§4.181.1οὗτοι μὲν οἱ παραθαλάσσιοι τῶν νομάδων Λιβύων εἰρέαται, ὑπὲρ δὲ τούτων ἐς μεσόγαιαν ἡ θηριώδης ἐστὶ Λιβύη, ὑπὲρ δὲ τῆς θηριώδεος ὀφρύη ψάμμης κατήκει παρατείνουσα ἀπὸ Θηβέων τῶν Αἰγυπτιέων ἐπʼ Ἡρακλέας στήλας.
これらが、これまでに述べられた沿海部に住む遊牧のリビア人たちである。 彼らの上方、内陸の奥には猛獣の跋扈するリビアがあり、その猛獣のリビアの上方には、エジプトのテーバイからヘラクレスの柱にまで延びる砂の峰が横たわっている。
§4.181.2ἐν δὲ τῇ ὀφρύῃ ταύτῃ μάλιστα διὰ δέκα ἡμερέων ὁδοῦ ἁλός ἐστι τρύφεα κατὰ χόνδρους μεγάλους ἐν κολωνοῖσι, καὶ ἐν κορυφῇσι ἑκάστου τοῦ κολωνοῦ ἀνακοντίζει ἐκ μέσου τοῦ ἁλὸς ὕδωρ ψυχρὸν καὶ γλυκύ, περὶ δὲ αὐτὸν ἄνθρωποι οἰκέουσι ἔσχατοι πρὸς τῆς ἐρήμου καὶ ὑπὲρ τῆς θηριώδεος, πρῶτοι μὲν ἀπὸ Θηβέων διὰ δέκα ἡμερέων ὁδοῦ Ἀμμώνιοι, ἔχοντες τὸ ἱρὸν ἀπὸ τοῦ Θηβαιέος Διός·
この砂の峰には、およそ十日間の道のりの間隔ごとに、大きな塊となった塩が小丘をなして存在しており、それぞれの小丘の頂上では、塩の真ん中から冷たく甘い水が噴き出している。 その周囲には、砂漠に隣接し、猛獣のリビアの上方に当たる最果ての地に人々が住んでいる。 テーバイから十日間の道のりのところにいる最初の人々はアンモン人であり、彼らはテーバイのゼウスに由来する神殿を有している。
καὶ γὰρ τὸ ἐν Θήβῃσι, ὡς καὶ πρότερον εἴρηταί μοι, κριοπρόσωπον τοῦ Διὸς τὤγαλμα ἐστί.
というのも、テーバイにあるゼウスの像も、私が以前に述べたように、牡羊の顔をしているからである。
§4.181.3τυγχάνει δὲ καὶ ἄλλο σφι ὕδωρ κρηναῖον ἐὸν, τὸ τὸν μὲν ὄρθρον γίνεται χλιαρόν, ἀγορῆς δὲ πληθυούσης ψυχρότερον, μεσαμβρίη τε ἐστὶ καὶ τὸ κάρτα γίνεται ψυχρόν·
また、彼らのところには別の泉の水もあって、それは明け方には生温かくなり、広場に人が集まる時間になるとより冷たくなり、正午になると極めて冷たくなる。
§4.181.4τηνικαῦτα δὲ ἄρδουσι τοὺς κήπους·
その時に彼らは庭に水をまく。
ἀποκλινομένης δὲ τῆς ἡμέρης ὑπίεται τοῦ ψυχροῦ, ἐς οὗ δύεταί τε ὁ ἥλιος καὶ τὸ ὕδωρ γίνεται χλιαρόν.
日が傾くにつれて冷たさは和らぎ、太陽が沈む頃には、水は生温かくなる。
ἐπὶ δὲ μᾶλλον ἰὸν ἐς τὸ θερμὸν ἐς μέσας νύκτας πελάζει, τηνικαῦτα δὲ ζέει ἀμβολάδην·
さらに温度を上げて真夜中に近づくと、その時には激しく沸き立つ。
παρέρχονται τε μέσαι νύκτες καὶ ψύχεται μέχρι ἐς ἠῶ.
そして真夜中が過ぎると、夜明けまで冷えていく。
ἐπίκλησιν δὲ αὕτη ἡ κρήνη καλέεται ἡλίου.
この泉は、その名を「太陽の泉」と呼ばれている。