§1.59.1τούτων δὴ ὦν τῶν ἐθνέων τὸ μὲν Ἀττικὸν κατεχόμενόν τε καὶ διεσπασμένον ἐπυνθάνετο ὁ Κροῖσος ὑπὸ Πεισιστράτου τοῦ Ἱπποκράτεος τοῦτον τὸν χρόνον τυραννεύοντος Ἀθηναίων.
これらの民族のうち、アッティカの民族は、当時アテナイ人の僭主であったヒッポクラテスの子ペイシストラトスによって抑圧され、分裂させられていることを、クロイソスは聞き知った。
Ἱπποκράτεϊ γὰρ ἐόντι ἰδιώτῃ καὶ θεωρέοντι τὰ Ὀλύμπια τέρας ἐγένετο μέγα·
というのも、一私人であり、オリンピア競技を観戦していたヒッポクラテスに、大いなる前兆が現れたからである。
θύσαντος γὰρ αὐτοῦ τὰ ἱρὰ οἱ λέβητες ἐπεστεῶτες καὶ κρεῶν τε ἐόντες ἔμπλεοι καὶ ὕδατος ἄνευ πυρὸς ἔζεσαν καὶ ὑπερέβαλον.
彼が犠牲を捧げたとき、そこに据えられ、肉と水で満ちていた大釜が、火もないのに沸騰し、溢れ出たのである。
§1.59.2Χίλων δὲ ὁ Λακεδαιμόνιος παρατυχὼν καὶ θεησάμενος τὸ τέρας συνεβούλευε Ἱπποκράτεϊ πρῶτα μὲν γυναῖκα μὴ ἄγεσθαι τεκνοποιὸν ἐς τὰ οἰκία, εἰ δὲ τυγχάνει ἔχων, δευτέρα τὴν γυναῖκα ἐκπέμπειν, καὶ εἴ τίς οἱ τυγχάνει ἐὼν παῖς, τοῦτον ἀπείπασθαι.
その場に居合わせてこの前兆を目撃したラケダイモン人キロンは、ヒッポクラテスに、第一に、子供を産む年齢の妻を家に迎えないこと、もしすでに妻を持っているならば、第二に、その妻を離縁すること、そして、もし彼に息子がいるならば、これを勘当することを勧めた。
§1.59.3οὔκων ταῦτα παραινέσαντος Χίλωνος πείθεσθαι θέλειν τὸν Ἱπποκράτεα·
しかし、キロンがこのように勧告したにもかかわらず、ヒッポクラテスは従おうとしなかった。
γενέσθαι οἱ μετὰ ταῦτα τὸν Πεισίστρατον τοῦτον, ὃς στασιαζόντων τῶν παράλων καὶ τῶν ἐκ τοῦ πεδίου Ἀθηναίων, καὶ τῶν μὲν προεστεῶτος Μεγακλέος τοῦ Ἀλκμέωνος, τῶν δὲ ἐκ τοῦ πεδίου Λυκούργου Ἀριστολαΐδεω, καταφρονήσας τὴν τυραννίδα ἤγειρε τρίτην στάσιν·
その後、彼にこのペイシストラトスが生まれた。 彼は、沿岸部の者たちと平野部のアテナイ人たちが党争を起こし、一方をアルクマイオンの子メガクレスが率い、他方を平野部のリュクルゴスが率いていたとき、僭主の地位を狙って第三の党派を起こした。
συλλέξας δὲ στασιώτας καὶ τῷ λόγῳ τῶν ὑπερακρίων προστὰς μηχανᾶται τοιάδε.
そして、党与を糾合し、名目的には山岳部の人々の指導者となって、次のような策をめぐらした。
§1.59.4τρωματίσας ἑωυτόν τε καὶ ἡμιόνους ἤλασε ἐς τὴν ἀγορὴν τὸ ζεῦγος ὡς ἐκπεφευγὼς τοὺς ἐχθρούς, οἵ μιν ἐλαύνοντα ἐς ἀγρὸν ἠθέλησαν ἀπολέσαι δῆθεν, ἐδέετό τε τοῦ δήμου φυλακῆς τινος πρὸς αὐτοῦ κυρῆσαι, πρότερον εὐδοκιμήσας ἐν τῇ πρὸς Μεγαρέας γενομένῃ στρατηγίῃ, Νίσαιάν τε ἑλὼν καὶ ἄλλα ἀποδεξάμενος μεγάλα ἔργα.
彼は自分自身と騾馬たちを傷つけ、敵から逃れてきたかのように、その車を広場へと走らせた。 敵というのは、彼が郊外へ車を走らせていたときに、彼を殺そうとしたのだという触れ込みであった。 そして彼は、以前メガラ人との戦いで将軍として名声を博し、ニサイアを攻略し、その他の大きな功績を立てていたので、民衆から自分のために何らかの護衛隊を得られるよう、彼らに哀願した。
§1.59.5ὁ δὲ δῆμος ὁ τῶν Ἀθηναίων ἐξαπατηθεὶς ἔδωκέ οἱ τῶν ἀστῶν καταλέξας ἄνδρας τούτους οἳ δορυφόροι μὲν οὐκ ἐγένοντο Πεισιστράτου, κορυνηφόροι δέ·
だまされたアテナイの民衆は、市民の中から男たちを選び出して彼に与えたが、この者たちはペイシストラトスの槍持ちではなく、棍棒持ちとなった。
ξύλων γὰρ κορύνας ἔχοντες εἵποντό οἱ ὄπισθε.
というのも、彼らは木製の棍棒を持って彼の後ろに従ったからである。
§1.59.6συνεπαναστάντες δὲ οὗτοι ἅμα Πεισιστράτῳ ἔσχον τὴν ἀκρόπολιν.
この者たちがペイシストラトスとともに蜂起し、アクロポリスを占領した。
ἔνθα δὴ ὁ Πεισίστρατος ἦρχε Ἀθηναίων, οὔτε τιμὰς τὰς ἐούσας συνταράξας οὔτε θέσμια μεταλλάξας, ἐπί τε τοῖσι κατεστεῶσι ἔνεμε τὴν πόλιν κοσμέων καλῶς τε καὶ εὖ.
そこでペイシストラトスはアテナイ人を支配したのであるが、既存の特権を乱すことも、法慣行を変更することもなく、確立された体制に基づいて、市を美しくかつ見事に秩序づけて統治した。