§8.96.1τοῖς δὲ Ἀθηναίοις ὡς ἦλθε τὰ περὶ τὴν Εὔβοιαν γεγενημένα, ἔκπληξις μεγίστη δὴ τῶν πρὶν παρέστη.
アテナイ人にとっては、エウボイアでの出来事が伝わると、これまでにない最大の衝撃が襲った。
οὔτε γὰρ ἡ ἐν τῇ Σικελίᾳ ξυμφορά, καίπερ μεγάλη τότε δόξασα εἶναι, οὔτε ἄλλο οὐδέν πω οὕτως ἐφόβησεν.
というのも、シケリアでの惨劇も、当時は甚大であると思われたものの、また他のいかなる出来事も、これほどまでに彼らを恐怖に陥れたことはなかったからである。
§8.96.2ὅπου γὰρ στρατοπέδου τε τοῦ ἐν Σάμῳ ἀφεστηκότος ἄλλων τε νεῶν οὐκ οὐσῶν οὐδὲ τῶν ἐσβησομένων αὐτῶν τε στασιαζόντων καὶ ἄδηλον ὂν ὁπότε σφίσιν αὐτοῖς ξυρράξουσι, τοσαύτη ἡ ξυμφορὰ ἐπεγεγένητο, ἐν ᾗ ναῦς τε καὶ τὸ μέγιστον Εὔβοιαν ἀπωλωλέκεσαν, ἐξ ἧς πλείω ἢ τῆς Ἀττικῆς ὠφελοῦντο, πῶς οὐκ εἰκότως ἠθύμουν;
なぜなら、サモスの軍勢が反抗し、他に船もなく、乗船する者もおらず、彼ら自身が内紛状態にあり、しかもいつ互いに衝突するかも分からぬ状況において、さらにこのような大惨劇が追い打ちをかけ、その中で彼らは船と、そして何よりもエウボイアを失ったからである。 そこからはアッティカからよりも多くの恩恵を得ていたのであり、どうして彼らが落胆しないことがあろうか。
§8.96.3μάλιστα δ’ αὐτοὺς καὶ δι’ ἐγγυτάτου ἐθορύβει, εἰ οἱ πολέμιοι τολμήσουσι νενικηκότες εὐθὺ σφῶν ἐπὶ τὸν Πειραιᾶ ἐρῆμον ὄντα νεῶν πλεῖν·
しかし、最も、そしてきわめて切実に彼らを不安にさせたのは、敵が勝利の勢いに乗って、直ちに、船の空っぽになっているピレウスに向けて航行してくるのではないかという恐れであった。
καὶ ὅσον οὐκ ἤδη ἐνόμιζον αὐτοὺς παρεῖναι.
そして、彼らは敵が今にも到着するかのように思っていた。
§8.96.4ὅπερ ἄν, εἰ τολμηρότεροι ἦσαν, ῥᾳδίως ἂν ἐποίησαν, καὶ ἢ διέστησαν ἂν ἔτι μᾶλλον τὴν πόλιν ἐφορμοῦντες ἤ, εἰ ἐπολιόρκουν μένοντες, καὶ τὰς ἀπ’ Ἰωνίας ναῦς ἠνάγκασαν ἂν καίπερ πολεμίας οὔσας τῇ ὀλιγαρχίᾳ τοῖς σφετέροις οἰκείοις καὶ τῇ ξυμπάσῃ πόλει βοηθῆσαι·
もし敵がもっと大胆であったなら、そのことを容易に実行したであろうし、そうなれば、そこに留まって封鎖することで都市をさらに分裂させたか、あるいは、留まって包囲したなら、イオニアからの船をも、寡頭制に対しては敵対的であったとはいえ、自分たちの家族や都市全体を救援するために戻ることを余儀なくさせたであろう。
καὶ ἐν τούτῳ Ἑλλήσποντός τε ἂν ἦν αὐτοῖς καὶ Ἰωνία καὶ αἱ νῆσοι καὶ τὰ μέχρι Εὐβοίας καὶ ὡς εἰπεῖν ἡ Ἀθηναίων ἀρχὴ πᾶσα.
そうなっていれば、ヘレスポントスも、イオニアも、諸島も、エウボイアに至るまでの地域も、そして言ってみればアテナイの支配領域全体が彼らのものになっていたであろう。
§8.96.5ἀλλ’ οὐκ ἐν τούτῳ μόνῳ Λακεδαιμόνιοι Ἀθηναίοις πάντων δὴ ξυμφορώτατοι προσπολεμῆσαι ἐγένοντο, ἀλλὰ καὶ ἐν ἄλλοις πολλοῖς·
しかし、ラケダイモン人がアテナイ人にとって、戦う相手として最も好都合であったのは、この一件においてだけではなく、他の多くの点においても同様であった。
διάφοροι γὰρ πλεῖστον ὄντες τὸν τρόπον, οἱ μὲν ὀξεῖς, οἱ δὲ βραδεῖς, καὶ οἱ μὲν ἐπιχειρηταί, οἱ δὲ ἄτολμοι, ἄλλως τε καὶ ἐν ἀρχῇ ναυτικῇ πλεῖστα ὠφέλουν.
なぜなら、彼らは気質が全く異なっており、一方は敏捷で、他方は遅鈍、また一方は果敢に企て、他方は臆病であり、とりわけ海軍国を相手にするにあたって、このことが多大な利益をもたらしたからである。
ἔδειξαν δὲ οἱ Συρακόσιοι·
そのことはシュラクサイ人が証明した。
μάλιστα γὰρ ὁμοιότροποι γενόμενοι ἄριστα καὶ προσεπολέμησαν.
というのも、彼らは最も似通った気質を持っていたため、最もうまく戦ったからである。