§4.147.1τὸν δὲ αὐτὸν τοῦτον χρόνον Θήρας ὁ Αὐτεσίωνος τοῦ Τισαμενοῦ τοῦ Θερσάνδρου τοῦ Πολυνείκεος ἔστελλε ἐς ἀποικίην ἐκ Λακεδαίμονος·
そしてこれと同じ頃、テラス（アウテシオンの子、アウテシオンはティサメノスの子、ティサメノスはテルサンドロスの子、テルサンドロスはポリュネイケスの子）が、ラケダイモンから植民のための遠征を準備していた。
§4.147.2ἦν δὲ ὁ Θήρας οὗτος, γένος ἐὼν Καδμεῖος, τῆς μητρὸς ἀδελφεὸς τοῖσι Ἀριστοδήμου παισὶ Εὐρυσθένεϊ καὶ Προκλέι.
さて、このテラスは、血統としてはカドモス人であったが、アリストデモスの息子たちであるエウリュステネスとプロクレスにとって母方の叔父であった。
ἐόντων δὲ ἔτι τῶν παίδων τούτων νηπίων ἐπιτροπαίην εἶχε ὁ Θήρας τὴν ἐν Σπάρτῃ βασιληίην.
そして、これらの子供たちがまだ幼かった間、テラスはスパルタにおける王権の後見役を務めていた。
§4.147.3αὐξηθέντων δὲ τῶν ἀδελφιδέων καὶ παραλαβόντων τὴν ἀρχήν, οὕτω δὴ ὁ Θήρας δεινὸν ποιεύμενος ἄρχεσθαι ὑπʼ ἄλλων ἐπείτε ἐγεύσατο ἀρχῆς, οὐκ ἔφη μένειν ἐν τῇ Λακεδαίμονι ἀλλʼ ἀποπλεύσεσθαι ἐς τοὺς συγγενέας.
しかし、甥たちが成長して支配権を引き継ぐと、かつて自ら支配の味を知っていたテラスは、他人に支配されることを耐え難いことと思い、ラケダイモンには留まらず、自分の親族のもとへ航海して去るつもりだと言った。
§4.147.4ἦσαν δὲ ἐν τῇ νῦν Θήρῃ καλεομένῃ νήσῳ, πρότερον δὲ Καλλίστῃ τῇ αὐτῇ ταύτῃ, ἀπόγονοι Μεμβλιάρου τοῦ Ποικίλεω ἀνδρὸς Φοίνικος.
現在テラと呼ばれている、しかし以前はこれと同じ島がカッリステと呼ばれていた島には、ポイキレスの息子でフェニキア人であるメムブリアロスの末裔たちが暮らしていた。
Κάδμος γὰρ ὁ Ἀγήνορος Εὐρώπην διζήμενος προσέσχε ἐς τὴν νῦν Θήρην καλεομένην·
というのも、アゲノルの息子カドモスがエウロペを捜し求めて、現在テラと呼ばれている島に立ち寄ったからである。
προσσχόντι δὲ εἴτε δή οἱ ἡ χώρη ἤρεσε, εἴτε καὶ ἄλλως ἠθέλησε ποιῆσαι τοῦτο· καταλείπει γὰρ ἐν τῇ νήσῳ ταύτῃ ἄλλους τε τῶν Φοινίκων καὶ δὴ καὶ τῶν ἑωυτοῦ συγγενέων Μεμβλίαρον.
立ち寄った際、彼にとってその土地が気に入ったためか、あるいはまた別の理由でそうすることを望んだためか、彼はこの島に、他のフェニキア人たち、そして特に自身の親族の一人であるメムブリアロスを残したのである。
§4.147.5οὗτοι ἐνέμοντο τὴν Καλλίστην καλεομένην ἐπὶ γενεάς, πρὶν ἤ Θήραν ἐλθεῖν ἐκ Λακεδαίμονος, ὀκτὼ ἀνδρῶν.
これらの人々は、テラスがラケダイモンからやって来る前に、カッリステと呼ばれていたその島を、人間の世代にして八世代にわたって占有していた。