§4.85.1καὶ οὗτοι μὲν ἀποσφαγέντες αὐτοῦ ταύτῃ ἐλείποντο·
そして彼らはその場で斬殺されて、そこに残された。
Δαρεῖος δὲ ἐπείτε πορευόμενος ἐκ Σούσων ἀπίκετο τῆς Καλχηδονίης ἐπὶ τὸν Βόσπορον ἵνα ἔζευκτο ἡ γέφυρα, ἐνθεῦτεν ἐσβὰς ἐς νέα ἔπλεε ἐπὶ τὰς Κυανέας καλευμένας, τὰς πρότερον πλαγκτὰς Ἕλληνες φασὶ εἶναι, ἑζόμενος δὲ ἐπὶ ῥίῳ ἐθηεῖτο τὸν Πόντον ἐόντα ἀξιοθέητον.
一方ダレイオスは、スサから進軍して、カルケドン領のボスポロス（そこに橋が架けられていたのであるが）に到着すると、そこから船に乗り込み、かつてギリシア人が「さまよえる（島々）」と呼んでいた、いわゆるキュアネアイへと船を走らせ、岬に腰を下ろして、実に見事なものであるポントス海を眺めていた。
§4.85.2πελαγέων γὰρ ἁπάντων πέφυκε θωμασιώτατος·
というのも、この海はあらゆる海の中で最も驚異的なものだからである。
τοῦ τὸ μὲν μῆκος στάδιοι εἰσὶ ἑκατὸν καὶ χίλιοι καὶ μύριοι, τὸ δὲ εὖρος, τῇ εὐρύτατος αὐτὸς ἑωυτοῦ, στάδιοι τριηκόσιοι καὶ τρισχίλιοι.
その長さは1万1100スタディオンであり、幅は、最も広いところで3300スタディオンである。
§4.85.3τούτου τοῦ πελάγεος τὸ στόμα ἐστὶ εὖρος τέσσερες στάδιοι·
この海の入り口は、幅4スタディオンである。
μῆκος δὲ, τοῦ στόματος ὁ αὐχήν, τὸ δὴ Βόσπορος κέκληται, κατʼ ὃ δὴ ἔζευκτο ἡ γέφυρα, ἐπὶ σταδίους εἴκοσι καὶ ἑκατόν ἐστι.
そして長さ、すなわち入り口の首部であって、まさにボスポロスと呼ばれ、そこに橋が架けられていたのであるが、これは120スタディオンに及ぶ。
τείνει δʼ ἐς τὴν Προποντίδα ὁ Βόσπορος·
そしてボスポロスはプロポンティスへと伸びている。
§4.85.4ἡ δὲ Προποντὶς ἐοῦσα εὖρος μὲν σταδίων πεντακοσίων, μῆκος δὲ τετρακοσίων καὶ χιλίων, καταδιδοῖ ἐς τὸν Ἑλλήσποντον ἐόντα στεινότητα μὲν ἑπτὰ σταδίους, μῆκος δὲ τετρακοσίους.
プロポンティスは、幅500スタディオン、長さ1400スタディオンであるが、ヘレスポントスへと流れ込んでおり、このヘレスポントスは、幅が最も狭いところで7スタディオン、長さは400スタディオンである。
ἐκδιδοῖ δὲ ὁ Ἑλλήσποντος ἐς χάσμα πελάγεος τὸ δὴ Αἰγαῖον καλέεται.
そしてヘレスポントスは、まさにエーゲ海と呼ばれる海の広がりへと流れ出ている。