り、我々は未だそれ以上のことを何も知らないからである。 それは何らかの弛緩なのか、それとも柔軟なのか、それとも疎開なのか。
οὐδὲν γάρ ἐστιν ἀποῦσαί τι σαφὲς οὐδὲ αὐτῶν λεγόντων, ἀλλ’ ὅ, τι ἂν ἐπέλθοι, νῦν μὲν τοῦτο, αὖθις δὲ ἐκεῖνο, πολλάκις δὲ καὶ πάντα ἅμα, ὥσπερ οὐδὲν διαφέροντα.
なぜなら、彼らが語ることの中にも明確な規定は全く存在せず、むしろ思い浮かんだものを、ある時はこれ、別の時はあれ、そしてしばしばこれらすべてを同時に、あたかも何の違いもないかのように語るからである。