§8.101.1ὁ δὲ Μίνδαρος ἐν τούτῳ καὶ ἐκ τῆς Χίου τῶν Πελοποννησίων αἱ νῆες ἐπισιτισάμεναι δυοῖν ἡμέραιν καὶ λαβόντες παρὰ τῶν Χίων τρεῖς τεσσαρακοστὰς ἕκαστος Χίας τῇ τρίτῃ διὰ ταχέων ἀπαίρουσιν ἐκ τῆς Χίου 〈οὐ〉 πελάγιαι, ἵνα μὴ περιτύχωσι ταῖς ἐν τῇ Ἐρέσῳ ναυσίν, ἀλλὰ ἐν ἀριστερᾷ τὴν Λέσβον ἔχοντες ἔπλεον ἐπὶ τὴν ἤπειρον.
一方ミンダロスと、キオスにいたペロポネソス勢の船は、この間に二日かけて食料を補給し、キオス人から各自三キオス・テッサラコステを受け取ると、三日目に速やかにキオスから出帆した。 エレソスにいるアテナイの船と遭遇するのを避けるため、沖合ではなく、レスボス島を左手に見て、大陸に向けて航行した。
§8.101.2καὶ προσβαλόντες τῆς Φωκαΐδος ἐς τὸν ἐν Καρτερίοις λιμένα καὶ ἀριστοποιησάμενοι, παραπλεύσαντες τὴν Κυμαίαν δειπνοποιοῦνται ἐν Ἀργινούσαις τῆς ἠπείρου, ἐν τῷ ἀντιπέρας τῆς Μυτιλήνης.
そしてフォカイア地方のカルテリアにある港に寄港して昼食をとり、クメ地方の沿岸を航行したのち、ミュティレネの対岸にある大陸のアルギヌサイで夕食をとった。
§8.101.3ἐντεῦθεν δὲ ἔτι πολλῆς νυκτὸς παραπλεύσαντες καὶ ἀφικόμενοι τῆς ἠπείρου ἐς Ἁρματοῦντα καταντικρὺ Μηθύμνης, ἀριστοποιησάμενοι διὰ ταχέων παραπλεύσαντες Λεκτὸν καὶ Λάρισαν καὶ Ἁμαξιτὸν καὶ τὰ ταύτῃ χωρία ἀφικνοῦνται ἐς Ῥοίτειον ἤδη τοῦ Ἑλλησπόντου πρωίτερον μέσων νυκτῶν.
そこから、まだ夜の深いうちに出発して沿岸を航行し、メテュムナの真向かいにある大陸のハルマトウスに到着すると、速やかに昼食をとった。 その後、レクトン、ラリサ、ハマクシトスおよびその一帯の地を航行して通り過ぎ、真夜中より前に、すでにヘレスポントスに属するロイテイオンに到着した。
εἰσὶ δ’ αἳ τῶν νεῶν καὶ ἐς Σίγειον κατῆραν καὶ ἄλλοσε τῶν ταύτῃ χωρίων.
船の中には、シゲイオンやその一帯の他の場所に寄港したものもあった。