§4.181.1οὗτοι μὲν οἱ παραθαλάσσιοι τῶν νομάδων Λιβύων εἰρέαται, ὑπὲρ δὲ τούτων ἐς μεσόγαιαν ἡ θηριώδης ἐστὶ Λιβύη, ὑπὲρ δὲ τῆς θηριώδεος ὀφρύη ψάμμης κατήκει παρατείνουσα ἀπὸ Θηβέων τῶν Αἰγυπτιέων ἐπʼ Ἡρακλέας στήλας.
이들이 지금까지 언급된 해안 지방에 사는 유목 리비아인들이다. 이들 위쪽 내륙으로는 맹수들이 우글거리는 리비아가 있고, 이 맹수들의 리비아 위쪽으로는 이집트의 테베에서 헤라클레스의 기둥까지 뻗어 있는 모래 능선이 가로놓여 있다.
§4.181.2ἐν δὲ τῇ ὀφρύῃ ταύτῃ μάλιστα διὰ δέκα ἡμερέων ὁδοῦ ἁλός ἐστι τρύφεα κατὰ χόνδρους μεγάλους ἐν κολωνοῖσι, καὶ ἐν κορυφῇσι ἑκάστου τοῦ κολωνοῦ ἀνακοντίζει ἐκ μέσου τοῦ ἁλὸς ὕδωρ ψυχρὸν καὶ γλυκύ, περὶ δὲ αὐτὸν ἄνθρωποι οἰκέουσι ἔσχατοι πρὸς τῆς ἐρήμου καὶ ὑπὲρ τῆς θηριώδεος, πρῶτοι μὲν ἀπὸ Θηβέων διὰ δέκα ἡμερέων ὁδοῦ Ἀμμώνιοι, ἔχοντες τὸ ἱρὸν ἀπὸ τοῦ Θηβαιέος Διός·
이 능선에는 대략 열흘간의 길마다 큰 덩어리를 이룬 소금이 언덕들을 형성하고 있으며, 각 언덕의 꼭대기에서는 소금 한가운데에서 차고 단 물이 솟구쳐 나온다. 그 주변에는 사막에 인접해 있고 맹수들의 리비아 위쪽에 해당하는 가장 외진 곳에 사람들이 살고 있다. 테베에서 열흘 거리의 곳에 사는 첫 번째 사람들은 암몬인들이며, 이들은 테베의 제우스에게서 유래한 신전을 모시고 있다.
καὶ γὰρ τὸ ἐν Θήβῃσι, ὡς καὶ πρότερον εἴρηταί μοι, κριοπρόσωπον τοῦ Διὸς τὤγαλμα ἐστί.
왜냐하면 테베에 있는 제우스의 신상 역시 내가 전에도 말했듯이 숫양의 얼굴을 하고 있기 때문이다.
§4.181.3τυγχάνει δὲ καὶ ἄλλο σφι ὕδωρ κρηναῖον ἐὸν, τὸ τὸν μὲν ὄρθρον γίνεται χλιαρόν, ἀγορῆς δὲ πληθυούσης ψυχρότερον, μεσαμβρίη τε ἐστὶ καὶ τὸ κάρτα γίνεται ψυχρόν·
또한 그들에게는 마침 다른 샘물도 하나 있는데, 이 물은 새벽녘에는 미지근해지고, 시장에 사람들이 모여들 때에는 더 차가워지며, 정오가 되면 아주 차가워진다.
§4.181.4τηνικαῦτα δὲ ἄρδουσι τοὺς κήπους·
그때 그들은 정원에 물을 준다.
ἀποκλινομένης δὲ τῆς ἡμέρης ὑπίεται τοῦ ψυχροῦ, ἐς οὗ δύεταί τε ὁ ἥλιος καὶ τὸ ὕδωρ γίνεται χλιαρόν.
해가 기울어짐에 따라 차가움이 덜해지다가, 해가 지면 물이 미지근해진다.
ἐπὶ δὲ μᾶλλον ἰὸν ἐς τὸ θερμὸν ἐς μέσας νύκτας πελάζει, τηνικαῦτα δὲ ζέει ἀμβολάδην·
온도가 더 올라가며 자정에 가까워지면, 그때는 물이 부글부글 끓어오른다.
παρέρχονται τε μέσαι νύκτες καὶ ψύχεται μέχρι ἐς ἠῶ.
자정이 지나면 동이 틀 때까지 식는다.
ἐπίκλησιν δὲ αὕτη ἡ κρήνη καλέεται ἡλίου.
이 샘은 그 이름으로 '태양의 샘'이라 불린다.