§8.20.1ὑπὸ δὲ τοὺς αὐτοὺς χρόνους αἱ ἐν τῷ Σπειραίῳ εἴκοσι νῆες τῶν Πελοποννησίων, καταδιωχθεῖσαι τότε καὶ ἐφορμούμεναι ἴσῳ ἀριθμῷ ὑπὸ Ἀθηναίων, ἐπέκπλουν ποιησάμεναι αἰφνίδιον καὶ κρατήσασαι ναυμαχίᾳ τέσσαράς τε ναῦς λαμβάνουσι τῶν Ἀθηναίων καὶ ἀποπλεύσασαι ἐς Κεγχρειὰς τὸν ἐς τὴν Χίον καὶ τὴν Ἰωνίαν πλοῦν αὖθις παρεσκευάζοντο. καὶ ναύαρχος αὐτοῖς ἐκ Λακεδαίμονος Ἀστύοχος ἐπῆλθεν, ᾧπερ ἐγίγνετο ἤδη πᾶσα ἡ ναυαρχία. §8.20.2ἀναχωρήσαντος δὲ τοῦ ἐκ τῆς Τέω πεζοῦ καὶ Τισσαφέρνης αὐτὸς στρατιᾷ παραγενόμενος καὶ ἐπικαθελὼν τὸ ἐν τῇ Τέῳ τεῖχος, εἴ τι ὑπελείφθη, ἀνεχώρησεν. καὶ Διομέδων ἀπελθόντος αὐτοῦ οὐ πολὺ ὕστερον δέκα ναυσὶν Ἀθηναίων ἀφικόμενος ἐσπείσατο Τηίοις ὥστε δέχεσθαι καὶ σφᾶς. καὶ παραπλεύσας ἐπὶ Αἱρὰς καὶ προσβαλών, ὡς οὐκ ἐλάμβανε τὴν πόλιν, ἀπέπλευσεν.
同じ頃、スペイライオンにいたペロポネソス勢の二十隻の船は、当時そこに追い詰められ、同数のアテナイ船によって封鎖されていたが、突如として出撃を敢行し、海戦で勝利を収めてアテナイの船四隻を拿捕した。そしてケンクレイアイへと退却し、キオスおよびイオニアへの航海を再び準備した。また、彼らのもとにラケダイモンから提督としてアスチュオコスが到着したが、彼にはすでに全艦隊の指揮権が委ねられることになっていた。テオスから陸上部隊が撤退すると、ティッサフェルネス自身も軍勢を率いて到着し、テオスの城壁のうち、わずかでも残っていた部分を完全に破壊した後に撤退した。彼が去ってから間もなく、ディオメドンがアテナイの船十隻を率いて到着し、自分たちをも受け入れるという条件でテオス人たちと協定を結んだ。そしてハイライへと沿岸を航行して攻撃を加えたが、その都市を攻略できなかったため、撤退した。