§15.1ἐπεὶ δὲ ὁ Ἀντίοχος εἰς τὴν Ἑλλάδα ναυσὶ πολλαῖς καὶ στρατῷ περαιωθεὶς ἀφίστη τὰς πόλεις καὶ διεστασίαζεν, Αἰτωλῶν αὐτῷ συνεπιλαμβανομένων καὶ πάλαι διακειμένων πρὸς τὸν Ῥωμαίων δῆμον ἐχθρῶς καὶ πολεμικῶς, ὑπόθεσιν τοῦ πολέμου καὶ πρόφασιν διδόντων ἐλευθεροῦν τοὺς Ἕλληνας οὐδὲν δεομένους (ἐλεύθεροι γὰρ ἦσαν), §15.2ἀλλʼ εὐπρεπεστέρας αἰτίας ἀπορίᾳ τῷ καλλίστῳ τῶν ὀνομάτων χρῆσθαι διδασκόντων, καὶ σφόδρα δείσαντες οἱ Ῥωμαῖοι τὴν ἀνάστασιν καὶ δόξαν αὐτοῦ τῆς δυνάμεως, στρατηγὸν μὲν ὕπατον τοῦ πολέμου Μάνιον Ἀκίλιον κατέπεμψαν, πρεσβευτὴν δὲ Τίτον διὰ τοὺς Ἕλληνας, ὧν τοὺς μὲν εὐθὺς ὀφθεὶς ἐποίησε βεβαιοτέρους, τοὺς δὲ ἀρχομένους νοσεῖν ὥσπερ τι ἐν καιρῷ φάρμακον ἐνδιδοὺς τὴν πρὸς αὑτὸν εὔνοιαν ἔστησε καὶ διεκώλυσεν ἐξαμαρτεῖν.
しかし、アンティオコスが多くの船と軍勢を率いてギリシアに渡り、諸都市を離反させ攪乱するに及び、またアイトリア人が彼に味方して協力し、彼らはかねてよりローマの民衆に対して敵意を抱き交戦状態にあったが、ギリシア人たちを解放するという（ギリシア人は自由であったのだから）何ら必要のない名目と口実を戦争のために彼に提供し、そればかりか、より適切な理由を欠いていたために、最も麗しい言葉を用いるよう唆していたが、ローマ人たちはアンティオコスの勃興とその軍事力の評判を非常に恐れ、戦争のために執政官であるマニウス・アキリウスを司令官として派遣し、ギリシア人たちのためにティトスを使節として派遣した。 ティトスはギリシア人たちのうち、ある者たちには姿を見せるだけですぐにその忠誠をより確かなものとし、また病にかかりかけていた者たちには、自分に対する好意という時宜に適った薬を与えるかのようにして、彼らを思いとどまらせ、過ちを犯すのを防いだ。
§15.3ὀλίγοι δὲ αὑτὸν ἐξέφυγον ἤδη προκατειλημμένοι καὶ διεφθαρμένοι παντάπασιν ὑπὸ τῶν Αἰτωλῶν, οὓς καίπερ ὀργισθεὶς καὶ παροξυνθεὶς ὅμως μετὰ τὴν μάχην περιεποίησεν.
しかし、すでにアイトリア人によって先手を打たれ、完全に抱き込まれていた少数の者たちは彼の手を逃れたが、ティトスは怒り憤慨したものの、戦闘の後に彼らを守ってやった。
Ἀντίοχος γὰρ ἡττηθεὶς ἐν Θερμοπύλαις καὶ φυγὼν εὐθὺς εἰς Ἀσίαν ἀπέπλευσε, Μάνιος δʼ ὁ ὕπατος τοὺς μὲν αὐτὸς ἐπιὼν τῶν Αἰτωλῶν ἐπολιόρκει, τοὺς δὲ τῷ βασιλεῖ Φιλίππῳ συνεχώρησεν ἐξαιρεῖν.
というのも、アンティオコスはテルモピュライで敗北して逃亡し、ただちにアジアへと船で去り、執政官マニウス自身は、アイトリア人のある者たちに対しては自ら攻め上って包囲し、他の者たちについてはフィリッポス王が征服するのを許したからである。
§15.4ἀγομένων δὲ καὶ φερομένων ὑπὸ τοῦ Μακεδόνος τοῦτο μὲν Δολόπων καὶ Μαγνήτων, τοῦτο δὲ Ἀθαμάνων καὶ Ἀπεραντῶν, αὐτοῦ δὲ τοῦ Μανίου τὴν μὲν Ἡράκλειαν διαπεπορθηκότος, τὴν δὲ Ναύπακτον Αἰτωλῶν ἐχόντων πολιορκοῦντος, οἰκτείρων τοὺς Ἕλληνας ὁ Τίτος διέπλευσεν ἐκ Πελοποννήσου πρὸς τὸν ὕπατον.
そして、マケドニア人によって、一方ではドロピア人とマグネシア人が、他方ではアタマニア人とアペランティア人が略奪され連れ去られる一方で、マニウス自身がヘラクレイアを徹底的に略奪し、アイトリア人が保持するナウパクトスを包囲しているとき、ティトスはギリシア人たちを哀れみ、ペロポネソスから執政官のもとへと船で渡った。
καὶ πρῶτον μὲν ἐπετίμησεν εἰ νενικηκὼς αὐτὸς τὰ ἔπαθλα τοῦ πολέμου Φίλιππον ἐᾷ φέρεσθαι, καὶ τριβόμενος περὶ μιᾷ πόλει κάθηται διʼ ὀργήν, ἔθνη δὲ οὐκ ὀλίγα καὶ βασιλείας Μακεδόνες αἱροῦσιν.
そして、まず彼は、マニウス自身が勝利を収めながら、戦争の戦利品をフィリッポスが持ち去るのを許していること、そして怒りのあまり一つの都市の周りで時を浪費して座り込んでいる間に、マケドニア人たちが少なからぬ部族や王国を奪っていることを非難した。
§15.5ἔπειτα τῶν πολιορκουμένων, ὡς εἶδον αὑτὸν, ἀπὸ τοῦ τείχους ἀνακαλούντων καὶ χεῖρας ὀρεγόντων καὶ δεομένων, τότε μὲν οὐδὲν εἰπών, ἀλλὰ στραφεὶς καὶ δακρύσας ἀπῆλθεν, ὕστερον δὲ διαλεχθεὶς τῷ Μανίῳ καὶ καταπαύσας τὸν θυμὸν αὐτοῦ διεπράξατο τοῖς Αἰτωλοῖς ἀνοχὰς δοθῆναι, καὶ χρόνον ἐν ᾧ πρεσβεύσαντες εἰς Ῥώμην μετρίου τινὸς τυχεῖν ἀξιώσουσι.
次いで、包囲されている者たちが、ティトスの姿を見るや壁の上から彼の名を呼び、手を伸ばして懇願したとき、その場では彼は何も言わず、ただ身を翻して涙を流して立ち去ったが、後にマニウスと話し合い、その怒りを鎮めることで、アイトリア人たちに休戦が与えられ、彼らがローマに使節を送って寛大な処遇を求めることができる期間が確保されるよう取り計らった。