§4.181.1οὗτοι μὲν οἱ παραθαλάσσιοι τῶν νομάδων Λιβύων εἰρέαται, ὑπὲρ δὲ τούτων ἐς μεσόγαιαν ἡ θηριώδης ἐστὶ Λιβύη, ὑπὲρ δὲ τῆς θηριώδεος ὀφρύη ψάμμης κατήκει παρατείνουσα ἀπὸ Θηβέων τῶν Αἰγυπτιέων ἐπʼ Ἡρακλέας στήλας.
以上是已经叙述过的居住在沿海一带的游牧利比亚人；在他们上方，往内陆方向是猛兽成群的利比亚；而在猛兽成群的利比亚上方，有一道砂石隆起的山脊，从埃及的底比斯一直延伸到赫拉克勒斯之柱。
§4.181.2ἐν δὲ τῇ ὀφρύῃ ταύτῃ μάλιστα διὰ δέκα ἡμερέων ὁδοῦ ἁλός ἐστι τρύφεα κατὰ χόνδρους μεγάλους ἐν κολωνοῖσι, καὶ ἐν κορυφῇσι ἑκάστου τοῦ κολωνοῦ ἀνακοντίζει ἐκ μέσου τοῦ ἁλὸς ὕδωρ ψυχρὸν καὶ γλυκύ, περὶ δὲ αὐτὸν ἄνθρωποι οἰκέουσι ἔσχατοι πρὸς τῆς ἐρήμου καὶ ὑπὲρ τῆς θηριώδεος, πρῶτοι μὲν ἀπὸ Θηβέων διὰ δέκα ἡμερέων ὁδοῦ Ἀμμώνιοι, ἔχοντες τὸ ἱρὸν ἀπὸ τοῦ Θηβαιέος Διός· καὶ γὰρ τὸ ἐν Θήβῃσι, ὡς καὶ πρότερον εἴρηταί μοι, κριοπρόσωπον τοῦ Διὸς τὤγαλμα ἐστί.
在这道山脊上，大约每隔十天的行程，就有大块的盐积聚成一个个丘陵，在每个丘陵的顶端，冷而甘甜的水从盐的中央喷涌而出。 在它的周围，居住着最靠近沙漠、且在猛兽成群的利比亚之上方的最边缘的人。 从底比斯出发相隔十天行程的第一批人是阿蒙人，他们拥有源自底比斯宙斯的神庙；因为正如我之前说过的，底比斯那里的宙斯神像也是公羊面的。
§4.181.3τυγχάνει δὲ καὶ ἄλλο σφι ὕδωρ κρηναῖον ἐὸν, τὸ τὸν μὲν ὄρθρον γίνεται χλιαρόν, ἀγορῆς δὲ πληθυούσης ψυχρότερον, μεσαμβρίη τε ἐστὶ καὶ τὸ κάρτα γίνεται ψυχρόν· §4.181.4τηνικαῦτα δὲ ἄρδουσι τοὺς κήπους·
他们那里恰好还有另一种泉水，在黎明时它是温的，到集市贸易繁忙时它变得更冷，到了正午时分它就变得非常冷；这时候他们便用这水灌溉花园。
ἀποκλινομένης δὲ τῆς ἡμέρης ὑπίεται τοῦ ψυχροῦ, ἐς οὗ δύεταί τε ὁ ἥλιος καὶ τὸ ὕδωρ γίνεται χλιαρόν.
随着太阳偏西，冷意渐渐消退，直到太阳下山，水又变得温热。
ἐπὶ δὲ μᾶλλον ἰὸν ἐς τὸ θερμὸν ἐς μέσας νύκτας πελάζει, τηνικαῦτα δὲ ζέει ἀμβολάδην· παρέρχονται τε μέσαι νύκτες καὶ ψύχεται μέχρι ἐς ἠῶ.
随后水温进一步升高，临近子夜，这时水便剧烈沸腾起来；过了子夜，它又逐渐冷却，直到黎明。
ἐπίκλησιν δὲ αὕτη ἡ κρήνη καλέεται ἡλίου.
这口泉的名字叫作“太阳之泉”。